Vervanging van pap band

...is 'n gesukkel vir oumense!!!

Ek het so 'n boks vol houtblokkies permanent agterop my Hilux. Ek het by die huis ge-oefen en gekyk presies waar om die domkrag te plaas. 

Ek het ook sekergemaak my blokkies en meganiese uitstoot[bottel] domkrag het ook voldoende slag om my Kavango met die trokkie wiele en bande, te kan oplig. Dit gaan 'n risiko takie wees langs die pad, as mens effe skuins [links na regs] gaan staan. Mens sal seker die hoekstutte moet inspan om bietjie stabiliteit te kry.

Ek stem Grootwind, daai wiele en bande het 'n ongemaklike gewig aan hulle. Ek gebruik egter maar net albei arms, dan is dit soveel makliker.  

Ek wonder net hoe kry die ouens dit op en af, wat dit bo op hulle dakrak bêre. Ek het al oorweeg om maar pak spasie agter op die bak in te boet, om die spaar daar te monteer.

Len. Vroër jare het ek vir vroulief in die garage laat oefen om ń wiel te ruil op destydse Discovery. Sy was seker so by 40 jaar oud, en kon dit alleen hanteer.

Tyd gaan verby nog 25 jaar, en nou kan ek  of sy, nie die Cruiser met die standaard domkrag oplig nie. Period. Die slinger draai is eenvoudig net te moeilik of amper onmoontlik.  Nou ry ek ń elketriese sker domkrag, 2 ton, saam. Een keer gebruik, en die kar was so laag, dat dit nie krag gehad het om op te lig nie. Tot die aansteker sok se sekering geblaas in die kar se boksie. Soos hulle sê, back to square one. Ek dink dat ń  wig onder die pap wiel opry, sal die probleem oplos.

Wat die swaar wiele optel..... Ons twee doen dit so half saam. Ek maak  seker dat die wielnaaf net mooi op die regte hoogte is om die veiling se gate  oor te stoot sonder om op te lig.

Magties, die was ń harde poging met my Afrikaanse woordeskat- tekortkominge.

Die maklikste manier om die spaarwiel op te sit en die gate te belyn is met ‘n hefboom. Toe ek toere gedoen het met vragmotors (wat baie groter en swaarder wiele het) het ek ‘n tyre lever soos die een hier onder gebruik as hefboom. 
 

Wat domkrag betref, koop eerder ‘n bottle jack met genoegsame reiklengte en ry ‘n houtblok saam vir ingeval. Onthou net dat voertuie voorgeskrewe domkragpunte het. Moet dit liewers nie op ander plekke probeer oplig nie. Die handleiding behoort te wys waar dit gelig mag word. 
 

Ek ry met ‘n paar blikke band seëlaar in my voertuie en dan het ook ‘n elektriese domkrag gekoop wat kar kan lig, bande pomp en ook die wielmoere kan los- en vasmaak. 

Die enigste uitdaging is nog die opsit van die nuwe band en dan om die band in die kar se boot te sit.  Bygese my voertuie se bande wissel tussen 18 duim, 20 duim en 22 duim.

...u grootse poging om suiwer afrikaaans te besig word met verwondering erken en in die annale opgeteken, let asb op die 2 "n" .

Ek hou van die wig idee onder die papwiel, om hoogte vir domkrag te kry.

so leer mens by almal!!!! Ek ry elkgeval 'n graaf saam, wat ek as hefboom kan gebruik. O gaats, dis net as ek oppad is met woonwa wat die graaf by is.

...jislaaik ou maat, loop jou voertuig nie baie skeef met die verskillende wielgroottes nie?? Het jy die groot wiele agter om afdraende effek te kry.??? Ag ek trek sommer jou siel, of is dit wiele, uitmekaar

Onthou tog om te noem waarmee sleep jy jou Exclusive.

................hierbo praat jy met my terwyl ek nog nie aan die gesprek deelgeneem het nie.  Nou sal ek julle maar wys dat as jy 'n Nissan ry het jy nie bottel-jack probleme nie.  Hieronder het my Pathfinder 'n papwiel in die Tankwa Karroo op 'n Sondag om 14:00 gekry waar daar geen selfoon sein is nie.  Die Pathie se standaard slinger-domkrag het die nodige gedoen.  Met die terugsit van die spaarband sit ek op my blaker en wikkel met my skoene onder die band in om dit op die regte hoogte te kry om die eerste wielmoer in te kry.

(Die toeskouer is 'n vriend met sy Prado in die agtergrond.)

Ek is al so gewoond dat die kar skeef loop dat dit my nie meer pla nie.  

Ek sleep deesdae meestal met ‘n Range Rover 5.0 Supercharged, maar maak ook nou en dan gebruik van ‘n Range Rover 4.2 Supercharged of ‘n Discovery 3 V8 - daarom die verwysing na die verskillende wielgroottes

Gebruik jou assuransie. Jy betaal daarvoor

Al gewonder oor                                             die opblaas seil sakdomkrag wat die 4x4 manne gebruik of dit sal werk op die karavaan. 

Het al oorweeg om een te koop maar nog nooit een gesien wat gebruik word nie behalwe in advertensies. 

Het ook 'n battery domkrag wat ek al eenkeer by die huis gebruik het wat wel gewerk het op die karavaan. 

So iets kan dalk werk om spaarwiel te skuif tot in posisie.

..... o so nê, nou verstaan ek ook

Ek vermoed hier gaan 'n paar manne wees wat se monde gaan kwyl oor jou 3 sleepvoertuie.

Een van die dae is die laairuim toegepak met hulpmiddels. Wig, lugsakke, 12v domkrag, wieltrollie, en moet nie die wielmoersleutel se stuk waterpyp vergeet vir die help losdraai. Die bandeplekke gebruik mos Gorillas om die wielmoere vas te draai.

Ek sien net een probleem. Waar gaan ek my Zimmerframe bêre as die al die pakspasie opgeneem is ?

....jy wil NIE hierbo tussen Sodom en Gamorra langs die pad sit en wag vir assuransie nie. Ek spuit liewer daai wiel vol "gatvol" 

Oulike stuk gereedskap, maar ek het nie nog plek om so iets ook saam te ry nie. Dan eerder Len se resep---sit op jou blaker en lig wiel met voete op. Ek kan al sien hoe oulike prentjie gaan dit maak as Marie die opsit werkie doen.

So gepraat van jacks wat nie pas nie. Ons het eendag vriende gehelp met karavaan se pap wiel. Met pap wiel was karavaan te laag om bottle jack onder as in te kry....gelukkig het ek n scissor jack gehad wat gemaklik onder in pas.