Koro-Koro
Drie Berge
mabalingwe
galago private bush lodge
Alloutgear
Sionbergh

 

luister nou wereldwyd stereo

superbrulekker reseptenuwe onderwerpgraderingsarrowartikels buttonkompetisiessaamtrekkemeningspeilingskamp diyarrowarrow

53670 insette
Nuutste Forum Insette onderwerp deur:
Nee, glad nie Anton. Ek sal… Kampforum & CCSA Suidrand… leeu -8 minutes ago
Trained not tame Aasvoëlkrans "Predator… Wildehont -29 minutes ago
Was ek te hard gewees met my… Kampforum & CCSA Suidrand… Voortrekker -57 minutes ago
Goeie middag. Junie 2019 - Koffiekroeg GerhardM -1 hour ago
................ Aasvoëlkrans "Predator… Len Loader -2 hours ago
Wilsor kamp 4-6 Okt WilSur kamp 4-6 Oktober 2019 Hein -3 hours ago
Len---'n liedjie vir jou Aasvoëlkrans "Predator… wessels -3 hours ago

Spelling ?

Brackenfell, Weskaap
Submitted by Len Loader on Wed, 05/06/2019 - 18:35

Moet my nou nie onmiddellik vermorsel nie.  Ek weet op sosiale media hou mense nie daarvan om met spelling gekorrigeer te word nie (ek self dink dis arrogant), maar ek het gedink om miskien 'n lysie saam te stel van woorde waaroor 'n ou dikwels twyfel.  Ek haal ook maar gereeld my HAT uit om te kyk hoe word 'n spesifieke woord gespel.  So 'n lysie is tot almal se beskikking en dit kraak niemand se vermoëns af nie.  Ons wil mos almal Afrikaans behoue laat bly en lug gereeld ons mening daaroor.  Miskien kan Voorie die lysie vir ons iewers vasmaak sodat dit nie iewers tussen die kommentare wegraak nie.

Hier gaan ons met die eerste klompie :-

karavaan (nie karevaan of karefaan nie)      
ontmoet (nie ontmoed nie)        
professioneel (een f en twee s'e)      
ryg  -  'n tent word deur die gleuf in die dak geryg (en nie geruig nie)
vermoë / vermoëns (een e)        
vermoed (met 'n d)          
waardeer (nie waardeur nie)        
onmiddellik (twee d's en twee l'e)      
penetreer (nie pentreur nie)        
Vaalpark Vrystaat

Johann L

Wed, 05/06/2019 - 19:33

Dankie Len, ja, baie keer twyfel ek of 'n woord bv. "ee", of "eu" is, meestal maak ek nie 'n 'n spelfout nie, maar eerder 'n tik fout. (Ek hoop😄)

My Afrikaanse onderwyser het gesê as jy twyfel, is dit twee woorde in Afrikaans, en andersom in Engels.

Oudtshoorn

neef Herman

Wed, 05/06/2019 - 21:15

Dankie Len, waardeer dit baie. Die dubbel hier en enkel daar laat my ook erg in die steek. Nee wat jong, die ou man spel nie agterlosig swak nie, dit is maar sy beste probeerslag, uit die vuis, sonder naslaan.

Waar word penetreer gebruik ? Is dit n woord wat saam n tentpen werk, waneer n man gaan tent opslaan, en die penne aftree om hulle so presies in lyn te sit. So ruk gelede was daar gepraat van tent opslaan, die klein tentjie nou, maar waar penetreer dalk n nagevolg kon wees. Ek dink Freda het die tent opslaan storie begin? Of was dit dalk...., ontgaan my nou.

Daspoort Pretoria

Willem Brits

Wed, 05/06/2019 - 21:43

Jy praat van te veel detial, hoop ek sal regkom met die, multi room by my eerste kamp. 

Maar ons behoort reg te kom, hoop die plek is reg vir die dubbel as.

Wat my seker die meeste de mur in maak is grootmense wat simple Whatsup taal gebruik met al die afkortings en sovoorts.

Hoe kan jy n voorbeeld stel vir jou kinders as jy so spel, sies man, skaam jou.

Gebruik volle goedgevormde sinne en woorde, jy praat mos nie in afkortings en kindertaal met ander grootmense of kinders nie!!

As ek darem kyk na sekere mense se elimintere spelling op vleisboek dan begin ek wonder oor hulle IK tellings.

Vaalpark Vrystaat

Johann L

Thu, 06/06/2019 - 07:50

Frik, net so, ek het geleer PVA is 'n soort verf,  blykbaar was ek verkeerd, dit beteken glo Plan Van Aksie,  nee wragtig, ek haat hierdie nuwe taal verkragting. 

My kinders gebruik Afrikaans as hulle per foon vir my 'n boodskap stuur, ek ignoreer onverklasrbare afkortings - met die hele boodskap.

Worcester

Wildehont

Thu, 06/06/2019 - 08:12

Dankie Oom Len. Swak spelling en taalgebruik steek my ook dwars in die krop, en ek is van mening dat dit van luiheid spreek. Afrikaans is so 'n pragtige, beskrywende taal, en daar word gereeld skeppende vertalings vir nuwe uitvindsels uitgedink deur die WAT (Woordeboek van die Afrikaanse Taal).

Dit is dus heeltemal onnodig om Engelse woorde en Anglisismes te gebruik. Dis ook onnodig om verkeerd te spel. Mens maak wel tikfoute, maar jy kan mos maar die ekstra minuut of twee gebruik om te proeflees?

My Afrikaanse onderwyser het gesê as jy twyfel, is dit twee woorde in Afrikaans, en andersom in Engels.

Ek is nie 'n taalkenner nie, maar is dit nie andersom nie? Sover ek weet, as dit een konsep is; word dit in Afrikaans as een woord geskryf.

Hier is 'n paar voorbeelde:

tuimeldroeër vs tumble dryer

skottelgoedseep vs dishwasing liquid

Kerkstraat vs Church Street 

Mens maak wel tikfoute, maar jy kan mos maar die ekstra minuut of twee gebruik om te proeflees?

 

Wat ek al wel opgemerk het is dat die computer geneig is om jou spelling te verander na die naaste ingilse word, dit kan nie getel word as slegte spelling nie, veral nie as n man haastig is nie. 

Centurion

Dusty

Thu, 06/06/2019 - 08:40

Gebruik volle goedgevormde sinne en woorde

Frik, daar stem ek saam. Vir party afkortings moet ek baie keer raai wat die persoon bedoel. Soos Johaan hierbo sê. Ek het ook dat PVA is verf. 

Ek moet erken dat ek 'n baie swak speller is, ek probeer my bes om so na as wat dit vir my moontlik is reg te spel en die persoon kan die boodskap kry.

Meeste sukkel ek met die "d" en "t" aan die einde van 'n woord en dan ook al die verskillende diftonge wat ons mooi taal het. 

Die sogenaamde "SMS"- of "WAHTSAPP" taal kry my ook onder en my kinders weet ek antwoord hulle ook nie 

Brackenfell, Weskaap

Len Loader

Thu, 06/06/2019 - 09:31

.............interessante kommentare, dankie daarvoor :-

Herman : Die spelling van penetrasie bly dieselfde, maar dis nie noodwendig daai (ek weet dit moet eintlik "daardie" wees, maar gegewe die gesprek rym "daai" beter) penetrasie waarvan ons praat nie.  In elkgeval Herman, baie skerp !

Willem :  Gegewe die gesprek wat Herman nou in 'n ander rigting gestuur het, dog ek jy praat van 'n sekere kwaliteit room maar besef toe nee, jy praat van 'n multi-room, daardie ding wat jy opslaan om jou tent mee uit te brei.

Wildehont : Ek het ook in die 60's geleer op Afrikaans as jy twyfel, eerder vas en by Engels eerder los.  Ek pluk toe my 1965 Woordelys & Spelreëls uit asook my 1965 Afrikaanse Taalkwessies (koste destyds R1.45) uit, maar die verduidelikings daarin is toe so ingewikkeld, ek los dit toe sommer net daar, ek is mos afgetree en kan maak soos ek wil. So, ek is bly jy bevestig wat ek gedink het.

Brackenfell, Weskaap

Len Loader

Thu, 06/06/2019 - 15:13

.................opgespoor hier aan die regterkant van die skerm.  Dankie !

Daspoort Pretoria

Willem Brits

Thu, 06/06/2019 - 15:24

Len, en daar het ek jou smiley  wink

'n Tragedie het om afgespee in die personeeldorp

Moet dit dal "afgespeel" wees ? 

Is "personeel dorp" nie twee woorde nie ?

Brackenfell, Weskaap

Len Loader

Thu, 06/06/2019 - 17:41

...............jy is reg, afgespeel !

In Afrikaans, as jy twyfel skryf dit as een woord.  Op Engels is dit beslis twee woorde staff village, teenoorgestelde as in Afrikaans.