Buite warm/koue kraan vir karavaan

...sukkel met so 'n modifikasie nie.

Ek is baie allergies om gate te maak in buitewand van 'n woonwa, veral waar hout ter sprake is.

Hoe werk jou kop, wil jy pype buite teen die wand monteer, of aan binnekant wat deurkom na 'n kraan kombinasie.

Dalk kan Lapskag en Nico goeie raad gee, wag so rukkie dan is Herman ook weer op die lug.

... ek is geneig om met Wessel saam te stem. Ons stelsel werk so:

Die skottelgoedrak staan buite die stoeptent, ten einde te voorkom dat water op die grondnet drup, hetsy wat per ongeluk gemors word of vanaf die droograk drup.

Ek het 'n paar jaar gelede 'n 20 liter Addis-emmer gekoop. Ek het 'n kraantjie aan die een kant (natuurlik laag ondertoe) ingesit en aan die teenoorgestelde kant 'n ketel-element. Ons tap water by ons naaste koue kraan en skakel die emmerketel aan as ons warm water benodig vir skottelgoed of wasgoed was in die Sputnik. Ons laat die emmerketel staan op 'n plastiektrappie (soos dié wat jy voor 'n karavaan se deur plaas). M.a.w. ons het 'n tuisgemaakte "urn" wat ons slegs aanskakel wanneer warm water benodig word.

So ‘n plastiek urn is goedkoop, maar sal nie my eerste keuse wees nie weens die plek wat dit vat. 
 

So draagbare element sal myns insiens beter werk saam met ‘n kleiner emmer. Daar is ook die soort wat mens sommer direk in jou wasbak kan sit, maar hulle is bietjie duurder. 

...tot jy praktiese raad kry. 

Dis nie ons wat daarvan moet hou nie-----dis julle wat die gerief wil hê.

Ek persoonlik sal ook nie die panele sny nie, maar 'n pypie onderlangs kan dalk werk, maar kan te laag wees.  Ek dra ook maar warm water aan of gaan was in die opwas kamer. Sterkte met jou besluit Len, duidelik is jy vervelig en soek werk. 

Afhangende hoe oord fasiliteite is, gebruik ons gewoonlik oor kort naweke hul fasiliteite of ek gaan haal warm water by sculery. As ons water wil warm maak by karavaan, maak ons gebruik van Minigeza. Ons het een van daai instant water heaters wat water warm maak as jy kraan oopdraai, maar het hom jare laas gebruik....te veel werk vir n kort wegbreek... moet tuinslang saam sleep, aan tafel gemonteer word, net die setup vat my meer tyd as kamp opslaan...maar vir langstaan sal dit seker handig wees

Môre Len

Na aanleiding van jou vergelyk van geriewe en/of gebrek daaraan tussen pad-en boswaeens, moet ek darem die kans benut;

1] Die meeste boswaens met die buite kombuise het standaard warm en koue water buite by die wasbak. Party waens het selfs 2 wasbakke. 

2] Sommige boswaens is selfs deesdae toegerus met 'n mikrogolf ook. Dis nou die tipe wat darem grondpad kan beweeg tot by 'n 220V oord

3] Boswaens soos myne, bedoel vir rowwe paaie, het nie 'n ingeboude mikrogolf nie, en omdat myne meestal net op slaggat gevulde teerpaaie loop na oorde met 220V, ry ons maar 'n los ene saam. 

Môre vriende

Dis lekker om eie water warm te kan maak, veral as mens jou eie badkamer in wa gebruik.

Warm water buite vir skottelgoed, is 'n bonus. By gewone oorde kan mens daarsonder klaarkom. Ons was ook maar meestal sommer by die wa, maar dan loop ek tog om dit by opwasplek te gaan weggooi. Al wat ek wen, is om nie te gaan warmwater haal nie.

Ek is oortuig dat boswaens se warmwater gerief gemotiveer was/is om warm te kan stort, waar geen ablusies beskikbaar is nie. Die herleiding na buite was 'n ekstra bonus.

Sterkte met jou beplanning Len. Ek was maar die skottelgoed by die oorde se fasiliteite. Al baie pêlle daar gemaak. Lekker gesels plek. Ek het in elk geval niks anders om te doen nie so ek geniet dit om te gaan skottelgoed was.

....ek gesels net so graag by die opwasplekke, maar soms vang Marie my uit. Dan moet ek potte skuur ook

My denke stem saam..,..,,.............met Len oor die buitekraan. 

Sien dat ons nou vir 'n jaar gaan kamp en as die geelperske reën vir 14 dae neerkom sal die buite kraan lekker werk. 

Al verskil tussen Len en my idee is dat ons 'n afdakkie het vir die opwas( van Willem sin afgeloer). Die afdakkie kan ons voor of agter aan die karavaan inryg en dit hang af van hoe ons wa staan en waar daar plek daarvoor is.

Het al daarvan gedink om die pype wat van die geyser onder die wa na die badkamer is 'n T-stuk in te sit en pype na die voorkant en agterkant van die wa te installeer. Sal koppelstukke insit en kort stukke pyp wat maklik aan 'n kraan kan konekkteer. 

Moet dan net iets praktiseer wat die kraan aan ons opwasbak kan vassit. Dan die warm en koue pype aan die koppelstukke koppel en is nie gebonde aan waar ons die opwasbak wil gebruik nie. 

Met die nuwe sterk Surflo pomp wat ek installeer het behoort dit lekker te werk en dit gaan nie veel kos nie. Moet net die kraan met 12volt skakelaar iewers bedel 😂😂

Ek sal graag wil sien watse soort kraan of krane julle gaan gebruik. Ek oorweeg dit om my selfgeprakseerde mixer wat ek gemaak het toe die Kavango se buite wasbak kraan begin lek het te vervang. Die Kavango gebruik egter nie mikroskakelaars nie. Die pompie skakel self aan as mens ‘n kraan oopdraai. 

Middag Jan

Hoewel jou afdakkie voor of agter kan inryg, gaan dit nie voor help vir skottelgoed was nie. Jy gaan tog nie wydsbeen oor die A-raam staan terwyl jy daar opwas nie.

Voordat jy al die pypwerk aanpak na die voorkant, dink net aan die A-raam. 

Middag Chris S

Ongelukkig reen dit in Brits, anders kon ek die wa oopgemaak het, 'n foto geneem het en vir jou gestuur het.

Onthou net dat die kraan baie vêr na die kante toe moet kan swaai, om oor die wasbak te kom. Myne kan dan ook plat geslaan word.  O gaats, dalk is ons uitlegte nie dieselfde nie. My wasbak sit links langs die stoofplate, wat voor die vrieskas is. Die droograk is aan die regterkant.  

...aangesien jy nou rerig werk soek, en sommige se raad wil ignoreer, die volgende belangrike faktor;

Hoe lank en gereeld wil jy nog jou wa benut??

In Jan se geval maak dit sin, maar as jy nie SO baie gaan kampeer nie, wil jy rerig dit doen. 

Sulke veranderinge mag dalk jou herverkoop waarde en kanse benadeel.  

Len is regtig verveeld In vandag se tye van beurtkrag sou ek ook (uit beginsel) nie 'n Urn gebruik nie, te veel energie gaan verlore. Gewone ketel doen mos die ding? Bedoelende nou hoeveel skottelgoed kan daar wees met twee pensioenarisse? Ons ketel doen al jare lank die ding....

Hein het hierdie fotos vir my via WhatsApp gestuur en gevra om te plaas

Die maak van planne om jou wa vir jou eie gerief in te rig, is lekker. Ek dink ook baie aan wat ek wil verander of verbeter, maar dan begin ek wonder of dit 12v of 220 is en alle ander struikelblokke en dan los ek dit maar liewerste. Te bang ek neuk die besigheid op. Ek kyk maar hier wat julle slim manne maak.