Maurits in Kruger 2025

Maurits het 'n klompie foto's van hul oornagplek (Waschbank) gestuur.

Wessel Steenbokkie is omtrent 7 km uit. 800m is Karoo grondpad, kliphard en geen probleem nie. Ek stem saam dat Karoo park is n besondere park,  maar ek en Martie probeer sover ons kan nuwe plekke besoek. Steenbokkie kos R300 per nag en ek beveel dit regtig aan . Vergeet van die Oranje, hierdie plek is die moeitie werd. Ek sal more nog inligting plaas

Steenbokkie is lekker vir 'n vinnige oornag. Gerieflik en vinnig in en uit.   

Steenbokkie is n goeie kamp vir een of twee nagte oorstaan. Die ablusie is nie op dieselfde standaard as Karoo park nie, maar regtig niks om te klae nie. Lekker staanplek met braaidromme en onder bome. Maurits

Maurits het nog 'n klompie foto's gestuur. Hy kan self kommentaar lewer. Ek onthou dat Lapskag ook vol lof vir Waschbank was toe hulle destyds van Bloemfontein af daar oorgebly het vir hul "deelname" aan die Herfsblaar-saamtrek in Karoo Nas Park.

Dankie Chris. Ons vertrek more hiervan en dan 5 Mei  in die wildtuin in. Ek gaan Chris laat rus want ek dink julle ken Kroonstad en Middelburg waar ons voor die tyd gaan oornag. Waschbank is n plek wat ek kan aanbeveel. Lieflike restourant waar jy ontbyt of aandete kan geniet. Kamer verblyf of n lodge is beskikbaar. Hulle het n spesiale ontbyt vir Chris

Hulle het n spesiale ontbyt vir Chris

Wat sou dit wees? 

Wessel on gaan die nag staan by Jukskeipark. Die eienaar bly blykbaar ook in die park.Maurits

Washbank is 'n lekker klein en redelik stil oord. Daar was so 10 staanplekke asook die Lodge op 'n plaas geleë met gemengde boerdery en ook aartappels. Dit is net die 1 of 2 staanplekke wat baie laag was met al die ander so effens hoër, maar wel veilig volgens my. Regtig 'n plekkie om te besoek om rustig, stil te wees en niks te doen nie. 

... stuur vandag vir my die volgende twee foto's aan van sy kosmaak "skills" by Afsaal vanoggend. Ek kan nie wag vir sy lekker "brunch" hier in Krokodilbrug nie. Kyk net daai erns op die gesig om nie vroulief se kos te verbrand nie.

Maar dit lyk of Martie heel ingenome is met die brekfis wat die sjef vir haar voorgesit het.

Vandag baie lekker dag gehad met onder andere my kwota renosters ook. Lekker galjoen gebraai met Wessel wat kom inloer. Hy het amper n stukkie geproe . Ek sal vir Chris vra om n foto te plaas Ek gaan dit binnekort self aanleer. Maurits

Ek is bly dat ek nie die enigste een is wat as simpel gebrandmerk word omdat ek vis braai in die wildtuin nie. 

Mooi so Maurits. Ons Kaapse visliefhebbers kan mos maar ons ding doen.

In watter boek staan dit dat jy nie mag vis braai in die bosveld nie, party mense braai dan net rooivleis by die see. Gaan groot en geniet daai vissie

Maurits stuur gisteraand vir my die onderstaande foto.

Dit is van 'n jong katjie wat saans, terwyl hulle braai, op hul grondnet met die toue kom speel het. Hulle het hom na die kantoor geneem en daar word vermoed dit is 'n kruising tussen 'n mak kat en 'n vaalboskat.

Ons het tydens ons 7-nagte verblyf in Karoo Nas Park besoek gehad van 'n swart en wit huiskat en gewonder hoe dié daar gekom het.

By watter kamp is hierdie kat?