TO
mabalingwe
galago private bush lodge
Zaagkuilsdrift
Sionbergh

 

nuwe onderwerpgraderingsartikels buttonsaamtrekkelekker resepte

76986 insette
Nuutste Forum Insette onderwerp deur:
Willemsrus fotos Willemsrus wessels -5 hours ago
Sterkte Len Sterkte Oom Len Frieps -6 hours ago
Goeiemôre September koffie inloer Frieps -6 hours ago
neef Herman Sterkte Oom Len Willem Brits -6 hours ago
Môre sê Kampforum September koffie inloer Willem Brits -6 hours ago
Jors se Kampstories op fb ... Jors se Kampstories op fb ... Willem Brits -6 hours ago
Dankie Johann. Ek sien… Waarheen gaan julle die… Wildehont -7 hours ago

Namakwa blomme

Brits
Submitted bywessels onMon, 24/08/2020 - 15:40
Forums
Middag vriende Is daar van julle wat vanjaar gaan blomme kyk in Namakwaland?? Waar beplan julle om te kampeer?? Groete
Brackenfell, Weskaap

Len Loader

Mon, 24/08/2020 - 16:16

Wessel, ons ry môre om te gaan blomme kyk, ongelukkig sonder die karavaan want ons wil graag 'n paar agterpaaie ry.  Ons slaap môreaand tussen witlakens by Klawer Hotel en gaan tot by Nieuwoudtville ry en daar omdraai.

Behoort Woensdagaand terug by die huis te wees.

Kleinmond

Chris Boucher

Mon, 24/08/2020 - 17:46

Twee woonwaparke wat ek met vrymoedigheid kan aanbeveel (uit persoonlike ervaring) is Kroon Lodge by Kamieskroon en Groenrivier by Nieuwoudtville. Ek het ook nog net goeie dinge van Rondeberg tussen Clanwilliam en Klawer gehoor.

Worcester

Wildehont

Tue, 25/08/2020 - 07:59

Met ‘n Kavango gaan mens mos waar jy wil. Die Groenrivier gedeelte lyk na ‘n goeie plek om ‘n Kavango te laat staan vir ‘n paar dae. Van die terreine kan sonder 4x4 bereik word, gaan lees meer hier.

Net ‘n uittreksel uit die webblad hier bo. 
A

More Len Chris en ander

Len: Hoop julle geniet dit

Chris: Dankie, ek teken dit aan in my boeke. Ek maak so stadig aan inligting bymekaar, dan oor 'n jaar, as ek 100% my eie baas is, kan ek sulke lang toere rustig aanpak.

Groete

Vaalpark Vrystaat

Johann L

Tue, 25/08/2020 - 10:32

More Wessel, ongelukkig het die inperking meestal planne in die wiele gery, ek so so graag hierdie jaar wou gaan want dit is die beste jaar, in jare!

My neef en sy vrou is tans daar hy sê dit is asemrowend mooi.

Kleinmond

Chris Boucher

Tue, 25/08/2020 - 19:13

Onthou - die Groenrivier waarvan ek praat, is op 'n plaas net buite Nieuwoudtville. Nie Groenrivier (ala Adriaan Niewoudt van Kubus-faam) by die Groenriviermond teen die kus nie.

 

Brackenfell, Weskaap

Len Loader

Wed, 26/08/2020 - 19:41

Goeie naand vrinne !

Ons is gisteroggend hier weg uit Kaapstad en so 40km verder slaan 'n digte mis en later dik wolke toe  -  'n nagmerrie vir enige blomkyker. Die blomme het warm sonskyn nodig om prentjie mooi te vertoon.  Ons het die ongeveer 300km tot in Nieuwoudtville gery in digte wolke en mis.  Daar het dit so vir 'n uur oopgetrek waar ek my enigste 4 fotos geneem het.  Ons het teruggery tot in Klawer waar ons in die hotel oornag het.

Vanoggend weggetrek uit Klawer (toegetrek van die mis) Lambertsbaai toe, en daarna Paternoster, Vredenburg, Darling tot terug by die huis.  Daar was redelik blommetjies langs die pad, meestal oranje, wit en geel, maar die veelkleurige lappe blomme was afwesig.

Ons het gister en vandag 890km gery  -  dit was 'n lekker wegbreek om net 'n bietjie weg te kom, maar wat blomme-kyk betref, was dit maar ongelukkig teleurstellend.  Dit reën van môre af tot minstens Saterdag en blomme-kyk is buitendien tot dan buite die kwessie.

.

Oudtshoorn

neef Herman

Wed, 09/09/2020 - 19:28

Neef wil graag sy plaas se blommetjies hier onder Lennie sin sit. En ek dra dit aan hom op, wens hy was hier om die geur van die Septemberbossies te ruik, saam my daai voetpaadjie te stap.

Secunda

Sleep nou

Thu, 10/09/2020 - 09:14

Mooi wereld ek moet daai kant toe kom blomme of nie daar word jy weer een met natuur