Januarie 2025

....gaan vroeg vroeg na Mnr Boucher!!!

Gelukkig is dit 'n wisseltrofee, en kan moontlik binnekort na iemand anders gaan.

Ja Meneer Boucher....minstens bly my trokkie op sy wiele om draaie met die regte kant bo, elke keer....

... as dit 'n amptelike persverklaring deur Sanparks is. Ek het dit maar net oorgedra.

....ook nounet ontvang van Sanparke af.

Die Dakar Toyotas en Fords en Minis en al die ander is dit lyk my die hoofligte en badge wat dit laat uitken. Maar ek glo die enjin in die Ford, kom hopelik uit hulle stal?? Sal darem naar wees as dit ń Lexus  enjin is 

Dan glo neef dit is maar soos by F1 waar die Ferrari en Mercedes en McLaren  ook net die naam dra maar effe verwyderd van die pad modelle. Het ek  verkeerd gehoor van ń Caddilac masjien?

Soos genoem, die navorsing en tyd, kom tog deur na ons rygoed. Ek het twee motorfietse in my tyd gehad wat sowat 80% Dakar spec was. ń Cagiva Lucky Explorer wat ń 750cc Ducatti Super Sport enjin gehad het met Ohlins Gold suspensie en Brembo remstelsel. Dit was ń ongelooflike fiets. Jy moes egter vinnig ry om die nut van die te ervaar.

Ander een was KTM se 950. Vir die Dakar ontwikkel. Ek het een van die eerste klompie wat ingevoer is op bestelling gehad. Die was ook sowat 80% Dakar DNA. Ongelooflike dierasie. 

Na Fabritsio Mioni die Dakar in die KTM gewen het, is die reels verander na kleiner enjins. Ironies genoeg ontwikkel die ligter 450cc enjins van nou, met die ligter rame, kleiner brandstoftenks, genoeg krag om amper dieselfde top spoed te kan beryk.

Die Classics kry net te min screen tyd, magties dit lyk na pure pret. Daar is ń hele paar van die Audi Quatro replikas wat in Nederkand gebou word die jaar. Wat van die twee dames in ń antieke Citroën 2 CV vol blomme geverf!!! 

...of dan deesdae ArcellorMittal is ook op sy kniege. Ek lees vanoggend in die Daily Maverick hoe die jaar lange gestoei met die tersaaklike regerings amptenary, op niks uitgeloop het. In so 'n mate dat die betrokke persone nie eers opdaag vir vergaderings wat hulle aangevra het met AM nie.

Nou is daar afleggings ter sprake en toemaak van aanlegte. 

Soos die een kommentaar was, nou gaan regering ingryp, moontlik met Chinese hulp in agtergrond. AM het blykbaar verlore stryd gestry teen goedkoop invoere van hoofsaaklik China 

Het Accelormittal nie Indiese konneksies nie?  Nou wonder ek hoe werk Brics as een partner ń ander benadeel.  Wat wel seker ń faktor is, en dit is bloot hoorsê, dat Van der Bijlpark omtrent net Re barr maak, en dan  aan die plaaslike industrie voorsien. Intussen het Re barr, ingevoer van China, goedkoper op die rak gekom. Gevolg.....

Nou as jy in konstruksie nie onderhandel en aankoop teen die beste prys nie, sien jy jou gat want jou opposisie sal virseker. En so verkrummel die koekie. En die motorbedryf. Wat volg daarna?? 

Wys jou net huidige regering nie ingevoel wat innie land aangaan nie maar ingevoel om geld te mors

Hierdie is nou 'n groot gatslag vir Carlos Sianz Sr en Ford.

"The roll cage viewed to be too badly damaged by the impact of his crash to ensure its effective operation and thus safety. 

A statement from Ford confirms that: "Due to the damage sustained to the safety cage of vehicle No. 225 during the accident in the first part of the 48-hour stage of the 2025 Dakar Rally, in accordance with FIA regulations, it has been decided to withdraw the vehicle.""
 

Boonop het Giniel de Villiers 'n kop aan kop botsing met sy een spanmaat gehad, kos hom iets soos 2+ ure en boonop moes hulle dele van die ander Toy betrokke "leen" om voort te gaan, die ander ou het agv dit iets soos 8 ure verloor. 

hier gaan ek niks oor die onderwerp kwytraak nie, behalwe, hoe kry 2 proffessionele tydrenjaers dit reg om te bots??

ArcelorMittal het destyds ontstaan nadat die ou Yskor (wat 'n staats onderneming was) geprivatiseer het, dink dit was rondom min of meer dieselfde tyd wat Sasol ook geprivatiseer het. Sasol was ietwat van 'n sukses storie na privatisering, Yskor minder so. Ene meneer Lakshmi Mittal (ja, hy is Indies, en besit een van die grootste staal vervaardigings besighede ter wereld) het die ou Yskor, toe bekend as Ispat Iscor, teen wat eintlik maar die winskopie van die eeu was gekoop...die gevolge destyds was 'n gatslag vir die Vaaldriehoek met duisende mense wat toe reeds hulle werk verloor het...Yskor was sekerlik die grootste werkgewer in daai geweste, ek is 'n oud-Vanderbijlparker, daar gebore en ook skool daar klaargemaak (1974). Vanderbijlpark was op daardie stadium sekerlik een van die ryker dorpe in die land, nie net was die groter Vaaldriehoek die tuiste van Yskor en Sasol 1 nie, maar ook honderde steun en parallelle nywerhede. Met die eerste klomp groot afleggings destyds by die ou Yskor het 'n "vriendelike" tannie, ene Marietjie Prinsloo met haar Krion Ponzi skema duisende mense se pakket uitbetalings "belê", die tante en haar meelopers het tronkstraf gekry (Marietjie vir 25 jaar), maar die mense wat dom genoeg was om haar te glo is hulle geld kwyt en is vandag nog in armoede gedompel. Hierdie is net ter agtergrond.

Met die nuutste rondte afleggings is dit sekerlik die finale spyker in die plaaslike staal vervaardigings bedryf se doods kis. Die Saldanha aanleg het reeds 'n klompie jare gelede gesluit, noudat die Newcastle aanleg en die Vereeniging aanleg (vroeër bekend as Usko- terloops 'n vorige hoofbestuurder van hierdie aanleg het vir etlike jare elke jaar Junie/Julie langs ons gekamp op Scottburgh) gesluit word, bly basies net die Vanderbijlpark werke oor en die produseer 'n geruime tyd al bitter min. Die groot verlies vir die land is dat sg. lang produkte (soos staal profiele en spoorstawe)  nie meer plaaslik vervaardig sal word nie, en ons sal nou afhanklik wees van ingevoerde Sjinese produckte wat van 'n swakker gehalte is. Hou maar die media dop, ons is vinnig op pad na dieselfde verhaal wat die plaaslike motor bedryf aanbetref. Ek het dit al voorheen genoem, maar ek probeer sover moontlik om Sjinese produkte te vermy en ondersteun eerder plaaslik vervaardigde produkte, sal eerder effe meer betaal en plaaslik ondersteun. Ek dink nie mense besef wat die gevolg is van die sluiting van lang produkte nie, geen plaaslike produkte meer soos bv. spoorstawe, staal profiele (hoekyster, "flat bar", round bar", venster raam profiele, "rebar"), ens. ens. Vir 'n volledige lys kyk na hulle webblad.

Rou produkte word uitgevoer en dit wat daarvan gemaak word weer ingevoer. Ek verstaan dit is wat gebeur met die yster erts. Saldanha se aanleg staan stil, maar die trein loop steeds met die erts - net na die hawe toe. En ons koop die yster by die Sjinese. 

Dankie Grootwind dit is nou raak inligting. En skuus dat ek "rebar" so sleg spel!! My kop is niks lekker nie.

Ek was in Vanderbijlpark op laerskool tot St 2 ,Totius. Pa het by Yskor gewerk. Daarna by die vlekvrye staal fabrieke in Middelburg. 

Self het ek ook ń draai daar gemaak na in 1975 na matriek voordat ek weermag toe is in. Hulle het na aanlegtoetse besluit dat Metalurgie net die beroep vir my was. Was amper dood in die vasgekeerde laboratorium omgewing, en die verskriklike oorskryf van al die data wat versamel was deur die verskillende afdelings. Daar het ons oa die kristalstruktuur mikroskopies van staal bekyk.  Spoorstaal en pantserstaal etc het uiteenlopende karakters wat maar onbekend is met komplekse chemie daar agter.

Klein wereld Neef! Ek was van Gr1 tot Gr5 (1963 - 1969) by Laerskool Oospark, en daarna van Std 6 tot Matriek by HTS Carel de Wet (1970 - 1974) waarna ek eers PUK  toe is. Na diensplig (by 1 Sein, Heidelberg en 2 Sein, Pta) het die uwe einde 1982 getrou en Centurion toe getrek waar ons steeds is. My oorlede Pa was destyds tot en met sy aftrede by Vekor (destyds deel van Dorbyl) net oorkant die pad van die Yskor werke. En dis my verkorte lewens geskiedenis

Ek gebruik ‘n Trailercuff om die karavaan aan my sleepvoertuig vas te sluit wanneer ek reis.  

Die voordeel van die Trailercuff is dat dit ook gebruik kan word wanneer die karavaan afgehaak is om dit moeiliker te maak dat iemand die karavaan net kan haak. 

Hier is ‘n foto van die Trailercuff

N bekende op baie forums en radio man groot kamper is gister oorlede ou Noddy jy rus nou