Totsiens Willem - jy was 'n kampforum hoeksteen

Willem is beslis die persoon wat ek lank gaan mis, hy was 'n pilaar hier, geen moeite ontsien om ander te help met raad en daad.

Voorwaar 'n groot verlies vir almal van ons. Ek kan noem dat ons 2 so ' n bietjie van lyn kon gesels het oor die hout lepel maak en dan die seël / behandeling van so 'n lepel. Voorwaar 'n man met baie talent gewees. RIV ou grote. 

..................hierdie tyd het Willem nog op 'n vraag van my gereageer en môreoggend word hy finaal teruste gelê.  Hierdie jarelange vriend van my is darem so skielik net weg.

Len, Willem het verlede maandag oggend nog op 2 van my FB aksies ook gereageer.

Baie sterkte aan die familie vandag met die begrafnis.

Die laaste plasing wat ek kan sien wat hy hier op forum geplaas het, was waar hy hartseer gevoel het van Klein Kariba se bestuurder wat oorlede is....seker onwetend dat sy beurt om die draai was. Nuus voel steeds onwerklik

Môre Geert, ja die was regtig skokkende nuus.

Ons bid vir die familie vir sterkte vandag, sal graag wou gaan, maar dit is net te ver vir my om te ry.

Innige simpatie vir Willem se familie. Dink aan julle in die hartseer tyd.

Weet iemand of daar dalk n YouTube uitsending gaan wees van gedenkdiens....link kan plaas asseblief

Ek het nou met Surette  op WA gepraat en sy sal die link stuur sodra beskibaar.

Ek het nou met Surette  op WA gepraat en sy sal die link stuur sodra beskibaar.

Dankie Hennie, waardeer

Dankie Hennie vir die link wat jy asngestuur het

https://www.youtube.com/…

..............wonderlik  -  hier sit ek in Kaapstad en kon Willem se laaste erediens in Pretoria volg.

Mooi erediens....die afskeid was baie hartseer by lykswa, maar gelukkig kan vertroosting by Hom gevind word.

Kon sien dat Willem 'n Geliefde was. Tot die Dominee het bewoë geraak.

Ja, so moet ons almal daai paadjie loop. RIV Willem.

Met gemengde gevoelens na so stukkie gekyk maar ai dis swaar nie net omdat dit Willem se diens was nie. Ek is nie `n begrafnis mens nie en dit is altyd vir my moeilik.

Ek het in daardie einste kerk grootgeraak. Gedoop sondagskool geloop en as 12 jarige seun is my moeder uit daardie kerk begrawe so ook my vader 16 jaar gelede nes ou Willem vandag. Daar ook belydenis van geloof afgelê. Daar getroud deur dieselfde dominee wat my aangeneem en voorgestel het. Kinders is ook daar gedoop. Susters daar getroud hulle kinders daar gedoop ens ens.

Daar is nou die dag vir my gesê ons oues is in die hers van ons lewe en wat my die meeste pla is dat daar deesdae meer begrafnisse in my lewe is as kinders wat gedoop word en troues wat plaasvind.

Daar word in ons woud gekap en die bome val.

Mooi loop Willem...
 

Ek het nooit die voorreg gehad om Willem in persoon te ontmoet nie. Maar tog voel dit asof ek Willem goed geken het. Dit was duidelik dat sommige van ons passies, gedeelde passies was - soos kampering en o.a. ATKV Eiland Spa. Ek het wel sy halfbroer, Jan Welthagen (stigter van Miami Canners), goed geken. Asook sy suster Amanda se man, Edward Vorster - sitrusboer van Letsitele. Willem het my in verbinding met Amanda geplaas i.v.m. 'n boek wat sy geskryf het oor haar en Edward se Afrika-toere saam met ander oud-kliënte van my.

Willem se laaste kommunikasie wat hy aan my gerig het op hierdie forum was 'n dag voor sy dood toe hy foto's van Eiland Spa se jukskei-aktiwiteite geplaas het en gevra het of dit my nie laat verlang nie. Min wetende dat my antwoord aan hom (om 16:31) sou die laaste keer wees dat ek direk met Willem "praat".

Ek gaan die ou grote mis op hierdie forum. Sterkte vir Surette en Wijan.

Gaan goed ou Grote, jy laat n groot leemte agter.