Junie - Algemene gesels

Shingwedzi het darem keuse wat mens kan bespreek om te kies of mens grensdraad staanplek soek......dink daars 4x verskillende opsies

Na amper 57 jaar....................in die tuig is ek van vandag af amptelik ook nou 'n pensionaris. 

Elmarie en ek het saam afgetree om ons toer te begin. Net so 'n paar logistieke goed om uit te sorteer. 1 Augustus is ons datum wat die toer begin. Skielik lyk die tyd min.

Jy moet lekker aftree Jan!

Vandag is my laaste dag in VSA.   Ek vertrek 10 am terug San Francisco toe en sal 1pm daar arriveer.  My vlug terug is eers 10:30pm.  Ek sal dus bietjie in die stad vertoef en dan later so teen 6pm lughawe toe skuif.   

Na amper 57 jaar....................in die tuig

Begin werk op 13? Geniet die aftrede en die toer! 

 "Begin werk op 13?"

Het op ouderdom 4 jaar skool toe gegaan want hulle wou die plaasskool toemaak omdat daar nie genoeg leerlinge was nie. Het eers in November 5 jaar oud geword.

Matriek in 1966 en dadelik vakleerlingskap begin. Matriek eksamen begin skryf op 16 jaar oud.  Word nou 74 so ja lank gewerk omdat ek nie wou aftree terwyl Elmarie werk nie en terwyl my gesondheid nog uitstekend is. 

Maar nou is dit my beurt. Gaan nog konsultasie doen maar net wanneer dit my pas. Moet nog die Gahora Bassa projek hanteer.

Geniet julle aftrede en nuwe avontuur. Ek neem aan julle huis is klaar verkoop?

lank gewerk omdat ek nie wou aftree terwyl Elmarie werk nie

Salomien is 8 jaar jonger as ek, maar ek is bevrees dat as ek dit maak tot aftree ouderdom (65 hier waar ek werk) gaan ek nie aanhou werk langer as dit nie. As my gesondheid dit toelaat dan, wil ek gatskuur soveel as moontlik en tussendeur my selfdoen projekkies tuis pleeg. Gelukkig is Salomien se besigheid van so aard dat sy nie vas is aan verlof nie en baie van haar werk weg van die huis af ook kan doen solank sy ‘n rekenaar het. 

Jan, julle moet julle aftree geniet. Ry rond en doen wat julle wil doen. Dit kan net lekker wees. Die beplanning vir die wegtrek in Augustus is deel van die lekker.

Is dit gene of wat?.........,..................Het agter gekom dat my geheue nogal baie goed is vir my ouderdom in vergelyking met mense wat heelwat jonger as ek is. 

Sien dat ek al die jare in die Ingenieurs bedryf was en baie berekeninge moes doen het dit moontlik my brein ge-stimulleer. Van my jonger kollegas kan minder goed onthou as ek of miskien stel hulle maar net nie belang nie. 

Het altyd nogal trots gevoel as ek hoor hulle sê vra vir Jan hy sal weet. Selfs nou het hulle my gesoebat om nog aan te bly maar ek skuld Elmarie vir al die jare se mooi kyk na my en die goeie maat wat sy is.

Daarom dat ons die besluit geneem het om die land te toer en kamp voordat die gesondheid ingee en kamp nie meer moontlik is nie. 

  Ek neem aan julle huis is klaar verkoop?

Hennie, ons het al geteken maar dit is onderhewig aan eers hulle plek verkoop maar daar is ander kopers. 

Hennie, ons het al geteken maar dit is onderhewig aan eers hulle plek verkoop maar daar is ander kopers. 

Baie sterkte en ek hoop alles sal reg uitwerk. 

Ja, ons sal die huis ook seker by die einde van die maand in die mark sit. 

Goeie môre al die forum Maters, hoop dit gaan goed met die wat nie gesond is nie en die ander lekker ruusttig kamp. Die wat by die huis is, mag dit goed gaan en hopenlik besig met 'n kammp beplanning. Lekker dag vir almal daar buite. 

Goeiemôre almal.   Dit is lekker om weer by die huis te wees.   Die lug hier voel sommer lekker vars.

Toe ek lees dat Lapskag Jeffrey’s toe getrek het, het ek gaan kyk na huispryse daar. Dis interessant dat veral in Astonbaai, wat na ‘n aangename area lyk, die huise aansienlik goekoper is as in die Suid-Kaap. Tussen Glentana en Kleinmond is daar nêrens huise wat naastenby so bekostigbaar is nie. Meeste van Astonbaai se huise lyk ook of dit agter ‘n duin is, wat behoort te help met die seelug wat alles so vuil mors en laat roes. 

Na Anton se uitlating oor die  wyn van die Napa Valley is daar toevallig n artikel in koerant. Mooiste wynplaas in die wêreld is ons eie Boschendal. En... naas Frankryk se Champagne area wat díe populêrste bestemming is vir wyn toerisme in die wêreld, is Nappa 3de en ons Stellenbosch 4de. 

Chris ek is nie heeltemal op hoogte met die pryse, want die kinders het gekoop, ons het n bydra gemaak maar was hulle besluit waar om te koop. Ons het gekyk na 'n huis daar maar is maar klein. Hier sien ons darem die see so vanaf die hoogte vanaf C-Place. Vir my is net gesê, pak jou tas jy gaan saam. Nou hier is ons met baie ander uitdagings maar net rustigers as in Bloem. 

Môre môre. Die klein Karoo is bitter koud vanoggend. Veld is spierwit geryp.. en daar is so ligte sneeu bo-op die Swartberg.  So die windjie wat van daar af kom is snerpend koud.

Sal Wessel enige dag ruil vir sy omgewing, al is daar nie n rooibok te siene nie. 

Hier is dit ook yskoud vanoggend en ek sien YR voorspel 4º vir vanaand hier by ons  -  ongehoort laag vir Kaapstad.

Herman, uit die aard van die saak sal ek ook graag vir Wessel sy omgewing ruil as hy nie tevrede is nie, maar nie net oor die heerlike weer by Punda en Tsendze nie, maar ook die rustige omgewing en natuur in die Wildtuin.