Dakar 2025

...slim van jou. Nou kan almal hier lekker klets en galbraak oor Da-bakkies, fietse en hulle drywers. 

Lees netnou Sainz snr is die m@#r in vir FIA oor die onttrekking van sy Raptor agv die beskadigde rol staaf. Ford se tegnici is ook ontsteld, hulle reken die skade is min en maklik herstelbaar in die veld, blykbaar is FIA se regulasies effe oorboord...

....nee ou maat, ek hoor daai Ford lek nou olie en bemors die sand liederlik. Daar is nie sandkleur olie dadelik beskikbaar vir hervul nie.

Al het hulle Carlos toegelaat om verder te ry, het hy omtrent geen kans gehad om pp die rostrum te kom nie, hopeloos te veel tyd verloor. Sy job sou net wees om die span te ondersteun deur ń " mule" te wees waarvan daar onderdele afgehaal kan word. Dit is hoe die spanpoging werk. 

Of FIA onredelik was. Ek glo hulle het kundiges wat besluit. En dat die span die skade 100% herstel in die veld?? Die tipe toerusting word ge X traal om vir krakies te soek tydens vervaardiging.  Sal darem tragies wees as hy weer ñ blapsie het en die roll cage gee mee.

Bradley Cox ry heel goed, Alfie was ń uitstekende ryer maar sy navigasie was treurig. Ek onthou wat een van die renjaers een keer kwytgeraak het van Alfie." As hy kon navigeer, het hy maklik gewen. Hy gaan my sommige dae 3 keer verby.".Dit is nou omrede hy afdwaal en dan weer van agter af moet inhaal.

se navigasie??? Was hy dalk in een van die toyota bakkies toe Giniel gebots het met ander bakkie????

Stem (soort van) met jou saam Neef wat die Sainz ding aanbetref. Maar ek sou dink dat die ondersteuning span deel was van die ontwerp, vervaardiging van die voertuig en dus (definitief?) beter insig het wat "onder die vel" van die voertuig aangaan. Itv slegs 'n "mule" te wees sou Sainz voortgaan dink nie so nie, hierdie is Ford se eerste Dakar poging. Spesifiek onder sulke omstamdighede is data wat ingewin word tydens die wedren van onskatbare waarde ongeag of mens wen of erens in die bondel eindig. Die 2019 film Ford vs. Ferrari wat gaan oor die 1966 twee-stryd tussen twee ikoniese vervaardigers om die 24h Le Mans te wen raak ook daaraan - die Ford GT40 het juis bekendheid verwerf agv die tweestryd. Elke bietjie data is goud werd vir die volgende wedren. Die FIA is ongelukkig deesdae bietjie "over the top", kyk maar net hoe hulle party maal die dam onder die eend uitpluk as dit by F1 kom. Sekerlik kan mens die motor wedren besigheid 100% veilig maak, maar dan eindig mens ook weer op met bloot 'n konvooi voertuie wat kamstig resies jaag, maar toeskouers laat vrek van verveeldheid! In alle geval, ek dink die Ford mense doen tans heel goed vir 'n eerste probeerslag...maar daar is nog baie km's en dae oor, wie weet hoe dit gaan eindig!

Stem Grootwind, , die inligting is " real time" en baie waardevol. 

Die motorfietsryers, moet hulle eintlik " pilots" noem word, het bitter min beskerming. Ek dink hulle het ń neck brace wat soos ń lugsak ontplooi as die valslag erg is. Die res is alerhande stukke " armour" onder hulle klere. Wragties, hulle tol soos lappoppe deur die lug, net om op te staan en aan te ry. Of te bly lê en wag vir die chopper. Tawwe klomp. Daar was op n tyd ń man wat so hard geval het dat sy fiets se voorkant heel afgebreek het. Die het hy met ń magdom kabelstroppe vasgeryg en die skof voltooi. 

 Ek was altyd ń F1 aanhanger, en het dit baie geniet. Die  voorskrifte en reels, in my beskeie opinie, het nou so tight geraak, dat die karre  so min verskil dat daar regtig net ń klein bietjie ontwerp- initiatief oorbly . Of so wil dit vir my voorkom, ek is nie meer op hoogte nie.

Die wat voor wegspring, en die strategie is reg, dan kyk jy heel wedren vir net dieselfde voertuie. En as een vervaardiger ń breukdeel van ń sekonde erens kon uittoor, dan het die nou buiteperde maar min kans die hele seisoen.

Gelukkig is die Dakar te lank en te veel faktore kruip in. Ek wag nou al lank vir Sebastian Loeb om te wen, hy is op papier die beste, maar lyk my ouderdom gaan hom inhaal voordat hy die boonste trappie opklim

Volg ook Dakar                                                   elke jaar maar het nie meer 'n gunsteling nie. Nog altyd gehoop Geniel pluk 'n haas uit die hoed maar die jong spanmaats  doen nou goed. 

Nooit 'n 9uur wedren op Kyalami misgeloop nie. Altyd by die kink gesit want dan kon jy die esse, leeukop en die straight sien.  

Neem aan jy verwys na die oorspronklike Kyalami renbaan, die het mos een van die langste "straights" van al die bane gehad, van Leeukop af het die renmotors maks snelheid bereik by die Kink...dit was darem lekker dae! Plaaslike name soos Bobby Olthoff en John Love asook Dave Charlton kom nou mos op...Die nuwe (herboude) baan is sekerlik beter in baie opsigte maar die ou baan het darem maar 'n "siel" van sy eie gehad. As ek reg onthou kon mens die aand voor die wegspring van die 9-Uur wedren die hele baan omstap. Maar nou bevark ek weer die Dakar draad.

Is korrek                                                       ons het altyd uitgekamp die aand voor die wegspring. 

Het ook in matriek jaar saam paar vriende ge- hike om die 9 uur by te woon. Binne die baan gekamp by Crowthorne?? Een maat was al oor 18 en het vir ons versnapperinge gesorg. Ek was deel van die effe vrotterige kol op skool. Bier en sigarette was redelik belangrik op sosiale geleenthede. 

Die streng reels rondom die 3 motors wat diskwalifiseer is agv " compromised" protection, het ek die gekry. Lyk darem of daar 2 onafhanklike ingenieurs is wat inset gee saam die FIA se span. As jy kyk na Laia Sanz se rolstaaf wat 2mm!! geskuif het, en daarom diskwalifiseer word, lyk dit of daar dalk n president geskep was.

Hier is twee stukkies van die artikel.

Vanmiddag so kort berig gesien dat Ross Branch uit is. Hoekom, sal ons seker later hoor. Ai tog, om met die No 1 op jou rug te ry, en dit gebeur...Dit wil voorkom of hy sy mielie af geval het.

Vir die wat hom nie ken nie. Sy bynaam is die Kalarhari Ferrari, en hy is ń Bush pilot in Botswana. Sal ek nou nie saam hom in die Delta  ń scenic flight doen nie. Maak my nat.

Dink die probleem met 'n wedren soos die is dat alles, van bestuurders tot navigators tot tegnologie verby hulle uiterste beproef word. En aan die einde speel blote geluk ook seker 'n groot rol...hoe beplan mens rondom dit? En dan speel die ondersteuning spanne sekerlik ook nog 'n groot (dalk die grootste?) rol.

In ń onderhoud met Ross en Bradley Cox op die rusdag gister, seker het meeste dit gehoor

 Vir Ross gevra teen watter tempo hy ry. Sy antwoord was " so 85 tot 90 %,maar die manne is vinnig." Dit is moeilik om te verstaan hoe dit moet wees om vir 8 uur lank teen 85 % te werk. Ons het dit VO2 max genoem.