Hallo alle forumlede

Baie welkom hier, gesels lekker saam.

Hallo Phillip en Marlene.  Baie welkom !  Dankie dat jy kom inloer en groet Phillip   Ons hoop jy gaan sommer nog lekker hier saam kuier en gesels.

Vertel gerus meer van julle 

Hi Philip & Marlene (en sommer ook die 2 kleingoed). Welkom in ons midde. Dankie vir die kort bekendstelling. Hoop om nog vele insette van julle te hoor. Synde ek in die saadbedryf betrokke is, hoor ek graag hoe julle mielies vanjaar lyk. Gesien in die lig van die reënval in die Hoëveld, waarvan ek van tyd tot tyd verneem het, maak ek die aanname dat 'n belowende oes op julle wag?

Hallo Philip & Marlene !

Ek is een van die oubokke hieronder die klomp  -  50 jaar gelede in Memel gewoon en daar kennis gemaak met 'n boer genaamd Piet Kemp.  Hy het later verkoop en ook in Balfour met mielies en beestye geboer.  Hy is 'n paar jaar gelede oorlede en miskien het jou pad tog ook met hom gekruis.

Welkom hier by Kampforum en vertel ons 'n bietjie van julle kampvoorkeure.  Ons het ook drie kinders, maar nou al met hulle eie gesinne.  Elkeen van die drie het 'n eie karavaan en hulle kan nie uitgepraat raak oor die heerlike kamp-vakansies van destyds toe hulle kinders was nie.  Julle kinders sal julle ook eendag ewig dankbaar wees vir kamp-vakansies.

Nogmaals, baie welkom !

Baie welkom Phillip, ons glo jy gaan lekker saam kuier. Dankie vir die bekend stel van jou gesin.

Waarmee kamp julle, en wat is jul voorkeer manier van kamp,  bos of oord? 

Ek neem aan, met die jong kinders is dit seker oorde met baie doen dinge vir die kleinspan? 

Ons kinders kamp ook, en vertel weer vir hul kinders hoe lekker het hulle gekamp as kinders.

Lekker man, julle moet dit geniet.👍 

Môre Phillip

Baie welkom, ek sien jou derms word reeds uitgeryg, dis sal ek maar voortgaan daarmee. 

1] As jy met 'n Conqueror UEV25, met ander woorde amper 8m lank kamp [dis nou as ek hulle spesifikasies reg interpreteer], waarmee sleep jy dit.

2] Ek het kennisse op Balfour, Die paartjie is Darryl en Jeanine. Hulle familie besit motorhawens en of vulstasies. Hy het ook onlangs begin om sonkrag installasies te doen. Sy skoonouers, Phillip en Susan van Heerden het van Brits soheentoe verhuis.

Groete 

My niggie woon in Balfour omgewing 

My bure se dogter se tuinwerker se Antie bly ook in Balfour omgewing

Môre Arie

Ek neem aan jy ken haar goed?

Ek het ook opgemerk hoedat forumlede reageer op die aanmeld van nuwe lede. Ek is seker mens kan 'n PhD-verhandeling doen oor die sielkunde daaragter

Groete

'n Jare lange vriend (Jood nogal😀 ) van my het eendag gesê "funny how many people,  know Jews when they find out you are a Jew).

Ek glo dit is maar 'n manier om die persoon te verwelkom / tuis te laat voel?

Wessel, nee ken haar glad nie. Ken die buurvrou darem baie goed!

Die verwelkoming; nee die stukkie was nie om iemand welkom te heet nie, jy sal sien ek het hulle heel bo-aan die draad welkom geheet.

Hierdie was maar so tong in die kies. Ek smile maar altyd as ons mensdom hoor jy kom van ń sekere plek dan vra hulle dadelik of jy so en so ken.

El het al gehad dat waneer mense hoor ek kom van Amsterdam dan vra hulle "Vriend van my , Gert het ook daar gewoon, ken jy hom dalk?" Daar woon ń paar mil mense in Amsterdam.

Natuurlik gebeur dit wel ook baie dat hulle tog wel die mense ken.

Hello Philip en Marlene en welkom. Darem amper bure want ek is van Heidelberg. My dogter het op Balfour skool gegaan

Middag Arie

Ek het niks minder van jou verwag nie.

Onthou wat ou Fanus Rautenbach van die buurvrou gesê  het!!!!

Groete 

Baie welkom, gesels lekker saam.

Welkom gesels lekke saam en ja kamp is koning

Middag nuwe lede 

Waarom so stil, hoekom hoor ons niks van julle. 

As dit 'n geval is dat die oudlede julle oordonder, of afskrik, sê dit dan. Ten minste kan ons probeer om minder oordonderend te wees.

Groete