Januarie '23 algemene gesêls

Middag vriende

Ons het 'n lekker nat 1ste Januarie op Brits. Dit lyk deur die vêrkyker na meer as 20mm alreeds.

Goeie môre vriende, geniet die dag en die week ook sommer net vir die pret daarvan.

Ons is gepak, tasse is met gladwrap toe gedraai (ons het na ons eerste vlug, by Wespak 'n industrial rol gekoop) en lê net en wag vir môre se ry.

Die gewigte was 'n bietjie van 'n gesukkel, jy moet twee tasse elk vat, 1 x maks 14kg en 1 x maks 9 kg. Die twee saam mag nie 23kg oorskry nie.

Nou weet ons mos, dames pak 30kg en ons manne pak 5 kg, plus die geskenke en die versoeke vir SA goedjies wat moet saam.

Die is darem nou uit gesorteer en die tasse is sommer klaar in die kar, net ingeval ma besluit sy pak nog iets.

Willem, geniet die laaste week van jou kamp, as jy jou oë te vinnig knip, is die tyd om.

Môre Johan

Julle moet die vakansie en familie geniet.

Plaas net weer julle terugkeer-datum op die forum. Maak maar soos Chris B, en hou kontak met insette gedurende julle vakansie.

Môre Johann....,.......voorspoedige reis en geniet die vakansie.

Môre vriende

Gisteraand verneem dat my jongste ook landuit verhuis. Die firma vir wie sy werk het haar 'n pos in London aangebied. Sy vertrek einde van die maand.

Nou is die ouman sommer lekker bemoerak, al die kinders is dan oorsee. Skielik neem my vakansie beplanning sommer 'n ander wending aan.  

Naand Wessel en ander vriende, ons beplan om 5 Februarie terug te wees hier in die land van sonskyn, braai, rugby en Chevrolet.

Ai Wessel, dan weet jy ook mos hoe voel ons om jou kinders so min te sien.

Ek is so dankbaar ons jongste oorweeg dit nie eers om te gaan as ons nie eers daar is nie, sy kan nie (en oupa en ouma ook) langer as 'n enkele paar dae sonder ons twee wees nie.

Goeie môre Kampforum vriende, geniet jul dag ten volle.

So het ons groot dag ook dan nou aan gebreek, ons vertrek so 16:30 hier en vlieg 22:00 vannaand. Die rede vir die vroeë vertrek is om die kar by die langtermyn parkering te kry en seker te maak alles is reg.

Die kar word by lugvrag onderdak gestoor,  van daar ry ons met hul bussie tot by international vertrek en moet 2.5 uur voor die tyd daar wees. Ongelukkig / gelukkig, is ek iemand wat nie daarvan hou om skere dinge op no 99 te doen nie, ek sit en wag liewer vir 'n uur, as wat ek 5 minute laat is.

Goeie môre almal.

Johann, julle moet dit verskriklik baie geniet.

Willem. As jou tent nog droog is teen Woensdag/Donderdag,  slaan dit op dan kuier jy laaste dag onder gazebo....dis darem maklik om droog te kry tuis

Goeie môre vriende

Ek vang my dat ek ook 'n "post" vakansie gevoel ervaar. Mens sou wragtig dink dat ek ook moet terug werk toe. Sielkunde is baie meer deurmekaar as die wetenskap. 

Goeie môre almal, as ek so lees van almal wat kamp en reis klink dit vir my dit is net ek wat heeldag besig blymet werkies in my shoppe. Maar dit is ook 'n ander lekker. Het nou begin om ons dominie se klein menorah so 'n bietjie mooi te maak. Die menorah het net 'n plat voet stuk gehad en nou maak ek 'n ander een. 

Goed om van jou te hoor.

Jy moet baie mooi lees, NIE almal het die afgelope vakansie gekampeer of gereis nie. 

Ek het ook maar so op die forum saam met die bevoorregtes 'n seevakansie geniet, of by Dinakeng uitgehang.

Wat is 'n "menorah", ek lei af dis iets waarby hy staan en preek???

Goeie middag kampforum vriende, ja hier is dit al na 12 die middag,

Elk geval, net vinnig so paar fotos sover, ons gaan nie baie op die net wees nie, die kinders het groot planne gemaak vor ons tyd hier.

Ek sal later, soos ons kans kry, nog plaas.

Môre almal. Geniet julle dag.

Middag Johann, soos reeds op WA gegroet. Geniet jou tyd saam die kinders.

Geniet dit Johann.  Ek hoop julle kom weer terug 

Môre vriende

Daai storm van Pretoria het ons gisteraand bereik. Ek het vanoggend 58mm uit meter gegooi.

Ek soek n plek wat "stainless steel" toeknyp rooster maak of verkoop. Dit is die lang maer een wat 3 braai broodjies in n ry kan vat. Ek het 2 van hulle, maar hulle is nie van "stainless steel" nie maar net "geplate".

Ek weet nie of mens sulkes kry nie. Nog nooit gesien nie. Dalk is hier iemand met kennis van hulle. Hulle is baie handig by n braai waar klomp mense n braai rooster deel en jy beperkte spasie het op die vuur.

Dankie