Daai tyd van die jaar

... maar jag nie en maak ook nie biltong nie. My dogter in Roemenië is haar pa een vooruit. Sy maak beesbiltong in 'n klein biltong "box" wat my skoonseun gemaak het. Sy gebruik ook Crown biltongspeserye.

Ek werk graag met vleis, maar as ek self moet sorg vir my vleis - bedoelende doodskiet of keelaf sny - dan sal ek seker maar 'n vegetariër word. Te veel van 'n sissie om dood te maak. Ek het in die verlede graag saamgegaan op jagtogte, maar het in die jagkamp vertoef en my besig gehou met kosmaak vir die jagters en hulp verleen met die afslag en verwerking van die vleis. Ek wil nie sien hoedat die dier doodgemaak word nie. Maar soos reeds gesê, ek eet graag saam.

Ek wil nie sien hoedat die dier doodgemaak word nie. 

Wat doen jy dan as jy 'n "kill" sien in die willetuin? Ekself is ook nie 'n jagter nie. 

Maak nie self biltong of wors nie, hier is n man op die dorp wat die karkas vat en bewerk net soos jy dit wil gebruik. Wildswors met varkspek, en sy speserymengsel. Droee wors met Persie stertvet en n ander speserymengsel, Biltong, en dit hang by hom tot droog. Als word vakuumverpak en gaan dit vrieskas vir bere.

Self skiet ek of maak ook nie meer dood nie, dit het my regtig begin ontstel, toe hou ek op. Hier naby was n familie wat springbok skuts is, en het vir my die wild geoes, kopskote op 300m, die dier sak net inmekaar.

Hulle het verlede jaar verhuis PE toe, nou sit ek met n penarie, Moet 2 jong Hartebeesbulle en 5 Blesbokke oes.  Sal maar dat die wat se hulle kan eers vir my skyfskiet dat ek kan sien..

Wilds skenkels is puik in n potjie, het hoeka gister een gemaak.

....oppad!!! In my dae kon ek in lêhouding darem 'n kol skiet op 300m met R1. 

Tel dit in my guns Herman??

Dit is in 'n mate opwindend om 'n "kill" te sien, maar ek geniet dit nie. Ek het nog slegs by 2 geleenthede so-iets beleef - beide kere 'n luiperd wat 'n jong vlakvark vang. Die tweede keer het die vlakvarkie darem weggekom nadat die sog die luiperd gestorm het.

Wessel, as jy n jaggeweer met n silencer het en die groepring van 3 skote maak jy met n R5 toe, dan is jy baie welkom.

So gepraat van R1. Op skool vir die skietspan met die ,22's. So die R1, behalwe vir die moerse knal en bietjie skop heel ok. Het n silwer balkie gekry en veral op 300m het ek gereeld volpunte geskiet. Die staan met snel en snap was my armpies daai tyd bietjie lig vir die geweer om gemaklik te wees, maar nog steeds nie te vrot nie. Hier is nog n stel messe wat ek tydens die Kommando dae op n prysskiet dag vir die 300m gekry het.

Tydens diensplig, was dit lekker dae gewees op die skietbaan. Die enigste dae wat effe rustiger was. Het die arme swak skuts jammer gekry, hulle is altyd aangetree en bietjie verinneweer einde van die dag.

... R5 groepering is effe aan groot kant, of hoe Nee wat, ek is ook nie 'n geswore jagter nie, maar skyfskiet is lekker.

Het die arme swak skuts jammer gekry, hulle is altyd aangetree en bietjie verinneweer einde van die dag.

Daarom het ek besluit dat ek nie 'n jagter sal word nie. Die arme bokke sal net vol gate geskiet word. 

................as ouens so praat van biltong maak, nie dat ek enigsens daarby betrokke is nie, maar saam eet doen ek wel.

Ek weet natuurlik biltong kom van 'n dier wat gejag is, maar ek wil nie van die jagproses deel wees nie.  In my amper 70 jaar wat ek Kruger Wildtuin toe gaan, het ek nog nooit 'n "kill" gesien nie.  Ek hoop om dit tog nog eendag te sien omdat dit die verloop van die natuurlewe is  -  letterlik is dit die een se dood is die ander se brood.

Ek koop maar my biltongtjies by ons plaaslike slagter.

Alhoewel ek nie ‘n morele beswaar het teen biltong jag nie, sal ek dit nie self pleeg nie. Dis een van daardie dinge waarmee party mense grootword. Ek het nie. Ek kan redelik goed skiet, en ons moes gereeld statiese en onder druk bewegende teikens raakskiet om te oefen toe ek in Botswana gewerk het.
 

Eers het ek staptoere gelei en self die .458 gedra en later gewerk by Abu kamp met opgeleide olifante. Daar het ek en ‘n ander gids gestap op die grond terwyl gaste op die olifante ry, en het ons elkeen ‘n .458 gedra om wilde olifante weg te hou van die opgeleides. Gelukkig was dit nooit vir my nodig om een te skiet nie. Ek moes wel een keer ‘n blou aap skiet wat agressief geraak het met die dames wat in die kombuis gewerk het. Dit was darem met ‘n .243 en nie die .458 nie. Die aap het reg bo my in ‘n boom gesit so 12m van die grond af, maar ek het dit gelukkig met die eerste skoot gedood. 
 

Biltong het ek wel baie van gemaak, want daar het trofeejagters na die eerste konsessie toe gekom waar ek gewerk het. Hulle het nie die vleis saamgevat nie, en ons het dit gratis gekry. Buffel, tsessebe, wildebees, kudu en selfs een keer olifant. Lg het ek van biltong gemaak, maar het dit op die ou end vir my spoorsnyer gegee. Dit was dalk ‘n sielkundige ding, maar dit was net nie vir my lekker nie.
 

Wat speserye betref het ek net sout, swart peper, geroosterde heel koriander wat daarna gekraak is, fyn gemaalde naeltjies en bruin asyn gebruik. So nou en dan bietjie steak&chops speserye en vir chili bites  cayenne peper. 

So het ek saam met pa begin jag op n jong ouderdom, het toe n trofee kamer vol geskiet, alles in Suid afrika op 4 bene, toe is daai lys vol, toe begin ons met die voëls en toe besluit ons nee wat, is nou tyd om oorsee te gaan jag, het toe Bison, bruin en swart beer en n klomp verskillende tipes tak bokke geskiet, berg bok en Berg tier of berg leeu ook.

Het klaar 1 sessie in vir die jaar en sal oor twee weke van nou af weer veld toe gaan om die res te gaan skiet, ons maak biltong, droëwors, mince, stew en steaks.

het sover 2 gemsbokke in en volgende is 1 eland en 2 blouwildebeeste en dalk nog n gemsbok.

Ek gaan jou nou 'n vraag vra waaroor ek nog altyd gewonder het. Laat ek eers dit sê - ek verstaan jag vir die pot - hetsy of dit vir mince, stew, steaks, biltong of droëwors is. Maar ek het nog altyd gewonder watse "kick" kry 'n mend daaruit om trofeejag te doen. Watse genoegdoening kry 'n mens daaruit om 'n beer, leeu, luiperd ens. te skiet? Ek wil nie in 'n polemiek betrokke raak nie en ek wil nie "stir" op die forum en dalk mense die harnas injaag nie nie. Ek kon nog net nooit die kluitjie by die oor kry t.o.v. trofeejag nie. Ek weet dit bring baie geld vir wildplaas-eienaars in. Maar hoekom wil 'n trofeejagter 'n spesifieke dier, waarmee hy eintlik 'n f met kol kan doen, doodskiet en teen 'n muur in 'n trofeekamer opsit.

Ek vra maar net. Dalk het jy of enige ander trofeejagter 'n antwood wat my nuuskierigheid kan bevredig.