Klaar opgeslaan by Kokoriba vir die lang naweek. Oord is stampvol
Geniet dit Geert.
Nog een van die oorde op my emmerskoplysie. Maar dan moet die emerskoppery nie té gou opdaag nie.
Lekker kamp Geert en hoop…
Lekker kamp Geert en hoop vir lekker weer.
Geert...
...na aanleiding van foto van grondpad en waarsku bord, mag mens met eie voertuig op 'n wildrit gaan??
Is daar wild, en is Kokoriba 'n alternatief vir Pilanesberg.??
Kan jy glo, ek het nog net 1 keer by Dube gaan kamp, en by geen ander plek rondom Brits nie.
Wessel - wildsbesigtiging
Nee, Wessel, jy mag nie met eie voertuig wildsbesigtiging doen nie. Vroeer het hulle golf karretjies gehad, maar sien dis nou vervang met klein Suzuki karretjies. Ons wou gister middag een huur, maar was reeds vol bespreek gewees. Ons wil kyk of ons vandag geleentheid kan kry.
Dis beslis nie vervanging van Pilanesberg nie....hierdie is meer soos Dube, ook nie baie groot nie, maar baie mooi veld
Oorkant die Thabazimbi pad is Bush n Buck....ook n baie lekker oord met wild
Wildritte
Dankie Geert, dis hoe ek die situasie onthou het.
Ek sal dan maar eerder weer Pilanesberg toe gaan, al is Manyane nie vergelykbaar met Kokoriba se vele netjiese geriewe nie. Ons verkies om eerder 4-5 ure per dag in die veld rond te kruie agter diere aan.
Ek ken die plek!!
Terwyl ons in Buffelspoort gewoon het het ons 'n paar maal daar gaan kamp-maak en dit vreeslik geniet. Ek onthou die eerste keer - ons het nie geweet hoe dit daar werk nie, en dan ook nie ons fietse saamgeneem nie. Daar gekom het ons verneem dat mens in die veld met wild mag gaan fietsry. Daar was fietse te huur, wat ons dan ook gedoen het. Ons het heelwat boksoorte gesien en dan ook 'n ou kameelperdbul wat nie baie ingenome met ons was nie. Die groot pret was egter om die dik sand op die paaie te trotseer....
Die tye wanneer ons daar was was daar baie minder kampeerders wat dit 'n lekker boservaring gemaak het.
Geniet julle kuier.
Staanplek
Lekker staanplek teen die bosse gekry