Mikrogolf sak

Baie netjies Wessel, jy laat my nou dink.

Ons mikrogolf is tans in 'n plastiek sal, so netjiese seil sak gaan mos baie beter werk, gaan jou "copy cat"

Nice gemaak en sal handig wees as jy mikrogolf los vervoer 

Ons het Expo wat nie kombuis of mikrogolf in het nie.

My vrou maak gereeld heel aartaappels met skil en al in die mikrogolf gaar, sonder daai aartappels is dit nie 'n vol braai nie

.... kerrie en rys? Jy? Ek dog jy't 'n renons in kerrie.

Daai sak lyk baie ougat. Gelukkig staan ons mikro vas op sy plek in die "ou lady". Dit word egter baie min gebruik - amper net om melk warm te maak en my vis se braaisousie aanmekaar te timmer.

Hoe gemaak as .....

Middag Geert

...dit reën

Ons maak tuis ook nooit kos in die mikrogolf nie. As dit reën braai ons onder gazebo, of prut pot onder voortent of maak jaffels. Om vleis te ontdooi gebruik ons bsk met warm water, doen dit tuis ook so....werk vir ons beter as microwave 

Mikrogolf maak vleis baie taai. Ons ontdooi vleis stadig deur dit vroeg al uit te haal en te lê.

My mikrogolf is al jare uit gehaal, ons maak geen kos in ons 40 jaar van kampering binne nie.

... jy laat my dink aan 'n ou kennis van my wat gesê het dat die Liewe Vader het tamaties geskep. Toe wou die duiwel Hom nadoen, maar kom toe by "green peppers" uit (waarmee ek 100% saamstem). En die Liewe Vader het uie geskep. Toe wou ou sekelstert Hom nadoen en kom by knoffel uit - waarmee ek natuurlik glad nie saamstem nie. 'n Ou knoffeltjie op sy tyd is darem donners lekker.

............mikrogolfoond-sak lyk na 'n puik produk en baie netjies.

Die voordele van 'n boswa teenoor 'n konvensionele karavaan is legio, veral wat betref jy kan gaan waar jy wil, iets wat ons teerpad-wa ouens natuurlik nie kan doen nie.  Maar boswa-ouens betaal 'n prys daarvoor deur vir sekere geriefies van afstand moet doen.  Ons mikrogolf en yskas (met lekker groot vrieshokkie) is binne-in die karavaan ingebou.  Ons het wel 'n losstaande 42 liter vrieskas wat saamgaan as ons twee weke of langer kamp, maar dié ry agterin doe P/F tot ons by ons uiteindelike bestemming aankom.  Net stoele en 'n tafel of wat is die enigste losgoed wat in die P/F saamry.  Wanneer ons oorslaap (4 keer as ons Wildtuin toe gaan) oornag ons altyd in ons eie dubbelbed in die wa en nooit in ander akkommodasie nie  -  dis nie nodig nie want alles is in die wa gereed.  Ons kombuisie in die wa word nie vir kook-doeleindes gebruik nie, kokery word altyd buite in die tent of onder die afdakkie gedoen.  Die kombuisie word wel hier en daar gebruik om gou iets te ete aanmekaar te slaan by oorslaap plekke en veral as weersomstandighede dit nie buite toelaat nie.  Die groot voordeel is, niks hoef in- en uitgedra te word nie, alles is in plek, gereed om gebruik te word.

Maar die prys wat ons ouens hiervoor betaal : ons kan net Tweerivieren in die Kgalagadi besoek en niks anders nie, Nambië en Botswana kan net op 'n beperkte basis besoek word en dan natuurlik alle blyplekke naby teerpaaie.