Klipdraai.

Ons het die 30st September tot vandag, 9 Okt by Klipdraai gekamp, dit is 'n uitstekende oord met volop dinge om te doen vir alle ouderdoms groepe.

Hierdie was ons derde kuier by die plek, en ek kon dadelik sien iets is besig om te gebeur hier.

Daar is baie ontwikkeling aan die gang, oa. 'n groot lapa wat bo-oor die nuwe warm swembad staan. 

Wild ritte teen R100 per volwasse en R50 per kind word by die kantoor gereel.

Dag een, oomblik een, gebeur byna dieselfde met my as met Wessel. Ons is besig om die seil tent op te slaan toe ek by die deur uit klim, trap ek sleg op die staal trappie, en die ding voeter om onder my, my been (maar merrie) is omtrend aan flarde en ek los daar 'n knoop woord wat skrik vir niks.

Koelte!te is nog 'n probleem, veral vir iemand wat soos ek nie lief is vir son en warm kry nie.

Die oord is net buite Meyerton en is sommer naby Johannesburg vir 'n vinnige wegbreek.

Elke staanplek is duidelik gemerk en het die gewone huishoudelike 3punt krag punte naby staanplekke, water is ook goed versprei.

Naweke is die oord baie vol, maar geen lawaai nie, een kampeerder het wel Saterdag aand sy musiek redelik hard gehad, maar hy het oral kom hoor of dit pla, en ek get gevra of hy sal omgee om dit tog maar bietjie sagter kan sit want nie almal hou van dieselfde musiek nie, hy het dadelik die klank gaan af draai.