Wyn roete 2019 toe 2020 verseker 2021 jippie Update

Ek self is nie n wyn drinker nie, maar bly lief vir die Kaap.

Sien die manne proe en spoeg so. 

Ek kry gereeld wyn as n geskenk, baie van die wit wyne is seker al asyn. Glo die rooi wyn sal seker hou. Dink my oudste is 1983 Nederberg.

More alle kampeerders en Arie

Dit maak my so hartseer as mense hulleself die plesier van goeie wyn ontneem.

Ek weet egter waarom sommige hulle boeket en palet beperk tot bier;

soos 'n goeie blou bul ondersteuner glo: met bier is elke jaar 'n goeie oesjaar.

Dalk moet ons maar 'n draad begin waar lede hulle ongedrinkte rooiwyn adverteer vir uitruil vir bier. 

Montagu: trekkerrit tot op die berg in vrugte gebied-- die Koo. Daar is pragtige kampeerplek in dorp.

Calitzdorp" Bo-plaas wyne en port. Behoort aan vriende van my.

Voortrekker: Onthou wat Paulus gesê het---'n klein bietjie wyn is goed vir die maag.

Wessel

Onthou wat Paulus gesê het

 Ek neem darem so nou en dan 'n wyntjie volgens oom Paulus se voorskrifte 

Voortrekker, 

dan sal ek jou onmissellik in ander kategorie moet plaas. Gelukkig is alles relatief ---tot "bietjie,

Gelukkig is daar mos die beker opsie met nagmaal vir die Kapenaars

Wessel

jou onmissellik in ander kategorie moet plaas

Ek is nie 'n Bloubul nie 

Môre Mnr Moller[?]

Ek hoop my afleiding van  jou van is korrek.

Ek sien jy wil met 'n waentjie wyn terugkom huistoe. Daar is die volgende ware insident;

My vriend het as student baie by Swartland kooperasie [Malmesbury] gewerk. Eendag het daar iemand opgedaag met 'n T registrasienommer, wat wou wyn koop. Op die vraag---wil oom 'n swaar of ligte wyn hê, was die antwoord----maak dit maar 'n ligte wyn, oom is met die kar hier!

Ek glo die Kaapenaars sal jou met oorvloed raad bedien om jou toer lekker te maak.

en ons het 14 dae om wynroete en omgewing te verken

Is daar al op datums besluit en watter dele wil julle graag besoek? Ook; wil julle ‘n basis hê en van daar af dagtoere doen, of by ‘n paar verskillende plekke kampeer? 

Ek het nog nie aan Paarl se kant van die tonnel kampeer nie maar kyk na Bergrivier oord, Bergplaas oord en Mountain Breeze oord in die Stellenbosch/Franschoek omgewing. 
Vriende van my het al (onlangs) by Silwerstrand en Skurwekop buite Robertson kampeer en albei geniet maar beveel Skurwekop sterk aan.

Montague is daar Montague karavaanpark waaroor Oom Len goeie dinge gesê het, Doringlaagte waarby ons al was en geniet het en Guano Caves waaroor ek ook goeie dinge gehoor het. 
Oorweeg dit om by Slanghoek oord naby Rawsonville ook ‘n paar dae deur te bring. Dis ‘n netjiese oord in ‘n pragtige vallei en as jy van droë wyn hou - ons vallei groei baie Chenin Blanc. Die wyn hier rondom Worcester en Rawsonville is ook baie goedkoper as aan die ander kant van die tonnel en hier is minder toeriste. Van Slanghoek oord af is Tulbagh en Ceres ook nie ver nie en ‘n besoek werd. 
Vir bietjie afwisseling van die wynland kan julle oorweeg om by Yzerfontein te staan vir ‘n paar dae. Dis natuurlik as julle genoeg tyd het...

Môre Shaun, ek ken nie die wyn roetes nie, maar, ek wil jou graag 'n roete aan beveel.

Ry vanaf Worcester oor Villiersdorp, Franshoek na Stellenbosh, as jy die Franshoek pas bereik, ry stadig, dit is 'n asemrowende mooi uitsig. Franschhoek lê onder die pas in 'n vallei en as jy dit nog nie gesien het nie, mis jy een van die mooiste uitsigte in die land.

Môre Shaun

Dan moet jy ook vanaf Stellenbosch, of Franschhoek die pad vat na Wellington en Paarl. Vandaar kronkel jy met die bekende Bainskloofpas oor na Wolsley/Ceres/Tulbagh kant.

Lank gelede was daar aan die Paarl kant 'n leerlooiery waar mens die mooiste leerprodukte kon koop.

Groete

Gaan ry n draai by Greyton, vat jou liefde en gaan eet  by Gabrielskloof, ry oor die berg by Caledon na Hermanus ens...

Ons het jare terug hier oorgebly in ou kamers en 'n groot donkie vir warm water.  Die swembad was daai tyd skoon rivier water, die swembad was so elke 3de dag of wat leeg getap en weer gevul met rivier water.  Tannie Bertha was daai tyd inbeheer daar gewees.

De Hollandsche Molen

Ouskip. Dit is ook 'n baie lekker veilige oord wat gerus oorweeg kan word, (by Melkbosstrand) 

Shaun, jy is besig om te krap waar dit juis jeuk, ek en Bennanta is dol verlief op die wes kaap, en nou sit en brand ek hier om weer te gaan👍

Ai man, is dit nou nodig om so die insette te sit en lees😂

Shaun,twee weke is beslis te kort.

ons kyk om dit nou in 3 weke te doen

 Ons laaste toer was 'n maand, en dit was te kort. Die plan is om DV volgende jaar Maart en April te gaan.

die bekende Bainskloofpas

Die pas is werklik 'n ervaring, maar ek verkies om dit van die R43 se kant af te ry. Die opbou tot mens bo uitkom is vir my meer dramaties, en jy is aan die kant van die pad waar jy kan aftrek elke nou en dan (mits jy nie sleep nie, maar ek sal in elk geval verkies om die pas nie te sleep nie, jy sal so moet konsentreer dat jy dit minder sal geniet). 

Ek beveel weer Slanghoek oord aan. Dit is 'n goeie ligging vir so daguitstappie oor Bainskloof Wellington en Paarl toe. Die Taalmonument en as julle tyd het en nie te onfiks is nie, is die Paarlberg ook definitief iets om te sien. Die uitsig van daar af op 'n wolklose dag is werklik pragtig. Dan kan julle deur die tonnel (of oor die Du Toitskloof pas weer terug Slanghoek oord toe. Die rit deur die kloof van die tonnel tot waar jy verby die weegbrug in die Breedevallei (my tuiste) uitkom is ook asemrowend. En moenie vergeet van die lekker maar goedkoop wyn in ons vallei nie. Binne 'n 15km radius van Slanghoek oord af is daar minstens 10 kelders...

https://www.slanghoekres…