Prioriteite, Vertroue, Skelms en wanneer weer kamp.

Die gesie en sy wyfie is in die proses om n huis te koop. Die gesie is nou so amper 45 en die wyfie amper 48. So twintig jaar getroud, daar nie kinders, so op ons ou dag moet ons na ons self kan kyk, daar sal nie n terugval wees as dinge skeef loop. 

Ons kry dus nou ons prioritete reg sodat met aftrede daar nie sukkel gaan wees. Ons eerste prioriteit soos bo gese is om dan n huis te koop sodat dit met aftrede klaar betaal kan wees en ons nie ons pensioen en ander polisse daarvoor hoef te gebruik nie. Ja dan sal ons baie geld he vir kamp, ek dink. 

Oor ons net die twee is, besluit ons om te kyk na n twee slaap kamer plekkie met goeie ligging in n sekuriteits kompleks. Daar moet plek wees vir groot karavaan en twee voertuie.

Ons vermoe is so dat ons vir groter en duurder kan gaan, maar onthou prioriteite. Hoekom dit doen om ander mense te impress en dan kan mens nie gaan kamp en ander lekker goedjies geniet, want jy sit met hierdie moerse huis paaiement. Op ons ou dag dan ook n klein beheerbare plekkie. 

So begin die soektog op die internet na die twee slaapkamer plekkie en ons kry een hier in dieselfde kompleks waar ons bly, baie mooi en voldoen aan ons vereistes. Kontak die agent, en sy se dat iemand anders klaar n offer to purchase geteken het. Sy is egter baie seker dat hul nie finasiering gaan kry en ons kan n tweede inlyn offer to purchase teken.

Doen dit toe, en daar begin die finansiering aansoeke. Gun my gou die kans om julle daarvan te vertel. Dit is nie lekker nie. Dit voel of die mense jou diepste privaatheid binne dring sonder jou toestemming, amper soos hierdie onlangse walglike cartoons van Zapiro en Ayanda Mbulu. n Mens sit daar en moet elke lyntjie van jou bankstate vir die afgelope drie maande en meer verduidelik. Hoeveel karre en bates, kinders, leefstyl vrae ensovoorts. Niks daarvan gehou. Maar ja, die lening is goedgekeur. Jippie.

Ons sou die laaste twee weke van April gaan kamp het maar die bank se ons moet self die oordrag en al daai kostes betaal. Dit gaan so oor die R50 000 beloop. Ons besluit om nie te gaan kamp sodat ons al daai geld kan he, onthou prioriteite, eet toe maar brood die maand (LOL), elke bietjie help. 

Die vrou wat eerste opsie op die huis gehad het se koop gaan toe deur en ons verloor toe die huis. Die huis is langs goeie vriende van ons in die kompleks. Die vriend het toe die dame, nuwe eienaar, ontmoet, en soos mense maar skinder vertel hy haar dat vriende van hom (ons) ook die huis wou koop en dat hul gedink het haar koop gaan deurval. Sy se toe dat sy die helfte van die huis se waarde as deposit neer gesit het en dat daar nooit enige moontlikheid was dat sy nie die ander helfte finansier sou kry. 

Toe ek dit hoor, toe begin ek so wrang smaak in my mond kry. Die agent het dan anders gepraat. Sy het ons met lieg n maand lank aan n toutjie gehou net om kopers op te line vir die huis.

Ek los dit toe maar daar, en ons soek na n ander plek. Ons kry toe n ander plekkie wat nog mooier is en teen dieselfde prys. Baie bly.

Na plekkie gaan kyk en als. Kom by agent om OTP te teken. Hy se toe da thy nou net met verkoper gepraat het en dat daar iemand van die Noordkaap is wat bereid is om R110 000 meer te betaal en dat die nou volgende week en Dinsdag na die plek gaan kom kyk. Sy woorde is toe dat ons kan wag en kyk wat gebeur of ons kan daaran dink om n teen aanbod te maak. Mensig, klink dit nie na skelm streke nie. Ek was en is nog steeds so kwaad. Ek kan nie konfrontasie hanteer nie, en het beleefd gese: OK kom ons wag maar tot volgende week. Of die bliksem van n agent, of die bliksem van n eienaar het my op n afstand sien aankom en vat nou kanse! 

Die wyfie se ek moet nie dinge so opkrop nie, ek moes my piece gese het, ek gaan dood neerslaan van n hart aanval of eendag moerse ontplof. My vertroue in eiendomsagente is moerse gekrenk.

Slotsom.

Huis gaan ek binne kort koop, finansiering is daar, moet net die agente uitkyk. Kamp gaan ek oor so jaar of meer al hoe meer kan want ons neem nou goeie besluite. Tyd van hoog leef om ander te impress verby. Aftrede gaan gemaklik wees met baie kamp. Vertroue in mense, nie maklik nie. Daar word so mooi gesmile en praat. Onder draai die duiwel rond. 

Groete

Die kwaai gesie LOL