Vlermuise

Gelukkig is ek nog nooit deur vlermuise gepla nie, maar ek hou die draad dop met arendsoë hoe om hierdie pestelensies uit my kampopset te hou.

Hoe waar dit is weet ek nie maar toe ons in Nelspruit en Komatipoort gewoon het was die gerug dat vlermuise ingevoer is om die muskiete te beheer. 

Toe het die vlermuise 'n plaag geword veral in Komatipoort waar omtrent elke huis se dak vol vlermuise was.

Vlermuise het my nog nooit gepla nie, eintlik hou ek baie van die diertjies. Hulle het ingewikkelde sosiale strukture, en net een kleintjie per jaar, en word erg bedryg deur moderne boerdery praktyke, gifstowwe. Kolonies is ñ uitgebreide families,  en die jong kerels moet pad vat sodra hulle groot genoeg is. Vroeër jare in Europa het die dorpe spesifieke vlermuistorings gehad om hulle te lok en sodoende die plae in toom te hou. Voordeel was dat die vlermuis Guano (mis) op die toringvloer bymekaar gemaak word vir bemesting.

Jan, ek is nie bewus van n uitheemse vlermuis nie, ons het heelwat spesies hier, vrugtevreters en insekjagters. Sover ek weet is vlermuise beskermde diere en kan nie goedsmoeds uitgeroei word nie.

In die Kgalagadi is so paar  geboude vlermuishotelle teen pale vasgemaak. So hulle geniet so bietjie status daar.

In my lapa se dak (nok) is nou al vir jare vlermuise, hulle pla my nie, en ek pla hulle nie, ek maak maar net onder die lapa skoon wanneer ons daar gaan sit. Gelukkig / ongelukkig, is ek erg gekant teen dood maak van enige dier behalwe muskiete en vlie.

Vlermuise is alles behalwe ‘n pes. ‘n Enkele insekvretende vlermuis vreet 200 muskiete ‘n aand. Vrugtevlermuise is ook baie meer doeltreffend met die versprei van sade as wat voëls is. Lg sit en vreet in ‘n boom en mis gewoonlik onder, of naby die boom. Vra maar iemand wat ‘n moerbeiboom het. Vlermuise beweeg aanhoudend, en mis dus ver van die boom waaraan hulle gevreet het. 
 

In die Kruger wildtuin is daar in baie (meeste?) kampe vlermuiskiste op pale waarin hulle kan slaap. Dis eenvoudig ‘n reghoekige, plat houtkis wat regop gemonteer word met die opening aan die onderkant. Binne is daar ogiesdraad waaraan hulle kan klou. Ongelukkig, soos met meeste diere, het ons hulle habitat vernietig buite bewaarde gebiede deur bome af te kap en dus neem hulle soms intrek in ons geboue. Jy gaan sukkel om hulle te keer, ek het al gesien hoe een onder ‘n deur uitkruip.
 

As hulle jou pla, bou ‘n vlermuiskis op jou erf, en geniet ‘n muskietvrye omgewing. Ek kan nie sien waarom hulle in ‘n karavaan of tent sal wil ingaan nie, so ek glo nie mens hoef daaroor te bekommer nie. As hulle sou, is daar ook niks om oor te bekommer nie. Ons kry nie bloedvretende vlermuise hier nie, en al die ouvroustories oor hulle wat in jou hare invlieg ens is bog. 

Nouja, daar het ons dit nou  -  dankie ChrisWH

Ek sal dus my verwysing na vlermuise as 'n "pestelensie" terugtrek, maar volstaan daarmee dat ek nie saam met vlermuise in een vertrek, afdak of lapa sal slaap en/of eet nie.  Daardie tipiese vlermuis urine- en misstank in 'n vertrek is vir my net een te veel, veral as ek in die Wildtuin duisende rande vir 'n hut of chalet sou betaal.

Ek is ook dankbaar vir die gerusstelling dat vlerries my nie in my kampopset sal pla nie.

Ns. Ek wonder hoe meet wetenskaplikes dat een vlermuis 200 muskiete verorber ?

Jammer vir die tikfout Oom Len, ek het ‘n nul weggelaat. Dit moes 2 000 gewees het. Hier is ‘n akademiese artikel wat verduidelik hoe wetenskaplikes dit bepaal. 

Baie interessant  -  dankie ChrisWH !

Ek het die artikel gelees en lyk dit vir my, dit is 'n wiskundige berekening met aanname dat 'n vlermuis 65% van sy leggaamsmassa daagliks behoort te eet om te bly lewe.  Hoe die 65% bereken is, is onbekend.

Feit is, ek het my sienswyse van vlermuise heeltemal verander, maar ek sal steeds nie my slaapplek/eetplek met vlermuise deel nie.

Vrouens het altyd 'n vrees dat die vlerkmuise in hulle hare gaan invlieg en dit koek! 

Feit is, ek het my sienswyse van vlermuise heeltemal verander

Kennis is mag