Vakansie en voertuig diens??

.............my sleepvoertuig en soms, die karavaan ook, ruim voor die vakansie te laat diens want dit laat genoeg ruimte vir herstelling van iets wat fout was of iets wat weer, verdere aandag nodig het.  Byvoorbeeld, ek het die P/F twee maande voor ons vertrek laat diens en ongelukkig feitlik nooit met hom gery in die twee maande nie.  As ek wel deeglik met hom voor die vakansie gery het, kon ek die "flat spot" probleem na die handelaar terug verwys het.

Soos ek genoem het, is daar so die afgelope week ‘n effense fluit geluid teen lae revolusies terwyl ek versnel. - meestal net na wegtrek. Ek wil net seker maak die turbo is gesond. Die ander werk wat Pierre gaan doen is nie diens nie, dis tuning.

... laat diens ek die Hilux volgens diensintervalle en hoop en vertrou maar altyd dat dit nie nét voor vertrekdatum moet gebeur nie. Toyota gee jou darem grasie van 1 500 km voor of na die betrokke kilometerlesing. Die Hilux was op 51 000 km toe ons onlangs terugkeer vanaf Namibië - maar ek het die diens laat uitvoer voordat die maksimum perk van 51 500 km bereik kon word

. Dit is onwaarskynlik dat ek tot Mei 2025 10 000 km gaan ry en gevolglik sal ek na 12 maande moet laat diens. Maar dit is die tyd wat ek reeds in die wildtuin wil wees. Ek sal dus gedwonge wees om voor die tyd te laat diens, tensy ek weer by 'n Toyota agentskap naby aan my kamp wil laat diens. Ek het al by Malelane Toyota en Warmbad, oftewel Bele-Bela Toyota laat diens (laasgenoemde toe ek by ATKV Klein-Kariba was). Maar dit is elke keer 'n beslommernis met 'n dag van jou vakansie wat as't ware daarmee heen is.

My wa laat ek voor elke lang trip, soos volgende jaar, by Cara-Camp in Somerset-Wes diens. Dit gee my net gemoedsrus. Maar ek laat dit lank voor die tyd doen. As ek April gaan vertrek (soos tans beplan) sal ek dit waarskynlik reeds in Februarie laat doen. En ten spyte van wat baie ouens oor die handelaars se werkswinkels sê, het ek nog nooit 'n stel met Cara-Camp afgetrap nie. Eenkeer was my handrem-hefboom nie na my sin na 'n diens nie, maar hulle het dit toe by my huis kom regstel. Onlangs was my seun se karavaan, wat hier by my huis staan, se remme nie reg nie nadat hulle die as vervang het. Weereens het hulle dit hier by my huis kom regstel.

Die "ou lady", 'n 1993 model, het nou-al keer op keer wildtuin toe "gehardloop" (as ek reg tel - 'n minimum van 12 keer sedert 1999) en gelukkig, tot op datum, nog nooit enige "issues" opgelewer nie.

Ek hoor van Chris wat chip en tune!! Ek was onder die indruk dat die 3,2l 5 silinder ń magdom perde onder die bonnet het.

Wessel jy is reg, daai klomp ekstra perde wat nou in die tuig is, moet gevoer word, anders kan dit nie. ... Maar dit moet lekker wees as jy die lepel trap en die Kavango raak so effe inmekaar gekonsertina!

Chris S....hou ons op hoogte asb wat die mekaniek toe gevind het die oorsaak van die fluitgeluid is....my raaiskoot sou wees 'n klein stukkende plekkie in die "boost" pyp tussen die turbo se uitlaat en die enjin se inlaat, het dieselfde jare terug gehad met 'n Jeep Cherokee 2.8. 

Nee Oom Neef, daar word nie gechip nie. Daar word ‘n program geskryf vir die ECU nadat alles gemeet is op die dynamometer. Die 3.2 het baie perde, en sleep soos ‘n droom in Sport modus. Selfs lekkerder as die Prado wil ek my verstout om te sê. Die Prado versnel wel baie vinniger vir verbysteek. 
 

Wat ek egter gevind het sonder die wa maar met gesin en vrag, is dat dit by baie steil bulte so bietjie sukkel om by 120 te bly. Dis nou en gewone ratwisseling modus, nie in Sport nie. Dit kan bloot wees vanwee die ekstra gewig en lugvloei om die ARB buffer, of omdat die effe groter bande veroorsaak dat werklike spoed gemeet word. Groter bande benodig ook meer moeite om een omwenteling te draai as die oorspronklikes glo ek. Prof Strydom sal moet help uit ‘n fisika oogpunt. Dit kan egter ook wees omdat die fabriek sagteware nie vir optimale tuning geskryf is nie. 

Jis Chris, jou mekaniek se skills is op ń ander vlak.

Aanvaar wat Chris s se mekaniek dan doen staan in die omgang bekend as "mapping"? Dis nou waar die enjin se beheer rekenaar (ECU) se opkyk tabelle verander word ten gunste van prestasie. (en onthou Mamma Natuur, niks is verniet nie, meer prestasie, meer brandstof!)Wat die Ranger 3.2 aan betref moet mens net in gedagte hou dat Ford doelbewus die enjin uitset effe afwaarts aangepas het van wat dit oorsrponklik was. Het te doene met die turbo wat geneig was om by die dun lug hier bo  beginne weghardloop, wonderlik vir die enjin uitset, minder so vir die se lewensduur, op 'n stadium het daai trokkies deur turbo's gegaan asof dit soetkoekies was (oorsrponklike BMW 320d het ook die probleem gehad). Weet nie of Chris S se mekaniek die Ford kode wat die uitset beperk gaan verander nie, maar ek sou versigtig wees om 'n risiko te loop net om 120km/h te kan handhaaf teen steil opdraandes in gewone ratkas mode...dis waarvoor die sport mode daar is....

Maar dit moet lekker wees as jy die lepel trap en die Kavango raak so effe inmekaar gekonsertina!

Gaan hom sleep soos 'n "hotdog van" 

"Die skokbrekers moet nog gevind en vervang word."

Sê vir daai Kavango mekaniek hy moet onder die wa kyk, hy behoort hulle te vind by die as! Jammer Wessel, kon myself nie help nie! LMGA!

As die normale modus nie genoeg krag lewer nie, is dit nie die rede dat jy kan oorskakel na sportmodus nie? As jy die sportmodus modiefaai vir optimaal, verstaan ek.

Normale modus is seker vir beter brandstof, ekonomies bestuur, teruggear teen ń bult. Om dit te upgrade? 

Skuus Wildehont, ek is maar so nuuskierig.

Lees nou eers Grootwind se inset. Sorry.

..............nodig het, miskien kan hierdie oubaas help.  Onthou, ek het my Pathie in die middel van die Kruger Wildtuin tjop-tjop aan die loop gekry toe hy op daardie vrot sinkplaat/gate pad na Timbabvati gaan staan het !  

Ns.  Die "mapping" wat ek doen kyk ek gewoonlik in my kaartboek of op die Pathie se GPS  -  albei gee goeie resultate.

... jou laaste sin (die Ns) is wat ek ook maar doen.

Klink of julle reg is vir julle volgende toer. Ek hoop die wa kan nou net vreugde gee en niks meer verrassings nie. 

Wessel se Kavango Extreme leef nou op na die naam. Extreme make over needed between trips.  

Ek glo stellig  met die tune en schock gaan als reguit loop . Monroe nogal...hard core equipment.