My nonsens as dit by karavaan-sake kom

My pa was ‘n perfeksionis. Ek het bietjie daarvan geêrf, maar is nie naastenby so erg soos hy was nie. Ek is ongelukkig ook nie so tegnies aangelê soos hy of so goed met my hande nie. Maar ek kan myself darem help. Ek vang myself nog van tyd tot tyd dat ek die gesegde “meet twee keer en sny/saag/boor  een keer” verontagsaam.
 

Ander kere maak ek net dom foute. Gister sit ek die plaatjie wat ek as hegstuk gesny het om die Kavango se nuwe kraan te monteer met klinknaels aan die wa vas, net om te besef ek het nie gate geboor vir die pypies wat die water na die kraan se kasset toe voer nie. Toe moet ek dit afhaal, die gate boor en dit weer verf. 

...al verskil wat ek sien, is dat een plaatjie geverf is, en ander ene nie

Daar is glo 'n effense afwyking by mense wat verkies dat toiletpapier teen die muur afrol, waar mens dit nie vinnig kan raakvat nie.

Ek was ook altyd puntenerig oor baie aspekte van voertuie en woonwaens. In my geval het ek baie geite afgesterf omdat ek gebruikte voertuie en waens moes koop.

Met ons terugkeer September, kom die klappie oor die prop waar mens die 220V kragkabel by die wa inprop, los/af. Wil my eers sleg vererg, en soek die ou verdomde plastiek pennetjies wat klappie vashou aan raam. Natuurlik is dit weg in Aldam se gras. Gaan krap maar in my "toolbox" en kry stukkie kragdraad. Dit ontrafel ek toe, en trek 'n koper rafel deur die gaatjies, en daar sit die klappie op sy plek.  Sal seker die wa so verkoop, maar ek sorg egter dat ek nog stukkie draad byderhand hou, vir latere herstel. 

In 2022 toe ek my woonwa en bakkie gaan haal in Hermanus, na my voet-tentpen ongeluk, doen ek iets onnosel. Niemand kyk nie, en ek druk Grompie se agterbuffer teen die Kavango se neuswiel hegstuk vas. Nou het die buffer so 'n oulike "dimple" links van die nommerplaat, in die chroom gedeelte. Dis nou maar so, ek beskou dit as 'n unieke merk om Grompie uit te ken, as dit opgespoor word na 'n diefstal.   

Ek is egter steeds gesteld dat enige iets moet werk, soos dit veronderstel is. So breek die gemors plastiek prop waar mens die wa se ligte kabel moet indruk by Grompie, se een oortjie af. Vererg my bloedig, want ek sien al hoe die draad uitkom, op die grond sleep en ek sonder woonwaligte deur Johannesburg moet sleep. Gryp sommer die maskeerband en draai die koppelstuk daarmee vas. Die eerste ding wat herstel/vervang was, was die prop, met 'n metaal ene. Dit gedoen nog voor ek die wa Echo toe geneem het vir die suspensie herstelwerk .

Wat my pla is.............................................wanneer ek iets aan die karavaan gedoen het wat slordig is en ek weet ek kan dit beter doen. Dit sal my ook pla todat dit reg is. Meer so as ek weet ander gaan dit sien.

So ook met my fietsrak wat ek gebou het vir ons toer. Wou nie die rak op die karavaan sit nie maar op die Ranger. Het hom 3 x keer verander tot Elmarie se ergenis voordat ek tevrede was. Baie  bly daaroor want hy werk puik en ek kan kort draai sonder dat iets raak. 

Kan hom ook gebruik sonder die karavaan. 

Het ook 'n laai onder die karavaan gebou vir al die tent pale. Ook hegstukke paar keer verander todat ek tevrede is dat hy sal hou. Dit werk ook goed vir ons twee tente se pale. 

Ek stem nie saam met Oom Len nie. Die toiletpapier moet aan die voorkant af hang. Van my huis mense sit dit verkeerd om in teen die muur. Dit maak my ongelukkig. 

Dit lyk net vir my netjieser as toilet paapier teen die muur af hang as so in die middel rond hang, net my opinie 

Nou is daai plaatjie mooi in gesit, dankie Len. Of die toilet papier voor of teen die muur hang, maak nie saak nie, solank dit daar is as jy dit nodig het.