Strydoms in Kruger 2025

Amper naand vriende, ons het so 14h15 by huis ingesleep. Gister uit Tsendse weg.

Met omdraai by Letaba verby na P.Borwa hek. Lekker oornag in Aventura oord. Vanoggend so 07h15 daar weg, en met Magoebaskloof pad oor na Pietersburg. Wat 'n plesier, heelpad dubbelpad en geen slaggate nie.

Ons het Tendze ongeag die mopaniebosse gate uit geniet!!! Pragtige arende gekry, asook groot troppe buffels, blouwildebeeste en sebras.

Totale afstand uit en tuis was 3270km.

Ek sal van môre af begin fotos laai. 

....een van die nege wat tans kamp in Tsendze was laag in 'n boom op ons staanplek. Gaan jag elke aand sodra dit donker is, en volgende oggend sit dit maar weer op presies dieselfde plek.

Lekkerste vir laaste, seker maar omdat dit net stil is in die kampie, en alles werk en skoon is. Hartlike dank aan Rodger en sy hulp.

Die wild was beperk tot die volgende roetes, S49 by Mooiplaas suiping. Dan ook die S50 van S49 tot by wegdtaai na S143. Laasgenoemde het nie soveel wild gelewer as S49 en S50, by suipings nie.

Die S142 was grof om te ry, en omtrent geen wild nie. So het ons ook op 'n dag 'n patrollie gery tot by Shingwedzi, en niks gevind nie. Darem 'n oopbek hiena gekry. Ons wou spesifiek gaan kyk na die kamp self.

Ons is effe dik vir die suide deel. Daar is net te veel toeriste trokkies, wat mens verdring en 'n oorlas is. Berg en Dal was oorvol, Satara was oorboordens vol, en Afsaal is raserige kommersiële plek vir toeriste trokkies.

Kyk net die tande wat ek het

Ons het heelwat meer roofvoëls rondom Tsendze gekry, selfs meer as rondom Satara en Timbivati.

Omtrent elke keer wat ons uitgery het, ons geluk gaan probeer by die laagwaterbruggie, op S142. Nooit grootwild gevind nie, die seekoeie, en krokkodille wel. Eenkeer 'n likkewaan langs bruggie in die son gekry.

Ons het die keer ook op nr 26 gestaan. Die wa het regs op staanplek gestaan, sodat ek die sonkolle ten volle kon benut. O ja, die slaaptent was rondom 12h30 in die koelte. Ek het net weer besef dat son, koelte hier 'n groot deurslag is, met keuse van 'n staanplek. Dit klink of die gemeenskaplike vrieskaste redelik vol is, omdat min staanplekke, en mense geen son het, en nie gerat is om eie vrieskaste te bedryf nie, respektiewelik.   

Dan natuurlik is die Tsendze omgwing, soos die HELE Kruger vervuil, oorgeneem deur my aards vyande/dieresoort. 

Gelukkig vertel naas bure ons van die kroonarende se nes op die S50, net 200m na die S143 wegdraai. Die laaste oggend in Tsendze, het ons toe eindelik die paar daar gevind. 

Die twee, seker maar pasgetroud was besig om 'n nes te bou, of 'n oue te herstel. Wat 'n gedoente, elkeen dra[vlieg] 'n stok nader, wat dan in posisie getrap word. Dan word daar gou gepaar, en dan dadelik word stokke gehaal. Sodra dit in plek is, word gepaar. So hou dit aan, wel vir die 40 minute wat ons die twee dopgehou het. Die fotos is nie te waffers, son was aan die verkeerde kant van die boom.

Nogal opvallend dat die mannetjie arend effe kleiner en donkerder is, as die wyfie kroonarend.

Sommer vir die mooi, nog 'n foto van 'n bruin arend.

Die afgelope vakansie was heerlik, veral as mens sonder enige probleme terug by die huis kom. Boonop as alles tuis ook in orde is.

Sommer so paar stukkies inligting, waarnemings en toekomstige oorwegings .

1] Soos gister genoem, totale afstand gery was 3270km, waarvan ongeveer 1000km na en van die wildtuin was.

2] Totale dieselkoste het op naasteby R6000 gekom. ek moet nog gaan volmaak, laaste ingooi was by Pietersburg.

3] Die 6 aande in B&D was vir ons te lank. Ek sal in die toekoms dit slegs vir 1ste of laaste aand benut. Selfs vir die doel sal ons eerder Malelane kampie oorweeg. B&D is net te vol, en baie staanplekke is moeilik om te benut, sonder "movers. Die kragpunte is ook maar vrot geplaas. Malelane kampe het nou 'n dierehek, dus hoef die beterhelftes nie meer hek oop/toe te maak nie.

4] Satara bestuur sal hulle sokkies moet optrek. Die staanplekke is swak gemerk, kragpunte word oorbenut. Dit blyk dat mense net insluip, en plekke/proppe beset, sonder dat hulle eers bespreek het vir Satara. Ons was BAIE gelukkig om lekker staanplek agter ablusie 1 te kry, met kragpunt 30m vêr.

Daar was selfs persone wat maar op sonder krag plekke gestaan het, maar sonpanele uitgepak het, terwyl hulle vir kragstaanplek bespreek het. Ander het omtrent 100m kabel afgerol na 'n kragpunt toe. Party het maar krag gebedel by bure. 

5] Afsaal het sy aantrekkingskrag vir my verloor. Net te veel toeriste trokkies. Ek is oortuig dat die trokkies van oral net ry tot daar, vir etes. Die drywers het eie tafel[s] op stoep waar hulle omtrent "bedien" word. Ek dink dat hulle gratis kan eet, vir al die klandisie wat hulle aanry.

6] Ek oorweeg dit sterk om volgende jaar 6 aande in Singwedzi te gaan kamp. Alles is daar ook nie te rooskleurig nie. Blykbaar bespreek mense langs die draad, en ander roof dit net. Indien ons soheentoe gaan, sal ek nie eers sukkel met 'n draad bespreking nie. Die binneste staanplekke lyk ook maar swak, of gladnie, afgemerk nie. Dit lyk of mens maar 'n koeltekol soek, en dan lang drade uitrol.

Julle moet maar asb sê wat julle van die kamp en omgewing dink/ervaar. 

7] Tentatief oorweeg ek dus volgende jaar om by Malelane kampie te begin, dan Satara vir 6 aande. Vandaar na Singwedzi vir 6 aande, met 'n enkel aand oorslaap in Letaba dalk, om sprong kleiner te maak.. Dan af na Tsendze, om weer by P.Borwa hek uit te gaan. 

8] Die jaar was Magoebaskloof 'n lieflike pad. Mens trek swaar vir 'n lang ent, met korterige draaie, maar daar was geen slaggat in die pad nie.  

....jy moet net terug blaai, ek het oor B&D en Satara terugvoer gegee.