Sedans- SNV - Bakkie

Ek gaan vir nou net hierop terugvoer.

Ek het op 'n stadium my 200 Astra 8valve in geruil op 'n Ford D/K 2500 TD en my Regal '97 model gesleep.  Met die toer van Pta. na Port Nolloth tot in die Kaap en terug het die bakkie daar in die Noord Kaap paar keer baie warm (in die rooi) geword en nooit met enige van my ander voertuie nie.  BMW 320d, Kyron en die ST nie.

So nou wonder ek ?

Ek het baie jare terug met 'n 2.0L Opel Rekord begin sleep. Die gat het maar lekker gesak.

Toe oorgeskuif na 'n 2.2 Toyota Hilux en ook Toyote Venture, maar bitter swaar op brandstof.

Daarna 'n 2.8 Isuzy TD. Die voertuig was 'n ou staatmaker en wynig die gat gesien dat dit sak.

My Territory daarna was baie nice maar gat se sak was ook probleem.

Het weer vir my 'n Isuzu gekoop, die 3.0L Dteq. Geen probleme gehad en kon ook lekker die bak laai.

My huidige Chev Trailblazer is 'n wonderlike voertuig maar die gat sak so bietjie meer as wat ek gewoont aan is. Die rygerief is natuurlik baie beter as die bakkie. Die lugkussings sal wel help maar ek sleep so min ver afstande dat ek nie die nut sien om daai geld uit te haal nie.

My jaarlikse vakansies gaan ek altyd Kaap toe en bly in vaste verblyf. Die karavaan bly dan maar tuis.

Ek dink enige passasiersvoertuig gaan hang as dit gelaai word en die 100+ kg van ‘n wa so ver agter die agteras kom ook nog by. Toe ek die Kavango gekoop het, het selfs my 2011 Everest wat bladvere het agter gehang. Ek het toe helpervere laat insit. 
 

Die Engelse (waar is Warren deesdae?) praat van horses for courses. So word vering ook aangepas na gelang van die doel waarvoor die voertuig gebruik word, hetsy rygerief of vrag dra. Gelukkig is daar hulpmiddels beskikbaar, en lugsakke se voordeel is dat dit aanpasbaar is. Jy hoef dus nie jou agterent deur te stamp wanneer jy ‘n draai ry terwyl jou wa by die oord staan nie. 

Ek verkies ook n bakkie ry hoogte pakplek en soos my Ranger is hy gekid vir waar ook al jy wil gaan

het al met basies alle tipes gesleep, platkar (Audi A4 2.4 V6 handrat petrol), glorified SUV (Territory reguit 6 outomaties petrol; Jeep Grand Cherokee 2.5 handrat diesel; Jeep Cherokee 2.8 outomaties diesel) bakkies (Ranger 3.2 outomaties diesel). Die Audi is 'n lekker voertuig vir alledaagse luukse gebruik, minder lekker vir sleep en duur om te onderhou met heelwat probleme, die Grand Cherokee was 'n regte donkie, die Cherokee baie beter maar o wee daai agterste deur wat nie behoorlik kon oop maak as die wa gehaak is nie was 'n pyn, die Territory was 'n wonderlike voertuig, uiters gemaklik maar met 'n groot drink probleem. Die Rangers was/is wat my aanbetref die beste van die lot, geen gebrek aan luukshede nie met baie krag en boonop word meeste kampgoed agter op die bak gelaai, ook geen stres as ek  nat tente moet inpak nie. Om op te som, sal vorentoe altyd 'n bakkie met diesel enjin en outomatiese ratkas verkies, boonop is moderne bakkies heel goed vir alledaagse gebruik ook. Wat sg. "hardheid" van die suspensie aanbetref is die Toy's nog altyd effe meer stamperig as die res, die Ranger is egter 'n goeie kompromis met die Amarok en Isuzu waarskynlik die "sagste" Moet byvoeg in al die gevalle wat ek noem hierbo was die sleepsel dieselfde Fleetline so ek dink ek vergelyk appels met appels.

Alles hang mos maar af van wat presies 'n mens wil doen en hoe jy dit wil doen.    

Oupa Jack wil nie met 'n bakkie sleep nie en verkies 'n lang slap sedan met v6 motor en gemaklike in- en uitklim vir ouma wat nog altyd 'n stadsmeisie was.   Oupa Willie aan die ander kant was nog altyd 'n wille en avontuurlustige toppie en hou daarvan om so nou en dan in bietjie modder te speel met die 4x4, met sy vroulief wat al die karakter vir 30jr ken en nie van anders weet nie.  

Oupa Jack het nie 'n behoefte om lugsakke te installeer nie, want hy ry net op goeie teerpaaie en laai nie sommer swaar goed in sy kattebak nie.   Sy kar sien nie sommer 'n grondpad nie want hulle lei mos maar net na plase toe?

Oupa Willie se trokkie het al die kit op want hy hou daarvan om reg vir enigiets te wees en ouma moet darem moontlike luukshede by die kamp hé.    Die lugsakke help dat sy swaar gelaaide trokkie nie so erg heen en weer swaai wanneer hy die 4x4 "obstacles" probeer navigeer nie.   

Ek moet ook noem dat Oupa Jack al jare lank gebruik maak van tuindienste en dus kan hy op 'n Saterdagoggend vir ouma winkels toe neem.  Die sedan se kattebak is perfek om al die inkopiesakke te hanteer.

Oupa Willie glo dat Saterdae daar is om in die tuin te werk en 'n man moet self sy eie grond bewerk - tuindienste doen inelkgeval nie so 'n goeie werk nie.  Sy trokkie kom handig in om die tuin se vulles weg te ry en oppad sommer gou 'n vrag topsoil op te laai vir die hoekie waar ma haar nuwe  tuintjie wil skep.

😂

Ek moet ook tuin vulles weg ry want het ook nie tuindienste nie en ook nie 'n bakkue of trokkie nie.  Ek het wel 'n Glider sleepwaantjie om die vulles weg te ry en om "topsoil" op te laai oppad terug. Maar ek hou meer daarvan dat my bagasie droog en stof vry bly gedurende die ritte, daarom verkies ek die SNV. 🤔😉

maar eintlik kan ek nie 'n goeie SNV bekostig nie

Dis hoekom ek ‘n stokou Prado moes koop.  

Ons kyk nou om nuwe Scorpio N aan te skaf. Het saterdag een gery toe ons die 4x4 dag gehad het saam die Mahindra Owners Club. Het goed geloop, wag net hulle sit vir my binnekort een in demo dan kan ek hom in 3 maande se tyd kry. Ons het die bakkie maar soek 2 de sleep car en kort 7 seater sodat ons die kleinkinders kan saam vat.

Middag Nico, welkom terug

Lyk my die Mahindra bende neem toe in getalle, mooi man, dit is puik voertuie.

Daar moet net ook ‘n paar blou plastiek klokke hang aan die haak.
 

Die kabelbinder aan die onderkant dink ek gaan groet voor die rugbybal. 

Hoekom lyk die foto so na 'n Territory se veerstelsel, of kyk ek verkeerd Willem

Nee beslis nie.