Goeie Hout en die Wildtuin

Goeie naand Goeie hout, jy kan gerus Malelane probeer, so 50km. Nie seker of daar kampeer plek is nie.

Hoop jy gesêls lekker saam.

Het gou gegoogle, sien gerus:

Malalane Golf Club Campsite and Caravan Park

Geen idee wat hul pryse is nie, maar dit lyk na 'n lekker plek.

Goed om van jou en julle planne te hoor. Vir 'n nie-pensioenaris klink dit (saam met reistyd) na 'n heerlike wegbreek wat vir julle voorlê. Hier is 'n paar lede wat ook van daar ver af sleep en sekerlik vir jou goeie raad kan gee.

Ns. Moenie senuweeagtig wees nie, hierdie is ook my eerste (nie eens facebook nie) en ek raak al heel oorlams - misbruik selfs mense om foto's namens my te plaas want laaste probeerslag was 'n sneeuman wat op sy kop gestaan het

Vertel soos wat die planne vorder

Welkom. Dis n lekker KNP plan wat julle het....ons het laasjaar presies dieselfde volgorde gereis. Daar is paar lede hier wat vanaf die Kaap kom wat kan help met voorstelle vir oornag. Vriende van ons bly ook in Goodwood 

Welkom hier Goeie hout! Ons ry elke jaar van Worcester af Krugerwildtuin toe met ons Echo Kavango op sleeptou.
 

Ek het baie lanklaas daardie roete (N4)  gery, maar het dit al baie gery. Ek het nou sommer bietjie gesoek rondom die 100km merk van Pienaarsdam af in Krokodilbrug se rigting. Wat van Marlothi chalets? Dit kry goeie resensies op Lekkeslaap. 

Ons ry altyd in Meimaand vanaf Kaapstad Kruger Wildtuin toe en doen dit ook oor 4 dae teen onder 500km per dag:-

• Ons eerste stop is by Karoo Nasionale Park in Beaufort-Wes
• Daarna Reyneke Park in Bloemfontein, langs die N1
• Dan Joos Becker karavaanpark binne-in Pretoria, oppad na Pretoria-Noord
• En dan gaan ons die Wildtuin binne by Malelane-sateliet-kampie so 10km vanaf Malelane-hek (net vir 'n oorslaap)

Julle kan na Malelane-kampie die volgende môre weer uit die Wildtuin ry en met die N4 na Krokodilbrug ry dan kan julle vroegerig daar wees vir 'n lekker staanplek.

Oorweeg dit gerus.

Môre, welkom hier tussen 'n klomp wildtuin verslaafdes. Julle klomp DA-burgers moet sommer in 'n stoet sleep KNP toe. 

1] Waarom soek jy nog 'n plek nader aan die Krokodilbrughek? 300km is mos naby genoeg. 

2] Volgens jou besprekings gaan ons saam in Satara wees, wel darem die aand van 11 Mei.

3] Verduidelik tog waar is die die Pienaarsdam waarvan jy praat. Ek hoop nie dis in Baberton omgewing nie. Niks teen Baberton nie, maar deesdae moet mens eerder op die N4 bly, die ander paaie kan in swak toestand wees.

Ek het gou gaan loer, is dit die oord naby Middelburg?? Dis naby genoeg, lekker snelweg al die pad tot by Komatiepoort, meestal dubbelbane.

As jy met dagbreek daar in pad val, is jy tjoeftjaf voor die hek. 

...dit val my nou by, daar is 'n plek by Witrivier wat jy kan oorweeg. Gaan soek/kyk op internet na BenMari staanplekke. Ek was nog nie self daar nie, maar dalk kan ander forumlede kommentaar lewer oor die plek.

Ek sien nounet hulle is onder nuwe bestuur en staan bekend as BUSA house. 

Malalane Golf Club Campsite and Caravan Park

.

... dit is, waar ek aflei, waar jy woon. Soos Len reeds hierbo genoem het, sleep ons ook tradisioneel ons eerste skof tot by Karoo Nas Park by Beaufort-Wes. Ons tweede skof is gewoonlik tot Gariepdam en vandaar tot Aldam (tussen Winburg en Ventersburg). Afhangende van watter wildtuinhek wat ons ingaan, verskil ons volgende oorslaapplekke.

Ons het eenkeer by Pienaardam oorgebly, maar nie in die karavaan nie. Ons en my seun-hulle het mekaar daar ontmoet en saam met hulle in 'n groterige chalet oorgebly. Ek het nietemin na die karavaanpark gaan kyk en moet eerlik sê dat ek nie te "chuffed up" daaroor was nie - ook nie die chalet waarin ons gebly het nie. Maar dalk het dit intussen verbeter. Ons bly deesdae eerder by Kaia Manzi, naby Bronkhorstspruit, oor. My seun verkies weer Forever Loskopdam.

Vanaf Pienaardam is Krokodilbrug, soos Wessel hierbo noem, inderwaarheid 'n baie gemaklike afstand. Maar ons verkies ook, soos Len, om ons eerste aand by Malelane-kamp oor te bly. Johann L het hierbo genoem van Malelane Gholfklub wat ook 'n opsie is. Ek het nog net goeie dinge van laasgenoemde verneem, alhoewel ekself nog nooit daar oorgebly het nie.

As ons by Krokodilbrug ingaan, ry ons ook (soos Len) met die N4 buite die wildtuin-langs ten einde vroeërig by Krokodilbrug te kom. Dit is presies wat ek vir volgende jaar beplan. Onthou, hoe vroeër jy by jou kamp kan wees, hoe beter jou kanse vir 'n beter staanplek.. Ek kom 'n dag later as jy in Krokodilbrug aan (5 Mei) waar ons dan vir 'n volle 28 aande bespreek is. Ons ry op 4 Mei vanaf ATKV Klein-Kariba tot Malelane-kamp. Met die terugkeer op 2 Junie beplan ons om weer by Kaia Manzi oor te staan.

Lekker beplan - en as alles volgens beide van ons se planne verloop, sien ons mekaar op 5 Mei in Krokodilbrug.

Julle maak my jaloers.   Ek het 'n geweldige behoefte aan toer!    Maar eers word herstruktuering benodig.

Ek is geneig om te dink daar is net 2 goeie opsies, tewete Malelane kampie in wildtuin, OF Malelane golfklub se woonwapark.

Hi Goeie Hout, dalk moet jy vir ons noem wat jou reis plan is en waar jy wil oorstaan en hoe vêr jy elke dag wil ry. Gaan op die N1 en hoof roetes bly of hoe beplan jy. Net dalkies kan jy gehelp word met 'n goeie reis plan. Groete en lekker beplan. 

..............reeds sy reisplan in die inleiding genoem.

reeds sy reisplan in die inleiding genoem.

... Lapskag bedoel sy reisplan na die wildtuin. Hy gee sy wildtuin-reisplan en -datums en noem net van Pienaardam, maar nie van sy ander beplande oorstaanplekke en/of roete  nie, behalwe dat hy reken om 4 dae tot die wildtuin te reis.

Lyk my ons het jou oordondor met info. Moet asb nie onttrek nie, en gesels saam. 

Nie net oor jou Kruger toer nie, maar sommer oor enige kampeer onderwerpe.

...ek dink ons praat bymekaar verby.

Wil jy vanaf Aldam sleep na 'n plek effe nader aan KBrug, om NIE by Pianaardam te slaap nie.

OF, wil jy vanaf Pienaardam nog 'n oorslaap inwerk, nader aan KBRUG.

Ek dink jy moet laasgenoemde opsie oorweeg, want anders word jou sprong van Aldam na 'n ander plek nader aan wildtuin te groot. Onthou ek gesels sommer saam.

Waar is die Joalanie gaste plaas??