Strydoms se SANPARKE toer

Môre Chris, as ek dit met besemstok vasstamp, seker so 80l, volgens boekie. Dit gee so onder ideale omstandighede 720km met Kavango. Ek hou nie daarvan om kanse te vat met min diesel nie. 

Die kanne ry altyd saam, permanent gemonteer, ek kan dit vir sulke gevalle netsowel vol maak. Ek het nog 2 kanne wat regsvoor langs die neuskas inpas. Hulle het tans plek gemaak vir nog 'n normale "koskas"

Het vandag op aandrang van my universiteitsvriend, 'n tuit gaan koop wat op my metaal Jerrykanne pas. Dit knip net so vas, as wat die deksel oor die bek knip. Sommer by kooperasie gekoop. Dit behoort beter te werk as 'n los tregter wat deur 2de persoon vasgehou word.

Ook 'n kort elektriese verlenging opgemaak om by die buite kombuiskas te gebruik. Die kragprop sit heelbo in kas, waar Marie nie kan bykom nie. Nou kan die 1m koord sommer permanent ingeprop bly.

Soos Len uitsien en regmaak vir sy uittog Kruger toe, sien ons uit na die 3 onbekende Sanparke oorde.  

....sien uit na saamkuier. Ek sal slukkie mampoer vat, maar onthou---daar is niks fout met my pompie [water] nie. 

Ek bring dan 'n bottel Muratie PinotNoir, vir balans. Die nou ablusieblok toe

Nog 'n groot taak afgehandel, die bespreking vir oorslaap by Aldam oord. Sjoe mense, dit raak duur om te kampeer. Die aand kos my 'n volle R205 vir ons 2 grootmense.

Seg die dame vir my----nr58 is beskikbaar, asof die hele oord nie elkgeval leeg gaan wees nie. Ons hou van nr58, langs ablusieblok en tot ek kan woonwa agteruit daar in rangeer. Net reg vir vertrek volgende oggend.

....so daar is darem 'n geldjie oor vir paar biere en 'n roomys in die park??

Ek deel sommer so bietjie vooraf nuttelose info, ons tyd vir vêr sleep en kampeer kom vinnig nader.

As ek die hoofroete afstande neem, van huis tot terug, sal dit ongeveer 2521km wees. Dan kom daarby 19.5 dae in wildtuine se ry, van ongeveer 100km/dag, 2000km. Totaal is dan 4521km, teen gemiddeld 9km/l en R25/l wat my R12558 vir diesel gaan kos.

Daarby gevoeg kom die kampeerplek koste vir 23 aande, R6616 in totaal.

Ete uitgawes laat ek altyd buite rekening, want ons eet elkgeval by die huis ook maar. National Luna is waterpas staangemaak, en vleis aankope is halfpad gedoen. Van die aankope word spesiaal in die korrekte porsies vakuum verpak, en dit kry ek volgende week.

Wel, soms dink ek my kop raas, as ek na die koste omvang kyk.

Tog, 'n vriend van my sleep die naweek Khutse toe met sy splinternuwe boswa. Hy maak gereed om 200l diesel en 150l water saam te karwei, want die onsekerheid bestaan of daar ooit diesel beskikbaar gaan wees by die afgelëe vulstasies.

....vanoggend se patrollie is juis Impala toe. Daar moet so bietjie ontbyt vleiskosse aangekoop word. Hulle maak die lekkerste hamburger patties, wat eiers mooi komplimenteer. 

Ek sukkel om by die koekie rak, sonder interaksie verby te loop.

Dis net jammer dat die slaghuis effe fokus op grootmaat aankope, en die pryse het aan die duur kant geword. Kwaliteit is egter steeds hoog.  

....so gemaak, soos jy so mooi gevra het.

Volgende week Donderdag word Kavango uit sy beskermende oortreksels gehaal, en voor huisie parkeer. Blykbaar is my 1ste taak om dit te stofsuig. Daarna mag ek loer of die dak skoongenoeg is.

Teen Saterdagmiddag wil ek klaar gepak wees aan die Kavango en Grompie, wat verkeerdom in garage gepak staan. Sondagoggend is dan net die groot pakkery aan beterhelfte se laaste goedjies.

Grompie se bande word gedurende week gepomp, en diesel ingegooi, Sondag word net gou gestop om die wa se bande te pomp. Dan is dit ek, my laphoedjie en JHB se hopenlik stiller verkeer. Die vlinders bedaar darem as ek by Gordonweg op N1 klim.    

...dankie ek sal uitstel tot laat volgende week, skoon vergeet dat prys afkom. Dalk maak dit my totale dieselkoste bietjie minder