Flop kampervarings

... dat ek al self 'n noemenswaardige kampflop oorgekom het nie. Ek herinner my wel aan 'n voorval in my kinderjare.

Ons het gewoonlik tydens die Desember skoolvakansie in Hermanus by Die Mond gaan kamp. Ons het met twee tente gekamp - 'n groter groene en 'n kleiner witte. Die groen tent was my ouers se slaapplek en ook kombuis. Ons kinders het in die kleiner wit tent geslaap.

Beide tente was nog die ou huis-vorm tente met 'n lang nokpaal wat op beide ente deur vertikale pale ondersteun is. Vir dié lang houtpale se vervoer was daar 'n "carrier" op die Zephyr se dak.

Een jaar, toe ons op Hernanus aankom, word daar ontdek dat ons nie die groot tent se pale op die "carrier" gesit het nie. Ons tuisdorp, Tulbagh, is nie net 'n hanetreetjie van Hernanus af nie. Maar nietemin was daar nie 'n ander keuse as om terug te ry om die pale te gaan haal nie. Ons was eers donkeraand terug op Hermanus.

En ek het gedink probleme kom in 3e.  Sewe agter mekaar is darem teespoed op sy beste, sal my na drank dryf.

Ek het een keer baie jare gelede nie die kragprop uitgetrek nadat afgehaak is nie....Nooit weer dieselfde fout herhaal nie.....

Naand vriende

Wees tog versigtig met afhak en effense afdraende na agter. 

So sleep ek in op Balule, kry effe ongelyk staanplek, maar dis mos teen die draad, dus is dit prima. Trek eers wa op die wig met die bakkie, en begin afhak, trek handrem op en klippe agter wiele. 

Met die dat hak loskom, loop die wa agteruit en trek daai kabel snaarstyf. Geen speling om af te haal nie. Nou tel ek die wa se hak op met die neuswiel, sodat bakkie se bal onderin kan gaan. Nou met 'n handrat en koppelaar moet ek terugstoot sonder om te stamp, net om kabel te ontspan. Wel, ek het dit reggekry, maar paar struike het gevrek van my geswets..

Tot groot verleentheid die volgende;

staan in Satara, en ontmoet Chris B die eerste keer. So kom hy help die oggend met my aanhak om te vertrek. Teen die tyd het my hand-slinger neuswiel se draad ge-"strip" en wil nie die wa optel nie. Slim Jan het mos 'n elektriese neuswiel ook, so ek sit dit in. Nou wil ek met die elektriese neuswiel die wa nader bring tot oor die hak. Wil nie werk nie, wiel draai net in grond en wa staan stil. Dom Strydom het nooit die wa se handrem laat skiet nie. Ek hoop maar tot vandag toe dat Chris B nie my blaps gesien het of onthou nie. 

Môre vriende

Ek het in 1995 my eerste wa nuut gekoop, 'n Fleetline XL. Met ons 2de vakansie gaan ons wildtuin toe, saam met vriende. 

So kom ons in Skukuza aan, en tipies met van 'n gesin met klein kindertjies, wil mammie so naby moontlik aan die ablusieblok wees. Ek wil so 'n mooi wye draai maak om my staan te kry. Ek haal aan, en begin om 'n links draai te maak, en ek hoor 'n onderaardse geluid. Klim uit, en wat sien ek, ek het my splinternuwe Fleetline se regterkant teen 'n braaier oopgesny. 

Soos die kar gestaan het met die draaislag, kon ek nie die braaier in die regter spieel sien nie. Die skottelskaar sny deur die dun buitewand, deur die isolasie tot teen die binnekant se hout. Seker 'n snit van omtrent 'n meter.

Daardie dag het ek geleer dat almal uitklim, almal help kyk terwyl ek die wa regtrek/stoot op 'n staanplek. Mens moet sekermaak waar elke boom, paaltjie, braaier, kraan en gevaar is.  

Ek was laasjaar genooi om n naweek by n oord gratis by te woon....met paar ander verpligtinge. Dit was nice van oord, maar toe ek agteruit stoot, ry ek in n boom vas....skade toe amper R7000. So die "gratis" naweek het toe n duur naweek uitgedraai.

Waar ek lekker bollie gevoel het was by Dolphin. Ek het pas my nuwe movers op my vorige karavaan gesit. Ek en my kampbure het nog gesels die vorige nag oor die gerief daarvan. Die volgende oggend toe ons vertrek, wou ek so bietjie brag met die movers, want daar staan toe 3 ouens wat wou sien hoe mover werk....ek parkeer ekstra ver weg dat ek verder met mover moet ry. Maar die movers sukkel.....karavaan wil nie draai nie, ouens help my toe om aann trekhaak te trek net om karavaan dwars te kry. Toe hy eers dwars is met hengse gesukkel wil hy skaars voorentoe. Weereens span die manne hul kragte in om die karavaan vorentoe te kry tot op haak. Toe ek die karavaan gehaak het, kom ek agter dat handrem al die pad nog op is. Dis eintlik so n eenvoudige fout wat ek gemaak het, maar ek het so stupid gevoel 

Idee was om gou die wa uit te sleep Ronwil toe by Warmbad, so gesê so gedaan, daar aangekom,alleen, trek in op staanplek wat ietwat van 'n helling het en het kombinasie ook na links gedraai en gestop.Tel woonwa( Sunway) met neuswiel op(trek nie handrem op) maar wa kom nie los van kar se hak agv die steiltetjie,klim in die kar en sit hom in trurat(outomaties) en raai wat, wa kom los en begin pad vat, ek spring uit en hardloop wa in,trek handrem op  en toe is die kar op my,ek spring oor die disselboom en kar loop langs die disselboom af tot binne in voorste sitbank. Kar(270 cdi MB) lig kapoet,buffer gekrap en wa nie meer waterdig en het klein deurtjie aan voorkant

....aan die bal??? Nou moet die tegniese manne help hiermee.

Ek lees Hein se verhaal, en besef dat ek ook menigmaal sukkel om die 2 van mekaar los te kry. As alles blykbaar nie redelik inlyn is nie, sukkel ek ook. 

Wat moet mens doen, die wa se klou heen en weer draai, terwyl mens die wa lig met die neuswiel, OF moet die wa of die voertuig vorentoe en agtertoe "gewikkel word.

Soms is dit so erg dat ek bakkie saam met wa oplig. 

Ons kamp in Salt Rock op die onderste terras en dit is die eerste keer dat ek die movers gebruik. Hak die wa af en gebruik die movers om die wa op sy plek te kry. Teen hierdie tyd was die bank aan die bokant vol mense wat na die gedoente kyk. 

Mooi klaar en wil die tent inryg toe ek agterkom dat die deur aan die verkeerde kant is. Met rooi gesig en Elmarie wat nie kan ophou lag nie die wa omgedraai.  Toe  sê een van agies nogal dankie vir die "entertainment".

Net so gesukkel by my , dit voel asof dit om de vrek nie gaan loskom nie. Lig die gatkant van die kar net so hoog soos n Toyota HiLux sin op, maar niks gebeur nie.

Naand vriend

Nou het ek gehoop jy sal met 'n logiese praktiese oplossing vorendag kom. 

Ek wonder of die tong in die klou vasbyt onder die ring [gleuf], keep in die bal se onderkant. Ek is net bekommerd dat mens 'n neuswiel se draad kan opfoeter met daai gewig se optel.  

Ek het al oorweeg om bietjie ghries/vaseline aan te smeer. 

....maar ketting-olie aan my bal spuit. 

Dankie Len, jy's reg dit gebeur altyd wanneer die wa agtertoe wil neig. Dit sal makliker wees om Grompie effe terug te trek, as om wa met die hand vorentoe te trek.

Dalk moet ek 2 handvatsels agter aan Grompie monteer, dan kan Marie die neuswiel slinger draai en ek kan die bakkie rondpluk. Wel, sy kan die swaarste takie doen van die twee  

Dankie Len vir die reghelp. ek wou nog vra of dit klere vlek.

Hoe lekker lag ek nou vir julle strontery.

Dit gebeur as die wa se sleepstang (dis nou die deel wat vorentoe en agtertoe kan beweeg en die rem aktiveer wanneer dit agtertoe beweeg) tot heel voor uitgetrek is. Dan haak die koppelstuk van die wa se vroulike gedeelte aan die onderkant van die sleepvoertuig se bal (toevallig die manlike gedeelte in die geval) vas en kan nie daarvan afgly nie. Die vashaak vind aan die voorkant (sleepvoertuig se kant) van die bal plaas. 
 

As die wa se sleepstang nie al die pad vorentoe uitgetrek is nie, kan mens die effense beweging daarvan vorentoe waarneem soos wat jy die neuswiel se slinger draai en die koppelstuk oplig. Onthou, as jy die wa se koppelstuk se handvatsel optrek om dit te ontsluit, trek jy die gedeelte wat dit ontsluit op aan die agterkant van die bal. Dis waar die gedeelte is wat oplig - binne aan die agterkant van die vroulike gedeelte op die wa se koppelstuk. Al wat dit dan kan vashou is as die wa se koppelstuk nie vorentoe kan beweeg om van die bal af los te kom nie. 
 

Dit gebeur gewoonlik as die laaste beweging om jou wa in plek te kry op die staanplek vorentoe was, en die staanplek nie skuins genoeg is om jou wa effens te laat vorentoe loop nie. Mens ry mos nie dan vinnig genoeg dat die stilhou die wa se sleepstang terugdruk nie. Stoot dus maar bietjie terug, sommer met ‘n klip agter die wa se wiel om dit in plek te hou waar jy dit staan gemaak het (myne se handrem werk nie agtertoe nie - ons het al daardie debat gehad op die forum). Dan haak die wa maklik en glad af sonder om die bal te bespuit.