Ek begin die onderwerp, synde my trippie eintlik môre begin. My goeters is alles gepak vir môre se groot inpak op Grabouw.
As alles volgens plan verloop, val ons Saterdagoggend om 04:00 in die pad. Skof 1 neem ons tot Vanrhynsdorp waar by Kaap Agri met diesel volgemaak word. My seun is 'n lid van Kaap Agri en poog om sover moontlik by laasgenoemde se takke vol te maak.
Daarvandaan druk ons vir Vioolsdrif grenspos, maar iewers sal daar eers langs die pad padkos genuttig word. Die volgende volmaakplek vir diesel is net anderkant die grens by Noordoewer waar ons die eerste goedkoper diesel kry as Suid-Afrika s'n.
Grünau Chalets is ons eerste oornagplek - 807 km vanaf Grabouw. Teen daardie tyd is hierdie oukêrel gatlam gery.
Ek sal poog om so gereeld moontlik terugvoering te gee, maar maak geen beloftes nie.
Geniet dit
Julle moet veilig reis en ek wens vir julle stywe lyne toe. Ek sou nie omgee om ‘n draai in Suid-Wes te maak nie.
Mooi ry Chris. Nes Wessel…
Mooi ry Chris. Nes Wessel vang ek ook saam vis.
Het jy die baaikostuum aangepas? Ek het ń idee die huidige een gaan jou ń "Camel toe" of note gee.
Neef .....
... ek vertrou dat ek nie nodig gaan hê om die kostuum aan te trek nie. Die ou wat die vorige dag 'n "mombakkies" gehad het - m.a.w. geen houbare vis gevang het nie - moet die eenstuk vroue-kostuum aantrek.
Soos hierdie ou maat van ons 3 jaar gelede. Donkie - ons het baie sports op só 'n trip. Jy moet die reaksie van ander hengelaars sien wat so-iets sien.
Die gewone- en kerrie…
Die gewone- en kerrie-frikkadelle sowel as die hoenderboudjies is gemaak vir môre se padkos. Vanaand word die eiers gekook en die ham-&-kaas toebroodjies gemaak. Teen hierdie tyd môre-oggend het ons al hopelik meer as 3 ure se reistyd agter die blad en sal dit bykans tyd vir padkos daar iewers in Namakwaland wees.
Eiers en 8 ure op die pad
Die padkos klink gaaf, maar is die eiers ‘n goeie plan? Vier manne in ‘n beperkte ruimte vir 8+ ure met spysvertering wat die eiers afbreek en H2S gas vervaardig. Hou maar die Gazoo se vensters oop.
Veilg wees en geniet dit…
Veilg wees en geniet dit. Ons gaan saam julle die "uitstappie" geniet.
Chris julle moet …
Chris julle moet mooi ry en dit geniet.
Hoop julle het lekker weer gedurende die uitstappie.
Wildehont ...
... gewoonlik het my seun nie eens eiers nodig nie. En dan put hy nog groot plesier daaruit as hy ons kan vergas terwyl hy die ruite sluit.
Regte klomp....
windgatte in 'n windgat Hilux!!!!
Hoe gaan die spreekwoord----aan jou vriende se winde, sal jy geken word
... gewoonlik het my seun…
... gewoonlik het my seun nie eens eiers nodig nie
Hoe lekker lag ek nou. Kan dink watse stront word daar alles kwytgeraak op so 'n trippie.
Dit was ook elke jaar ons geval met die 4 of 5 pelle wat so ons jaarlikse Kaaptrippies gedoen het met die motorfietse. Groot pret.
Soos iemand dit so mooi…
Soos iemand dit so mooi gestel het....ons het 11 amptelike tale, en dan verkies die klomp om strooi te praat!
Die sirkus-Hilux is gepak.
Nou wag ons vir môre-oggend 04:00 om aan te breek.
Ons ou Hentiesbaai-groepie
Hier kom die manne - Raymond (63), Stiaan (45), Nico (36) en die ouman (70). 'n Goeie mix. Die 36-jarige is die eienaar van die sirkus-Hilux.
Daai Nico...
....gaan kwaad word en jou erens vergeet!!!
Maak julle beurte om te bestuur, of bly dit die genot van die trokkie se baas??
As ek so na die laaste foto kyk, kan daar nog paar bottel voggies ingeprop word. Skeurbuik gaan met boks Tru Cape beveg word
So Nico is jou seun ? Ek…
So Nico is jou seun ? Ek aanvaar so omrede jy en Ralie ń "moes" troue wees, en het verelede jaar 36 jaar herdenk.!
Kyk hoe lekker smile ek nou.
Nee man. Stiaan is my seun. En ek en die ouvrou was darem al 49 jaar getroud.
Chris B
Ek gaan lekker saam visvang!!!!