Impulsiewe besluite

Was werksaam by 'n onderneming wat volwasse basiese opleiding aan alle personeel gegee het. Die engelse naam "Adult Basic Education".

My taak was om toe te sien dat daar fasaliteite beskikbaar was, en dat opleiding volgens behoeftes gegee word, materiale beskikbaar was ens.

Ons het van totaal ongeletterde mense tot matriek geskool.

Ek was drie jaar in die Kruger daarmee betrokke en ook in beheer van Vrystaat, Wes Transvaal, Mpumalanga, Gauteng en Limpopo.

In die wildtuin het ons sowat twintig opleiding sentra gehad, dit was 'n groot aantal sentrums om te diens ens, en het geweldig baie van my tyd in beslag geneem, wat ek natuurlik verskriklik geniet het. Ongelukkig het die baie weg van die huis, en op die pad, sy tol ge-eis, en ek het "minder groen weivelde" gesoek.

Goed, ek het nou genoeg van Rona se gesprekslyn gekaap, jammer Rona, sallie weerie.

Rona sal moet vertel as sy nog baie sulke impulsiewe stories het. Ek het een wat dalk die moeite werd is om te deel, maar kan op n ander plek plaas ?

...... vertel asb, tot in fynste besonderhede. Moet geen bydraende faktore tot impulsiewe daad, uitlos nie

... so stil soos 'n oorlogskip - tensy hy kliphard sit en tik.

Rona jy mag maar vertel 

Sal later bykom, ek woel met ander dinge en mag net brekfis, tee tyd en lunchtyd in die huis kom loaf. 

Die verloop van die petalje het so begin. Een naweek by skoonouers op Evander, gaan loer ek ons in by skoonsus. Kry swaer Dolf en sy maat Jock waar hulle sit en mampoer stook, en drink  in sy garage. Ek het toe ook n blik gekry om op te sit, en ń glasie ontvang.

Enige storie wat begin met ‘n glasie mampoer behoort goed te wees. 

... die akkies het toe nét daar in swaer se garage begin.

...neef se veelbekende  vraag---- was daar drank betrokke!!!

Baie duidelik---Ja, maar nie "Jack Daniëls" nie, klink eerder na "Jock Mampoer "

Hier kom 'n groot storie.

Eers gou die twee karakters bekend stel. Albei was 4x4 mal. Jock het n Jeep Gladiator gehad met n vreeslike groot v8 enjin in. Dolf se speelding was ń Wyllis cj2a , due 2de wêreld oorlog model, met ń vuurwarm 2,5l Firenza enjin en Alfa 5 spoed ratkas.  Vir hulle om op n Vrydag na werk, en natuurlik ń paar doppe, in die 4x4's te spring en Sodwana toe te ry vir die naweek, was al ń gewoonte. Vrouens het opgegee met hulle twee.  Elk geval was dit beter as hulle weg was, anders het die naweke in vreeslike kuiers ontaard. Altyd by mekaar, en besig in die garage met 4x4 tune of stook.

Die jare het jy n permit bekom by parkeraad, en jy kon op die strand ry na hartelus.  Ek het ń Landrover ser3 met ń Ford v6 ingebou, net so lekker ryding op die sand gewees. Groot tyres op gehad. 

So met die glasie in die hand, dit was hier vroeg in November, Bekla ek my lot by hulle oor die komende vakansie, en by die huis sit. Die 2 dogtertjies was een op die pottie die ander een in die doeke. So kom swaar Dolf op met ń plan

Sê Dolf. Kom ons vat vir skoonpa see toe vir ń vakansie. Ons vrouens was vreeslik erg oor pa Piet, en hulle sal dink ons is Heroes. Dit was net daar bespreek met hulle, en het die nuus met skoonpa gaan deel. Hy was ook ingenome want nou kan hy sy ou Willy's met die side valve enjin weer n slag gebruik. Dit het so flenter seildakkie en dun wielietjies gehad, ń vaalgroene.

Vra vir Dolf of sal hy kyk vir ń staanplek, en hy verbind homself daartoe. Ek moet intussen vrugte kry  stooksels  vir die manne, en verbind myself om binne die volgende 2 weke af te lewer. Dit is gedoen, ek kon 3 asblikke pynappels kry, klein maar stroopsoet.

My jonger broer wat PF was het gehoor van die trip en gevra of daar plek in die Landy was. Hy wil saamkom. Bevestig met hom,  hy noem dat sy beste pâl wil ook graag saamkom. Lawrence kry ook sy plek.

Skoonpa besluit dat hy sy neef Jannie, gaan saamkom vir geselskap. Die Jeep het mos 2 sitplekke.

My ander swaer kom kort daarna een middag by my ingery met n brullende CJ 6 Jeep. Groot glimlag, nou net gekoop, hy gaan saam Sodwana toe....

Hier kom 'n ding!

Nee magtig Herman............................................die gewagery dwing my nou om ietsie te  vat vir die senuwees. So bang ek mis iets.

... bedoelende Neef, al persoonlik ontmoet het nie (selfs saamgekuier saam met hom, Len, Wessel en Lapskag tydens die Herfsblare saamtrek in Karoo Nas Park) sou ek amper geraai het HKGK.

....ek dink jy raai reg. Ons sal net geduldig moet wag, moontlik swem onse neef en Giepie alweer in die leivoor. Onthou daar was >40C vir sy omgewing voorspel.

 Meeste van die klomp was hengelaars, en daar is genoeg visstokke op die Landy dat dit lyk of dit n rietbos op die dak het.  ń Jeep is te kort vir n visstok. Dolf en  saam my in die Landy, die het  bank sitplek gehad, kon 3 sit. Broer Pat en Lawrence het maar min plek vir hulself met als wat ingepak word agter in. Nee, nie tente nie, net seile wat tussen die lorries gespan sal word. Niks stoele nie, niks matrasse nie, daar ís nie plek nie. Die kos en hengelgerei en paar potte het die spasie opgeneem. Dolf het so klein rokertjie wat met brandspiritus werk ool ingepak. Jock het 18 bottel pynappel mampoer kon afstook. En dit was wragtig heerlik, maar blikskottel, dit het oge laat train en wange lam gemaak.

Skoonpa het n army trommel vol spanners en spares gelaai. Tang en draad, sy Willys was effe aan die bedenklike toestand vir die 450km pad.

Swaar Willem het soos gewoontlik vir homself ń tentjie, tafeltjie, stoel, paar blink glase, skeersakkie en aftershave ingepak. Hy was altyd n pynlik netjies en presiese man. Hy was saam Jock in sy Jeep. Dit het nie gehou nie. Duskant Piet Retief het Jock vir Dolf begin verlang en besluit dit is lekkerder in die Landy by sy maat en saam voor ingeklim. Nou sit ons skouer aan skouer, Jock is so naby dat ek kan sien sy bril is asvaal gevat

Nou sit die twee en drink die een dop na die ander, ek is houtnugter agter die stuurwiel. Haal Dolf ń hele knoffelbol uit sy sak en sê, ons moet maar knoffel eet vir die muskiete, dit help. Kan jy indink hoe stink die twee hier langs my , dit knars soos hulle knoffel kou en met mampoer afsluk. Sulke lang asems uit.. Ahhhh.... 

By Pongola is ons deur n pad blokade. Die spietkop kom staan met sy flitsie hier by my en steier behoorlik terug toe die twee manne koppe hier langs my indruk om met hom te gesels. Hy kon sien ek is nugter en wens ons voorspoed toe, hy lag te lekker toe hy wegstap.

Maters, as die storie te veel draaie loop, sê net so.

Die punchline kom nog. Wat ek kan noem,  is dat ek die enigste oorlewende van die span manne is,  en dit is lekker om die weer saam hulle te herleef.