Scottburgh hier kom ons!

Geniet dit Grootwind. Ek was een keer in Scottburgh (baie jare gelede), maar in 'n vakansiewoonstel. Ek was geel van jaloesie toe ek sien hoe die manne elwe (of "shad" soos hulle dit daar noem) vang en ek het geen hengelgerei saam met my nie.

Die volgende jaar wen ek toe 'n luukse naweek in Phinda Nyala danksy Getaway. Die prys was egter net vir twee persone. Ek kon toe reël om my twee kinders ook saam te neem, maar dit het my 'n arm en 'n been gekos. Daarom huur ek toe vir die res van ons vakansie 'n toegeruste karavaan in Widenham, by Unkomaas, wat redelik bekostigbaar was.

Daardie keer het ek voorbereid vir die elwe gegaan. Ek dink dit is wanneer my seun sy hengelmanie begin ontwikkel het. Hy was nog 'n klein mannetjie en pa het maar sy "tackle" aan sy nuut-gekoopte visstok en katrol hanteer. Ons het vanaf die karavaanpark sommer net oor die pad gestap tot by 'n lekker hengelplek. Ek het eers sy aas aangesit en hy't gegooi. Hy't 7 elwe op die wal gehad voordat ek die die eerste keer kon ingooi soos wat hy my besig gehou het met aas aansit en visse van die hoek afhaal. Toe ons toegelate kwota van 10 elwe vol was, is ons terug karavaan toe - vol verwagting vir die res van die tyd by Umkomaas. Dit was egter die laaste van ons hengelsukses.

Dus - as jy ook 'n hengelaar is, wens ek jou stywe lyne toe by Scottburgh.

...............baie aangename herinneringe van vakansies by Scottburgh tydens ons verblyf in Pretoria en Roodepoort - ons destydse tiener seun kon nie wegbly van die strand met sy paar meisies met hulle deurtrekker bikinis nie.  Deesdae is dit 'n algemene gesig op strande,

Ons het altyd gedurende die Junie/Jule skoolvakansie daar gekamp en die weer was altyd heerlik.

GW, ek is vol vertroue dat julle 'n heerlike vakansie gaan geniet.  Moenie vergeet om ons op hoogte te hou met fotos nie.

ons destydse tiener seun kon nie wegbly van die strand met sy paar meisies met hulle deurtrekker bikinis nie.  

Gelukkige knaap! Was hulle die seun s’n of die strand s’n?  

 Nogals twee girls met deurtrekkers.!! Lyk my die Loaders is gelaai....

Geniet die voorbereidings en vooruitsig na ‘n matige maand langs die see. Dit is darem lekker in die winter aan die Suidkus. Ons het altyd na die Gunston 500 gaan kyk in Durban en is snaaks aangekyk deur die plaaslike mense met hulle langmoue wanneer ons swem. 

Ek wil nie in 'n bande-debat betrokke raak nie, maar ek het oor etlike jare die grootste respek vir Bridgestone Duelers opgebou. Ek het nou Dunlops op - net omdat ek dit verniet gekry het. Maar hulle sal moet uithaal en wys om die Duelers te kom. Dalk bewys die Dunlops my skeptisisme nog verkeerd.

Ek haal met gemak 100k km uit my Duelers, maar my enigste stel Wranglers wat ek opgehad het, kon nie by 40k km kom nie.

Maar terug na jou rede vir opgewondenheid - geniet julle tydjie mater.

..............maandlange "wegbrekie" na Scotties, GW.  Ons het wonderlike herinneringe van vakansies jare gelede daar, voor ons Kapenaars geword het !

Moenie fotos vir ons tuisblyers vergeet nie !

Ek is regtig jaloers net om daaraan te dink "gedruis van die see". En n hele maand van vars seelug en sand tussen die tone. Geniet.

Geniet dit! Dit bly maar ‘n nadeel van die Wes-Kaap se see. Selfs in Desember kan dit te koud wees (die water) al is mens by Grootbrak. En solank mens nie hoogsomer in Natal is nie, is die sub-tropiese klimaat heel aangenaam. Veral die matige winter. Na die afgelope vier dae se storms skyn die son darem vandag hier, maar die maksimum is net 11 grade. 

....heeldag na bikini-meisies kyk, sand in jou klere hê, as jy tussen olifante en buffels kan vasgekeer wees

Grootwind : Bridgestones Duelers trek seker net op Rangers papwiele aan. Ek het nog nooit 'n papwiel gehad met myne nie, behalwe soms as ek vuilgoedgate[stortingsterrein] toe was. 

 .... wat ek ooit met 'n Dueler gehad het, was 'n paar jaar gelede by Punda Maria - toegeskryf aan 'n dakskroef waaroor ek tot vandag nog wonder waarvandaan dit gekom het. Maar nietemin watter soort band dit was, reken ek dat ek met veiligheid kan sê dat ek beswaarlik 5 papwiele oor my hele bestuurs-leeftyd gehad het. 

Vir die wis en die onwis ry ek maar 'n band-herstel "kit" saam in my voertuie. Die keer in Punda het dit handig te pas gekom.

Nou hoe de demmit kan 'n mens nou Grootwind se vakansiedraad so kom opneuk. Jammer GW - solank jy net jou maand by die see terdeë geniet.

Geniet dit!  Ek was amper 10 jaar laas daar gewees.

Ons was verlede jaar Desember daar vanaf die 23ste tot en met die 2e Jan. Vrou kinders en kleinkinders lekker gevakansie terwyl ek feitlik elke dag moes gaan werk op `n perseel wat my werkgewer "goedgunstiglik"beskikbaar gemaak het. Kon darm so dag of 3 saam hulle deurbring die res was maar kuier in die aand.

Een ding wat ek daar opgemerk het is die Checkers se sixty 60  aflewering. Daai scootertjies was heeldag in en uit die kamterrein om aflewerings te maak. So maklik en gerieflik volgens almal maar al wat ek kan onthou is hoe dit my irreteer het die klomp scooters met ouens in kersvader pakkies.... Die kleinkinders het dit geniet

Geniet dit

.... iets wat destyds (ek praat van die laat 80's) opgeval het van Scottburgh se karavaanpark was die feit dat daar geen heining aan die seekant was nie. Enigeen kon van die strand se kant af die park betree. Is dit nog so? Indien wel klink dit vir my of ek dalk maar skrikkerig sal wees met ons liewe land se misdaadsituasie. Of is daar ander sekuriteits-maatreëls van toepassing.

Ek onthou van die miniatuur treintjie wat daar was waarop ons saam met ons kinders gery het. Bestaan dit nog?

Geniet daai bruisdrankie.

Môre vriend

Julle behoort mos al terug by die huis te wees, of hoe. 

Ek aanvaar julle het die seevakansie geniet, maar waarom so stil? Hou die werk of skoonmaak van kamptoerusting jou besig?