Nuwe tweedehandse karavaan

Vir 'n geruime tyd al is my vrou op soek na 'n groter woonwa en toe so 3 weke gelede lees sy van 'n Jurgens Penta wat te koop is in George. Ons stuur haar swaer en die se seun, wat in George bly, om te gaan kyk hoe die wa lyk. Swaer het ook 'n Penta en sal dus goed kon vergelyk. Sy terugvoer was dat dit 'n goeie koop sou wees aangesien die wa lugversorging en "moovers" asook 'n klomp ekstras het. My vrou bel toe die verkoper en maak die transaksie vas met 'n 10% deposito. Ek skrik my oor 'n mik aangesien ek nie parkeerplek het vir twee karavane nie. Plaas toe my karavaan op Gumtree en binne 15 minute is hy verkoop. Koper betaal deposite en kom haal my Gypsey Romany die volgende dag. Ons gaan haal toe die Penta in George en sleep hom Onrus toe. Ons het nog nie stil gehou nie toe begin ons al was; polish en die wa te "verpersoonlik". Nou blink hy soos 'n bottel. Chassis is "anti rust" geverf, wielrims is afgeskuur en weer mooi wit geverf; nuwe buite kragboks en nuwe buite lig is aangebring. More gaan ons vir die eerste keer met hom kamp. Sommer hier in Onrus karavaan park. Wil graag die tente esovoorts opslaan en kyk of daar iets is wat nie volgens ons  standaard is nie. Sien baie uit. Opgewonde soos kinders.