ATKV Oorde

In altwee gevalle is die swembaddens 'n entjie se stap maar altwee is baie lekker kampe.  Ek was nie by een onlangs nie maar weet dat die wind soms kan pla by KK as dit deur die kloof kom.  By altwee moet jy eetgoed nie laat rondstaan vir die aape nie.  Miskien is BP se binne warm swembad beter as KK sin volgens my.

Gaan gerus na enige een. 👍🏻

Ek en Berdien was twee jaar terug daar gewees vir n naweek sy is mal oor die oord ek weer nie hoekom ek weet regtig nie Josef ek kry net nie selfde gevoel as by Eiland of Natalia nie dis n skoon oord en naweke baie besig alles bymekaar maar ja ek sal nie lank daar wees nie baie kollegas en al my meisiekinders en hulle mans en kleinkinders love Buffelspoort , was so 20 jaar terug by KK moet weer gaan

Selfs nie eers Hartenbos het die selfde Desember gevoel soos die Eiland Spa nie.  Was al Desembers by Eiland, Hartenbos en Klein Kariba en niemand volgens my kom by die Eiland nie.

Die oord is baie gewild by die Kapenaars, sommige staan sommer 2 maande in die winter daar.  

Geniet hom Josef dalk like jy die plek baie soos ek genoem het Buffelspport baie gewild net nie by my nie stem saam Willem Eiland moer lekke

Ek weet nie hoekom ATKV verskoning maak oor Afrikaans gebruik op n AFRIKAANSE TAAL EN KULTUUR VERENIGING OORD nie

.... oftewel Afrikaanse Taal en Kultuurvereniging se naam is eintlik geensins meer gepas nie - behalwe dalk op takvlak waar sommige takke nog poog om die Afrikaanse taal en kultuur te bevorder.

Die breë organisasie skep geensins meer die indruk dat hulle doelstelling is wat hulle naam weergee nie. Die feit dat hulle vrystellings, soos wat Geert hierbo aanhaal, in Engels doen, bewys dat Afrikaans nie meer 'n primêre doelstelling is nie.

Ekself het nie 'n probleem om anderstaliges te akkommodeer nie, maar dan is die naam van dié organisasie beslis nie meer beskrywend van hulle oorspronklike doelstelling nie. Of is dit 'n geval dat ATKV bloot 'n bekende akroniem is en nie meer staan vir Afrikaanse Taal en Kultuurvereniging nie.

Ek dink bv aan GWK, wat 'n akroniem was van Griekwaland-Wes Koöperasie. Toe hulle 'n landboumaatskappy word (en dus geensins meer 'n koöperasie nie) het hulle die naam aangeneem van GWK Beperk. Die akroniem was só gevestig dat hulle GWK (oftewel die "K") in die naam behou het.

Ek hoef nie my standpunt oor die ATKV te herhaal nie  -  teen dié tyd weet almal seker hoe ek voel.

Wat die kennisgewing op Engels hierbo betref, vermoed ek die rede is juis dat die mense wat gekla het dat ATKV Klein-Kariba apartheid beginsels bedryf, kan lees wat ATKV daaroor te sê het.  Sou dit op Afrikaans geskryf gewees het, sou die boodskap nie die klaers bereik het nie.

Maar ek glo ATKV weet, jy kan maak wat jy wil, hoe goed ookal bedoel, van iewers gaan jy beskuldig word van een of ander optrede van jou.

Hierdie kennisgewing verlede naweek by die onderdak warm swembad afgeneem. 

Eina wat die spelling aanbetref. Maar om eerlik te wees, heelwat mense kan nie spel om hulle alies te red nie (verwys nie na tik foute nie). In my skooldae was antwoorde verkeerd gemerk indien daar spelfoute was, selfs al was die antwoord "reg". As 'n onderwyser dit vandag waag is mammie of pappie gou by die skool en kerm oor die ontreg wat Jannie of Sannie aangedoen word. Resultaat is dat Jannie of Sannie uiteindelik nie kan spel nie in hulle volwasse lewe. NWU het 'n Afrikaanse spel en grammatika toetser beskikbaar vir Word gebruikers (www.spel.co.za) teen R299 - sou dink dat die ATKV darem so iets sou gebruik?

....bespeur ek hier 'n stekie na forum gebruikers se taal en spel vaardighede?

Ek sukkel om op 'n geleerde foon te tik. My vingers is te dik, en/of my oë speel nie saam nie. Ek vermoed dat baie spelfoute op die forum bloot te wyte is aan die fakore.

Ek is soms te lui om alles weer eers deur te lees, en skoon te maak.

Geensins Wessel. Ekself tik meestal te vinnig vir die sleutelbord om by te hou :) (of dalk moet ek in 'n beter kwaliteit sleutelbord belê!) Dit lei partymaal tot interessante nuwe woorde! Soos jy spandeer ek ook nie te veel tyd daaraan om bydraes op die forum skoon te maak nie. My bedoeling is meer van 'n stekie na meer formele produkte soos die ATKV se "Verloere" Goedere kennisgewing. So 'n fout is mos onverskoonbaar, veral deur 'n organisasie wat reken hy bevorder Afrikaans? Dink jy het ook al wetenskaplike en ander artikels geskryf....natuurlik maak mens ook dan foute (ook in Engels) maar daarvoor redigeer mens herhaaldelik om seker te maak die finale weergawe is professioneel? Met 'n forum gesprek is dit nie nodig nie?

Hier sinspeel ek op niemand nie, maar ek sien selde of ooit 'n spelfout raak, lees net die "buitekant" van woorde en verstaan wat die skrywer sê, so bv het ek eers die spelfout op die foto raak gesien na daarvan melding gemaak is, maar dadelik net gesien vir wat die doel van die woord is.

Hoor jou Johann. Die manier hoe ek bedraad is (Duits grootgeword), laat my in formele geskrewe teks soos kennisgewings borde, naam borde, artikels, en so aan, spelfoute onmiddelik raaksien. Ek begin dadelik wonder of die organisasie wat dit vrystel ook ander dinge so sonder aandag aan die detail benader. Die straat waarin ek woon se naam is op minstens 3 of 4 naamborde verskillend gespel, dit irriteer my nogal! Weereens, wat informele gesprekke soos die forum aanbetref pla dit my nie, want die bedoeling is tog anders. Ons kaap seker nou die draad effe...

Dit is swak as 'n "adverteerder" verkeerd spel, ek noem net hoe ek lees

Baie raas gekry by my ou moeder oor spelling, sy het altyd gesê, dit weespiel jou persoonlikheid, maar helaas, dit is hoe ek lees. Seker maar minder oplettend as ander?

Terug by die onderwep, ek ondersteun nog steeds ATKV ten spyte van 'n vorige "beroerte aanval" toe 'n dame die naam wou verander na Alle Taal Kutuur Vereeniging.

Ons het ook altyd ATKV ondersteun maar dit lyk vir my al hoe meer dat dit nie meer gaan oor Afrikaanse kultuur nie. Oorweeg dit sterk om ons lidmaatskap te stop as gevolg daarvan.

Môre vriende 

Ek gaan nou 'n stuiwer in die armes se beurs gooi, en komende van my, gaan dit reën bring.

Dis mos baie eenvoudig, beskou die ATKV met sy oorde bloot as 'n identiteit soos Forever Resorts. As julle baat vind om lid te bly, of die oorde te besoek maak so.

Vergeet van die taal en kultuur kwessie. Ongelukkig deesdae in hierdie land, is daar nie meer plek vir die afrikaanse kultuur nie. Ons gaan dit lewendig hou in ons samesyn, waar ons kampeer, waar ons kuier met familie en vriende, maar ek twyfel of enige organisasie toegelaat gaan word om dit instand te hou nie.

Daar is belangriker kwessies om ons koppe oor te breek, soos kamp ek met 'n woonwa of in 'n tent.

Môre Wessel, jy stel dit 100% reg, die enigste entiteit wat nog op 'n manier kan bestaan is Orania, en dit is ook maar geisoleed.

Persoonlik het ek nie 'n probleem met ATKV as hulle engels ook aanvaar nie, dit is immers die algemene taal? Hulle kommunikeer in my taal met my, ek verkies dit so en sal ATKV voorkeur gee.

Ek het 'n kleintjie dood aan twee afrikaners wat engels sit en gesêls, met mekaar, net om gat te kruip by engels sprekende lede, soos wat op 'n ander forum gebeur.

Nou moet ek seker ook verduidelik, ek het engelse vriende, niks daarmee fout nie, maar ek weier om Piet in engels te antwoord net omdat Keith engels is en afrikaans magtig is.

Ek neem ook ook soms deel op die "ander" forum. As iemand 'n vraag in Engels vra - en ek reken dat ek dalk van hulp kan wees met 'n antwoord, dan antwoord ek in Engels. En as daar intussen 'n Afrikaans-sprekende aangesluit het by "gesprek", dan reageer ek steeds in Engels as op ek die oorspronklike insetsel (wat in Engels was) wil antwoord. Dit is wat my aanbetref nie gatkruip nie, maar blote bedagsaamheid. As ek wil antwoord op wat 'n Afrikaanse deelnemer gesê het, sal ek hom/haar in Afrikaans antwoord.