Wildehont se nuwe ou Ranger

My makelaar het gevra dat ek die waardes van die ekstras kry sodat dit gespesifiseer kan word op die versekering. Ek het sopas die boodskap hier onder gekry van die vorige eienaar af:

Hi Chris
Some of the invoices I can’t get ,but I called Mega world 4x4 who done most of the fitment and asked for the price and this is what they give me for replacement value .
ARB Sahara bumper 49500
ARB underbody plate 25000
Extra tank 10000
Snorkel 5500
Flood lights 6500 
Lumeno light bar 2500
Rock slider11000
Suspension rear,Tough Dog 29000
Tough Dog front shocks 8550
Tough Dog front upper arm 11500
Smart  and rear camera and infotainment system 12000
Dessert Roof rails 2500
Please note these are the prices given to me by 4x4 Mega Word 

Regards Nick

Wessel, ek het op my Colt, my vorige Ranger, die Everest en die Prado AT bande gebruik. Nou wel nie BF’s nie, maar die patrone was nie soveel minder agressief nie. Mens hoor die bande meestal sing teen laer snelhede. As mens vinniger ry is dit nie so erg nie. Die vyf silinder enjin is in elk geval nie van die stilstes nie. 

Ek het vergeet om te noem dat ek een keer ‘n toer gedoen het Botswana toe vir ‘n vriend met ‘n Defender 130 van hom wat BF Mud-terrain bande opgehad het. Hulle het iets verskrikliks geraas, en as ek reg onthou het hulle ook nie lank gehou op die teer nie. Tensy jy dus in ‘n moeras bly en nooit daar uitgaan nie, moenie van hulle opsit nie. 

My makelaar het voorgestel dat die ekstras vir die helfte van daardie waarde verseker word om toe te laat vir waardevermindering. Ek sou waarskynlik nie een van die ekstras laat insit as ek die bakkie daarsonder gekoop het nie, so dit gaan nie werklik vir my ‘n verlies wees as die bakkie gesteel word en die ekstras was nie verseker nie. Ek sal ‘n gesprek met my makelaar hê nadat hy die premie by die geel sambreel gekry het. 

Ek het intussen ‘n kwotasie gekry vir ‘n Tusk kappie, wat ook baie netjies lyk. Selfs met koerier kostes is dit R3,6k minder as die Ramkappie en dis blykbaar nie moeilik om dit self op te sit nie. Ek wag nog vir my vriend om uit te vind waarvoor hy vir my die Ramkappie kan kry. 

Oom Neef vra of dit die ekstras is wat my laat besluit het om die bakkie te koop. Dit was 'n bysaak. Maar voor ek die vraag antwoord en my redes gee waarom die bakkie tans voor my huis staan, eers 'n paar ander kwessies:

Webuycars gee meestal Dekra verslae. Gaan kyk na die Dekra verslae van die bakkies wat vir die pryse beskikbaar is waarna Oom Neef verwys. Gaan kyk ook na die km lesings.

Toe ek begin rondkyk het, het ek min of meer besluit dat dit 'n bakkie gaan wees as ek die RAV vervang. Ek het ook min of meer reeds besluit dit gaan 'n T6 Ranger wees. Verder het ek eintlik gesoek na 'n 2.2 en nie na 'n 4x4 nie.

Daar is redelik baie XL (die intreevlak) modelle beskikbaar. Dis ook iets wat Oom Neef dalk buite rekening gelaat het. Daar is XL, XLS en XLT modelle. En afhangende van die jaarmodel is daar handrat en auto van elke spesifikasievlak. Dan is daar ook 4x2 en 4x4. Nou praat ek nie eers van die Wildtrak of Raptor modelle nie want hulle is te duur.

Maar hoekom het ek spesifiek op hierdie bakkie besluit? Dit was nie op Webuycars geadverteer nie, ek het dit op die 4x4community forum gesien. Dit was wel 'n 3.2, boonop 'n 4x4 en ouer as wat ek oorweeg het. Ek het gesoek na 'n 2.2 wat nie ouer as 2017 was nie, want hulle het 'n paar ekstra kW oor die ouer 2.2 modelle. 

So wat het in die bakkie se guns getel?

• Dit het net minder as 100 000km op gehad. Ek ry met my werksvoertuig so 7 500km per jaar, en met my sleepvoertuig so 10 000km per jaar. Die voertuig wat ek wou koop moet my vir agt jaar hou tot ek 'n aftree ryding koop (waarskynlik nuut).
• Die minder as 100 000km was meestal langpad km. Dis heeltemal anders as die mamma wat haar kinders by die skool gaan aflaai en mall toe ry se effens minder as 100 000km.
• Die voertuig het net een eienaar van nuut af gehad, en hy het dit opgepas. Ja, hy het getoer daarmee en dit het krappies op gehad en het 4x4 gery in die sand. Dis waarvoor dit gemaak is. Nie om kinders by die skool te gaan aflaai en op die sypaadjie by die winkels te parkeer nie.
• Ek het die volle diensgeskiedenis van Ford af gekry en ek weet daar het niks groot fout gegaan met die voertuig in 10 jaar en amper 100 000km nie.
• Dit het in Pretoria gebly en net buurlande toe getoer. Dus geen kans van roes nie.
• Ek het geweet die retail waarde vir die betrokke model met die hoeveelheid km en jaartal is R278 000 indien dit in goeie toestand is. My makelaar kan die inligting vir my kry van sy foon af enige tyd van die dag. Inruil waarde ook.
• Die eienaar was nie 'n jong lat of selfs jong man voor sy middeljare wat deur te veel testosteroon gedryf word en dit op sy ryding uithaal nie.
• My vriend van 43 jaar het na die kar gaan kyk en laat weet as ek dit nie koop nie gaan hy.
• Dis 'n 4x4. Ek weet dit maak nie sin nie, want ek het nie een gesoek nie. Maar ek het amper 20 jaar laas nie 'n 4x4 gehad nie, en hou maar daarvan om een te besit. Dit maak paaie oop en gee gemoedsrus as die pad opraak. 
• Dis outomaties. Die RAV is 'n handrat, en 'n lekker dag tot dag motor. Maar in verkeer is 'n handrat nie so lekker nie. Ek sit weliswaar net so 15 minute 'n dag in verkeer, maar ek het my voos gery toe ek nog in die Transvaal was en 'n outomaties ry maar net lekkerder. 
• Die voertuig het ekstras in. Dis onnodig, maar 'n bonus. Die vering is redelik nuut en gaan die vrag kan dra wat ons gesin daarop laai en sleep. Dit het ook 'n lekker radio, en ek hou van musiek luister terwyl ek ry. Dit het selfs 'n tweede kamera in (afgesien van die ingeboude een as mens agteruit stoot) wat in die truspieeltjie 'n skermpie het waarin mens heeltyd agter jou kan sien. Ek sal lekker vir die Kavango kan kyk as ek sleep daarmee.
• Dis 'n Ford

Btw BF Goodridge All Terrain is ń puik band met min geraas.

Dis die eerste keer wat ek sulke bande op ‘n voertuig het. Die is nog nuut, Hy het hulle opgesit verlede jaar voor ‘n toer Namibië toe. Hulle sing wel teen lae spoed, dalk maar omdat die enjin dan nie te veel raas nie dat mens dit kan hoor. Eintlik net as mens jou voet van die pedaal af haal om stadiger te ry as jy bv aankom na ‘n stopstraat toe. 

Net jammer ek moet die Tusk laat koerier hierheen. Ek wag nog om te hoor watse afslag kan my vriend kry op Ramkappie.