Dwarswegstrand bly maar lekker

nie eers aan die weer-faktor gedink 

Ek het ook nie daaraan gedink nie (dat dit moontlik afgestel kan word).  Mosselbaai omgewing is dan veronderstel om die beste klimaat in die land te hê. Ek moet sê; die tyd wat ons al daar deurgebring het ondersteun nie die hipotese nie. 

Ek sou daarvan gehou het om ook so n pansy op te getel het. Ek het hulle wel te koop gesien daar by die geskenk winkel in Hartenbos, maar is nie dieselfde as wat mens dit self opgetel het nie.

Ek moet sê, dit was nogal opwindend om die pansy te vind. Ek het dit per toeval gesien terwyl ek saam met die kinders op ‘n sandbank gespeel het. Salomien het daarna gesoek en ‘n totaal van nog vyf gekry. Ongelukkig het twee later gebreek toe dit op die handdoeke op die strand gelê het. 

Die Ranger was omtrent gelaai oppad terug. Al die vuil klere en wasgoed ingeprop tot teen die kappie se dak. Natuurlik ry mens vinniger sonder die wa, en dit het half vreemd gevoel. Ek het elke nou en dan vir Salomien gesê ek weet nie hoe vinnig ek mag ry nie, want as ek sleep ry ek nie vinniger as 100 GPS spoed nie. Ek het net nou en dan spoedbeheer gebruik op plat reguit stukke. Oppad daarheen het ek 7,46km/l gekry, en oppad terug 8,47km/l. Oor die relatiewe kort afstand het dit beteken daar was net so 5l diesel meer gebruik met die wa as daarsonder. 

Ek het vergeet om te noem dat ons oppad huis toe ‘n dwarswind gehad het van Mosselbaai tot by Swellendam, en van daar af tot by die huis die wind van voor. 

Dankie Geert. Ek het vir myself ‘n dagboek gestel op my foon, maar dis altyd goed as iemand help onthou. 

Twee soorte verligting:

• Ons plek vir Desember 2025 is bespreek
• My bankrekening is verlig van net minder as R8000 vir die 40% deposito 

Ek het ons datums ingesit en klokslag 09:00 geklik op Search. Net staanplek 30 (waar ons al twee keer gestaan het heel voor) en 31 was beskikbaar vir ons datums. Ek het 30 gekies en nadat ek my besonderhede ingevul het, het dit gelyk of die stelsel hang. Terwyl ek aanhou probeer, bel Salomien die oord en die dame sê sy probeer Semper (wat hulle stelsel hanteer) bel want sy dink daar is te veel mense op en daarom hang dit.
 

Salomien bel toe vir Semper en hulle skakel in op ons rekenaar met Anydesk. Dit blyk toe dat daar meer as een blad oopgemaak het omdat ek meer as een keer geklik het op Make reservation toe dit nie dadelik wou werk nie. Nadat hy die oortolliges toegemaak het werk dit en begin my maand met ‘n groot onbeplande uitgawe. 
 

Die kampering by Dwarswegstrand in Desember raak nou verskriklik duur. Maar waarvoor werk mens? Dis nou afgesien daarvan om al jou finansiële pligte na te kom. Hopelik leef ek lank genoeg om ook eendag buite seisoen te kan kampeer.

Ek glo nie die stelsel laat mens toe om meer as een staanplek op ‘n slag te bespreek nie. Jy sal eers een moet bespreek, jou besonderhede invul en betaal en dan weer begin met die volgende. Ons het op twee rekenaars en ‘n foon gelyk probeee maar net op die een tot by beskikbaarheid gevorder. 
 

Die nadeel van die nuwe manier van bespreek wat hulle sedert verlede jaar het (aanlyn met jou eie datums in teenstelling met per e-pos aansoek vir twee vasgestelde blokke datums) is dat jou datums met meer ander vakansiegangers se gekose datums kan oorvleuel. Dis seker hoekom daar net twee staanplekke vir my datums beskikbaar was al het ek dadelik toe besprekings oopmaak gesoek vir plek. 

Miskien môre net bel en seker maak jou bespreking is nog daar....ek weet nie wat het met stelsel gebeur nie.

Salomien het sommer dadelik gebel nadat my betaling deur is toe sê die dame ons bespreking lê daar op die stelsel.  

Daar is niks plek vir my datums nie. Daar is seker gate tussenin datums wat hulle wil vul. 

Ek het vanoggend ‘n e-pos gekry van die oord af wat my bespreking vir Desember 2025 bevestig. Daar was darem ‘n fout op die bevestiging wat ek verlede Saterdag gekry het - die totale koste is laer as wat dit getoon het. Die koste is R1205/aand.