Wat is die verskil tussen die 2 tipe staanplekke in Nossob. Ek raai die een het privaat ablusie geriewe.
Sanparke is so stadig vanaand, en die webblad so sleg, mens kan nie die info bekom nie.
Ek sal die privaatheid van…
Ek sal die privaatheid van die nuwe verkies. Die ou gedeelte is beknop en op mekaar. Die watergat is lekker vir ledige tye, veral lekker snags as jy nie kan slaap nie.
Ek sal maklik vir ń week of twee op een van die staanplekke kamp.
Verskillende ervarings
Ons was nog net in Nossob as die kamp vol bespreek is. Daar is staanplekke wat in vol son is, en ander wat in vol skaduwee is. Ek praat nou van die ou gedeelte. Ons het nog elke keer roofdiere (insluitende leeus) uit die skuiling gesien. Jy kan snags ook daarheen gaan. Maar dis ver om te stap van die nuwe deel af, veral in die donker.
Die nuwe staanplekke is meer privaat en het eie geriewe. Dit het egter die landingstrook aan een kant, en die toegangspad van die Suide af aan die ander kant. Namiddag as almal terugkom kamp toe kan dit maar raas en stowwerig wees.
Dat die kamp ‘n besoek werd is, is vir seker. Ongeag waar jy staan.
Nossob kamp detail
Dankie Chris S vir die goeie agtergrond inligting. Hopenlik kan ek dit in die toekoms aanwend vir 'n bespreking.
Die verskil
Die nuwer staan plekke met privaat ablusie en kombuisie is baie ver van die skuiling. Ek sal eerder by die ander staan. Die skuiling is by die geel ster hier onder. Die ouer gewone staanplekke is in die rooi blok en die nuwes in die bloue. Buite die skuiling is ‘n watergat waar wild (roofdiere ook) gereeld kom drink.