Kamera

Ons het ook n Cannon Eos iets, en dieselfde lense as jy Len. Het dit op n special gekoop by Game hele paar jaar gelede. In die dae van SLR kameras, het van Pentax gehou, en onder andere n Tamron 500mm gehad,  somtyds n 2x invertor vir erg lang skote wat meestal maar iefie was, en dit was op n driepoot gedoen.

Ek sien die manne korrel sommer so uit die vuis met die digitale kameras en neem n string fotos met die hoop dat een werk. Deesdae neem ek baie minder fotos, dit is asof die digitale era die stokperdjie vir my afgewater het. Wat ek vind met die 300mm lens op n kussingkie, en mooi stil afneem, kan jy digitaal inzoom met ongelooflike detail.

Ek is maar agter die klip t.o.v. fotografie.Ek besit nog 'n Pentax K1000 uit die ou dae en uit meer onlangse tye ook een of ander Canon model. Wat my Samsung 10 foontjie nie kan neem nie, is dus buite my bereik wat fotografie aanbetref. Inderwaarheid is ek lui vir fotografie - en buitendien het ek geen benul van komposisie (is dit die regte woord?) van foto's nie. Ek's maar 'n mik en druk fotograaf.

Ek het ‘n Canon 5D MkII gehad, maar ek het dit verloor. Ek het nog ‘n 70-300 Canon lens wat Image stabilized is. Dit het ‘n motortjie en tipe giroskoop in wat voorkom dat dit skud wanneer jy uit die hand uit neem. Ek het egter later vir my ‘n Canon 300mm F4 L lens gekoop wat ook gestabiliseer is. Dis een van daardie ligte grys lense wat ‘n klomp geld kos, maar dis redelik vinnig (F4 beteken dit kan wyd oopmaak, meer lig inlaat en dus teen ‘n vinniger sluiterspoed neem. Minder kans vir blur en gee die in fokus onderwerp met die uit fokus agtergrond). Ek het ook ‘n 1,4x omsetter maar dit maak die lens stadiger en werk net regtig mooi met n dooierus.

Met die kombinasie het ek lekker foto’s geneem tot ek my kamera verloor het. Toe ek vir Salomien ontmoet het, het sy ook Canon toerusting gehad. Met die tyd het ons tussen ons nogal ‘n arsenaal opgebou. Ons het later beide 5D kameras gehad. Dit is sg professionele kameras, met volgrootte sensors. Daar is dus geen digitale vergroting nie, en baie goeie resolusie. Ek het my toerusting meestal net vir ontspanning gebruik, maar Salomien verdien haar inkomste met hare. Toe gaan iets fout met haar kamera en sy begin myne as ‘n rugsteun gebruik. Kort voor lank is my kamera sonder vergoeding onteien. Nou sit ek met ‘n duur lens in die kluis. Dis mos hoe vrouens trou benader. Wat hulle s’n is is hulle s’n, en wat joune is is ook hulle s’n. 

More vriende

Ek het op universiteit 'n Minolta gekoop. 

Deesdae het ons 'n Nikon met 'n standaard effe zoom lens. Die kamera verstom my nogal. Ek oorweeg ook om 'n sterker zoomlens te koop, maar kom net nie sover nie.

Ek het 'n swembad "nooodle" die regte lengte gesny, en 'n keep oor die lengte gesny, nou pas dit oor die bokant van my afgedraaide syvenster. Ek vat nou dooierus daaroor met die kamera.

Ons het ook boontjiesakkies probeer, maar dit neig om in opgewondenheid altyd uit te val. Daar is die oulikste, lae kostes, katoeters op die mark wat aan jou syvenster klem. Die bodeel werk dan soos 'n normale driepoot.

Groete

Ek het tans 2 EOS kammeratjies.  'n 100D een van die kleinste DSLR kamera's ooit.  Dan ook 'n 860D en klompie lense 70 -200 F4 L en 'n 18 - 200, 12 - 28 weie hoek , 50mm F1.8.  En 40mm F2.4.   Die 50mm 1.8.

Die hartseer ding is dat my selfoon sulke goeie foto's neem en my SLR' s nie veel lig sien nie.

Gawe klompie lense wat jy daar het! Dis die video killed the radio star sindroom van ons tyd. ‘n Tablet bo ‘n boek, e-pos bo ‘n brief, WhatsApp bo ‘n oproep, streaming eerder as langspeelplaat en slimfoon voor ‘n DSLR. Die afwatering van die lewe en van die werklikheid. 

Môre vriende

Waar in Pretoria kan ek gaan soek na 'n kamera-monteerstuk wat vasklem op die syvenster ?

Daar is oulike kompakte goeters, maar waar is goeie fotografie winkels, dalk in Kollonade en/of Montana omgewing. Ons stereotype Hilux outjies ry nie graag Menlyn toe nie.

Groete

Baie dankie, ons praat by KarooNP verder oor die onderwerp.

Is Orms in die Tygervallei sentrum, of teenaan Durbanweg. Ek kan dit sekerlik Google maps ook.

Ek sal sekerlik daai omgewing nie meer ken nie, maar ek het vir 'n jaar in die hartjie van Durbanville gewoon.

Môre Len

Sal dophou met arendsoë. Is die geheuekaart vir die bokkies of poppies?

Waar in Pretoria kan ek gaan soek na 'n kamera-monteerstuk wat vasklem op die syvenster ?

Daar is oulike kompakte goeters, maar waar is goeie fotografie winkels, dalk in Kollonade en/of Montana omgewing. Ons stereotype Hilux outjies ry nie graag Menlyn toe nie. 

Hallo Wessel 

Seker bietjie laat, maar net langs die Kollonade - ander kant van die flooimark - is daar n Foto Discount World wat tans hierdie driepoot met n venster "mount" beskikbaar het.

Môre Pieter

Dankie man, ek moet die week Montana hospitaal toe ry. Ek gaan probeer om 'n draai daar te maak.