Land Rover herstelwerk

Dis die geneuk met ouer voertuie, veral die wat ingevoer is. Onthou hoe het oorle Willem gesukkel met sy Territory. Selfs vir my 2011 Everest kon ek nie die plaat kry wat die diesel tenk beskerm nie. Die Ranger van dieselfde jaartal s’n het nie gepas nie. As mens, soos ek, nie nuwe voertuie koop nie en die ou voertuie vir lank hou en gebruik, moet jy seker maak dis een waarvan die onderdele nog geredelik beskikbaar gaan wees. 
 

Ek is nie handelsmerk vas nie, maar soos julle weet is daar twee handelsmerke wat ek koop, en wissel die een waarvan daar ‘n meerderheid op ons erf staan af. Toyota was van Maart af voor omdat die Everest uitgeleen is. As ek die RAV verkoop kry gaan Ford weer in die meerderheid wees. Die laaste Toyota wat dan oorbly (Salomien se RunX is vervang met ‘n Fiesta net meer as ‘n jaar gelede) kan ek my nog nie indink dat ek sal kan verkoop nie. 
 

Sterkte met die LR Oom Neef. Gelukkig was hier darem baie van hulle op ons paaie oor die jare. Anders moet daar maar ‘n Lexus V8 enjin ingaan. Ek wonder waar kom al die Lexus V8 enjins wat mense in projekte gebruik vandaan. 

Herman, as jy vanaf Wellington op die pad na Tulbagh ry, is daar 'n endjie buite Wellington aan die linkerkant van die pad 'n hele klompie ou Landy's en Landy-onderdele tekoop aangebied.  Ek weet ongelukkig nie wat die plek se naam is nie.

Dankie maters, Het 2 plekke opgespoor wat kan voorsien. Independant in Pta en British 4x4, ek dink ook in Pta. Nie te duur nie, so daar is hoop. Maar die oorbou gaan nie verniet wees nie, daar moet masjinering gebeur en parte en pakstukke gekoop word. Lyk my gaan hier by R30k+ draai, en dit is nie in November se begroting nie, ook nie in 2023 sin nie.

Sterkte Herman ek ken daai gevoel al my kinders se pa verkoop jou Nissan 1400 hy al 30 jaar oud hy het nie aircon nie en nie dit en dat maar ek love my 1400 

 Die Landy sal reg gemaak word en voortbeur, wat anders sal deug vir die werk wat dit doen. Verkoop aan n scrapyard gaan n klap in die gesig wees vir my  staatmaker. En dan moet ek n Land Cruiser bakkie gaan koop vir baie geld om dieselfde werk te doen. Hiluxe se eierstokke sal uitval met dieselfde werkslas.

Triumph is n jaar se toewyding en n stukkie van myself, wie sal dit tog waardeer. Moet maar staan en is mooi om na te kyk.

Die klein Nissan is te lekker om mee rond te rits, net effe ongemaklik, maar dan weer ry ek nie Wildtuin toe daarmee nie. En.., dit is Giepie se bakkie, hy sal nie toestemming gee nie.

Daar is darem so klein projekkie in die vooruitsig volgende jaar.

Die afgelope 2 dae al aan die werk. Om die enjin uit te haal is n hengse klomp werk.  Als wat aan dit vasgebout is, die sogenammde ancillaries, moet afkom. Vanmiddag die " Bell housing" boute geskiet. Môre die block en tackle opstel vir uitlig.

Ek kon n enjinblok in Pta kry, slowstrike gaan môre loer, dan doen ek eft en dit is op pad. Die parte bestel kan eers gedoen word as die boor bekyk is, en of dit dalk uitgeboor word en dan oversize pistons moet kry. Selfde met silinderkop pakstuk. As die silinderkop geskimm moet word, bestel ek n dukker pakstuk. So dinge gebeur maar in ń volgorde Wessel.

Hopelik is ek voor einde Desember klaar. Ek is maar n stadige me- ken- niks- nie. 

Enjin is uit, het maar gesukkel die ding is ń lomp en swaar besigheid.

Die nuwe, gebruikte enjinblok sal in volgende week arriveer.

Hierdie is 25 jaar gelede se tegnologie, en alhoewel dit nie elektronika het nie, is daar genoeg belde en pype en pulleys  om dit effe moeiliker te maak as die ou 4,1 Chev enjins.

Wat steek jy onder die silwerseil weg

Dalk stookgoed… 

Onder daai Silwerseil.... Wessel, kom ons bly liefs vriende, jy wil nie weet nie.

More, die enjinblok is op die stadium by koerier "hub" in George, sal seker vandag na Oudtshoorn verskeep word. Ja, die wassery gaan aan, jammer ek kan nie n foto plaas van die hoeveelheid stukkies wat afgehaal is nie. Ek het 3 rakke en n tafel vol.

Die werkswinkel handleiding het ek nou al voos gelees, was baie geintimideer deur die taak. Maar die selfvertroue raak nou goed. Gelukkig vir baie selfoon fotos, het maar n album gemaak. Belangrik om die volgorde van die spulletjie weer terugsit reg te doen. Van die boutjies en moertjies sit agter ander komponente.

Die geskatte onderdele lys vir die "transplant" is sowat  R16k. Blok was R7,5k Ingeneurswerk op sowat R15k beraam. Nou verstaan ek hoekom n vervangingsenjin tot by R70k gekwoteer is.

Belangrik om die volgorde van die spulletjie weer terugsit reg te doen. Van die boutjies en moertjies sit agter ander komponente.

Sterkte met hierdie projek. My een vriend het 'n groot werkwinkel en bande besigheid. Hy sal bv. alle boudjies en skroewe bymekaar sit en merk binne sakkies. So weet hy ook dat dinge nie verlore en deurmekaar kan raak nie. 

Maak ook so Hennie. in Ziplock sakkies en gemerk. Vir die bv Timing cover wat so 18 boudjies van verskillende lengtes het, teken ek op n stuk karton die buitelyn, en maak gaatjies vir die boutjies om in te druk, so gaan elkeen op sy regte plek terug.

Dis die wat oorbly na alles aanmekaar gesit is. 

Julle verstaan nie...die dikbril manne met die wit jasse wat voertuie ontwerp en bou sit doelbewus ekstra goed in. As daar niks na die aanmekaarsit oorbly nie is daar 'n hengse fout! Destyds as jong 2de jaar student my Datsun cripple S se enjin oorgedoen met die hulp van 'n Hayes manual. en die vriendelike onderdele winkel in Vanderbijlpark (Johann, jy onthou seker nog die destydse Park Spares?). Handvol ekstra skroewe, wasters en moere en "ander goed" oorgebly. Daarna elke keer as iets groot gedoen moes word het daar ook nog goed oorgebly. Duidelik was die goed bloot oorbodig en ekstra gewig. Toe ek die Datsun verkoop het met iets soos 240 000km op die klok was hy so lig dat hy seker die vinnigste cripple S in die land was! (en hy het steeds heeltemal reg geloop, eintlik net beter)