Ek het al waargeneem, en stel my asseblief reg indien daar meer is, daar is 3 tipes kampeerders as dit kom by opslaan van kamp of tent + ietsie drink.
Jy kry die:
voor
gedurende
na die tyd
ok....en nr 4 is die:
heeltyd
Bierdrinker. (of enige alkoholiese verfrissertjie)
ok....ek besef daar is ook 'n nr 5, die:
glad nie
Ek val onder die na die tyd kategorie. Ek sal wel altyd seker maak daar is 'n lekker yskoue coke of iets soortgelyks naby, want met die 40 penne wat ek moet inslaan (met vol rig) kan dit nogal 'n "workout" en geswetery word, veral middag in die somer in Brits of warmer plek.
Ek verkies maar om die bier of drankie te los vir bietjie later wanneer alles nou mooi in plek en haaks is en wanneer ek weet ek kan dan relax.
Eers coke...dan goud
Slaan ook maar eers op met skoon Coke. Eers as alles op plek is kan ek lekker ontspan. Dis waar die goue skuimkoppe lekker is en coke verdun word
Heeltyd!
HARRY DU RANDT:
Ek sal ook "die na" ietsie goud en koud neem.
Gedurende n soda.
Die werk moet eers klaar, dan die sit en ontspan ding.
FREDA: As ons by 'n staanplek aankom, besluit Colin eers wat is presies die regte kolletjie waar die karavaan moet staan, dan dat hy gelykstaan. Die grondseile word neergesit en die 2 awnings met sye of voltent word opgeslaan. Voor ons begin meubileer, sal ons soms iets skink en 'n rukkie sit. Gewoonlik sit ons ook maar nie lank nie want jy vat hier en vat daar en kom maar weer aan die gang nog voor daai iets halfpad gedrink is. Na die tyd, is eintlik die beste tyd.
GROOT G: Gedurende en dan gaan ek oor na heeltyd
DUSTY: Sodra die stoele reggesit is is dit tyd vir 'n glasie coke. Dan is die rally met sykante klaar op en die dubbel tafel klaar op sy plek.
Dus na die tyd
SEGEKOK: Ek maak my self rustig op n stoel met een in die hand. Kyk hoe Hel1 opslaan
VOORTREKKER:
segekok het geskryf:
Ek het gewag vir hierdie een: Tipe nr 6
JOHANN L: Ons is no 1 tot 7, opslaan is deel van die familie tyd, dus, daar is altyd yskoue Coke naby en hoe meer die kleinkinders dit geniet, hoe langer vat ons. Sal wel klaar kry.
FRIKADEL: Hettie Hitler is in beheer van die kamp opslanery en sy besluit wanneer ek gedurende die proses ietsie mag neem om ontwatering hok te slaan.
JANBIKE: Ek slaan gewoonlik net my rally en kazebo op omdat dit baie minder werk is as die vol tent. Dan sal ek so tussen deur suig aan n koue bier. As ek moet vol tent opslaan vat dit baie langer en baie meer koues.