Ons het besluit om eerder na Pilansberg te gaan, as Kruger toe. Bloot omdat dit slegs 100km van ons paleisie is. Ons is daar bespreek van 25 tot 31 Julie, in Manyane. Hopenlik is die gedrang van die skoolvakansie dan verby.
Die idee is dan om in Augustus na Marakele by Thabazimbi, ook te gaan vir 'n week. As Manyane kampterrein/ablusie egter in goeie werkende toestand is, kan die Marakele idee verruil word vir nog 'n Manyane besoek. Daar is net meer paaie [4x2] en wild in Pilansberg, as in Marakele.
27 Julie
Vanoggend 'n lang [tyd] rit gedoen. Sjoe, die wild is skaars, en die paaie grof klipperig. Nog die die wegkruip buffels gekry nie, maar wel die troppie Springbokke. Ongelukkig vêrkyker afstand. Die natuurskoon bly maar mooi
Op 'n laagwaterbruggie tref ons 'n gelukkie, twee likkewane.
Dan natuurlik word kamera se papperye pap op die kritiese oomblik. Sit die luiperd en poseer reg langs die pad. Gryp kamera, kry 1 foto geneem, en ta stap verbete.Nou word leesbrille gesoek om batterye te ruil, en so loop die ou maar uit die pad uit.
Nie een dink daaraan om met foon af te neem nie.
27 Julie namiddag
Ons het so altyd ons namiddag kort rit gaan ry, wat toe tydgewys lank word. Selde wat mens klein seekoeitjie op land sien
Die geluk was aan ons kant vandag. Ons het lanklaas in enige wildtuin 2 keer luiperds op een dag gekry. By die ene 'n halfuur gesit en kyk hoe hy bekruip en "leopard crawl".
Hierdie ene was op die Tshepe pad, tussen Kwamaritan en Mankwe dam. Vanoggens se ene was tussen Mankwe dam en die dam wes van Mankwe.
Almal saam:....
Aaaag moeder! Die klein seekoeitjie is sowaar nog piepklein, duidelik baie vaak en niks geïnteresseerd in die harde grasse nie. Julle was gelukkig om dit so te sien.
Verder ook geen diere-droogte nie. Dankie vir foto's en vertellings. Kuier lekker verder.
28 Julie
Nog 'n lekker dag in die park. Die weer is heerlik, sonnig maar nie warm nie. Vroegoggeng[ 06h00] koud.
Amper 'n dierelose rit gehad. As mens hier nie met elke rit 6 renosters sien nie, moet jy 'n bril kry. So het ons ongeveer 8 vretende leeus gekry. Die mannetjies was al knuppeldik, en het bene na bo in koelte gerus. Kon darem 'n foto of 2 van wyfis kry. diekleintjies het agter die ribbekas van prooi weggekruip.
Ons sukkel nog om sandvlooie te sien
Lyk kompleet soos…
Lyk kompleet soos steenbokkies - maar 3 bymekaar is seker baie raar.
Die bokkies
Ek het ook aanvanklik gedink dis Steenbokkies, maar soos Chris noem, ken ek ook nie drie bymekaar nie. In elk geval Wessel, baie dankie dat jy jou laphoedjie ingespan het om die luiperd te verjaag Mens moet mos maar kant kies. Môre is die luiperd op sy eie weer 'n pragtige dier.
Stiller met hoër tarief?
Hi Wessel. Is park volgens jou stiller as normaal weens hoër tariewe?
Sal graag weer daar vir klompie dae wil kampeer
stil park
Geert, soos genoem, Manyane kampterrein is leeg. Ons is tans 3 woonwaens. Ek weet nie hoeveel chalets beset is nie.
Die verkeer in die wldtuin is ook minder. Opvallend is die minder toeriste trokkies. Ek vermoed die tariewe speel 'n rol. Sondag het ons seker 5 diplomatieke voertuie gekry, duidelik buitelanders, dalk verbonde aan ambasades.
Ons het Saterdag ingekom, en toe was hier 5 meer waens in die woonwapark. Agt waens oor 'n naweek is leeg.
As mens nie wildtuin as attraksie reken nie, bied Manyane mos nie veel ander vermaak nie.
Daai bokkies....
...vergelyk goed met Steenbokkie fotos op internet. Die Oribi het meer wit by boude en sy stertjie is pikswart.
Daai bokkies....
Hallo almal.
Dit kan nie Rassie se bokkies wees....
Dankie Wessel. Gaan die ark een keer probeer.
29 Julie
Vandag was ook 'n lekker dag, tot die paaie raak al hoe lekkerder, ou Grompie stap rustig deur alles, nog nie eers ewenaar gesluit nie.
tot Cheetah gekry, weliswaar vêr, maar binne zoom bereik. fotos kon beter gewees het, was teen die son.
Klomp langnekke se tak vergadering onderbreek
Weer van daai besonderse bokkies gekry. spesiaal vir Herman en kie die stert kant afgeneem. Geen prominente swart stertjie te siene nie, dus "your honour" 'n steenbokkie moet dit wees, en nie 'n Oribi nie.
2de ablusie
Wessel....is 2de ablusie die laaste sirkel?
As jy praat van so min kampeerders wonder ek hoe hulle dit finansieel maak....krag, water, salarisse, onderhoud.
Het jy darem n moeilike staanplek gekies dat jy jou movers moes gebruik om jouself in te wurg?
Geert....
...ek sal bevestig by watter ablusie ons staan, ek dink dis B. Dit is die 2de laaste ene soos mens inbeweeg. Die laaste sirkel se ablusie is reg agter die afgebrande restourant. Die klein swembadjie en speelplek is naby dit.
By elke ablusie is halwe werk. Byvoorbeeld by B is hulle besig om opwasplek [skottelgoed en klere] se pype te vervang. Dit lyk of hulle stukstuk werk, of dat geld klaar is.
Ek het ewe windgat neus 1ste ingetrek, om wa se rugkant Noord-Wes te plaas. Ek kan mos nou wa met movers omdraai. Dit lyk egter of ek sommer kan hak, uitry deur gemeenskaplike strook om ablusie, en dan deur 'n ander staanplek pad toe.
Ablusie nommers
Geert, die ene wat in heel laaste ry is, dit is agter die restourant, is C.
Ons staan nou by B.
Daar is ook 'n klein ablusie, soos kamp inry, vir die tentstaanplekke, nommer D.
Wessel ...
... dit wat jy hierbo vertel (tariewe om die wildtuin te besoek, die semi-permanente inwoners se gedrag en die toestand van die paaie) sterk my nog meer in my aversie in Pilanesberg. Ek weet dit is lekker naby aan jou, maar ... Dit klink nog te meer nie na my tipe bestemming nie. Nietemin - geniet die wegbreek.