Herman se inset vanoggend het my die gesprek laat begin.
Kom ons gee ons bietjie oor aan die goeie ou dae toe; "men were men and smoke Gunston" en "women were double ....."
Terug na Herman se Valiants, rondom 1968 het jy hulle gekry in modelle--Rebel, Regal en VIP. Die Rebel het 'n reguit 6 gehad van 3.8 liter. Jy kry nog te koop deesdae vir so R130 000. Baie gewild gewees, en blykbaar die beste outomatiese ratkas daai dae gehad.
Daai tyd was die tyd van die "muscle" karre---Ford Fairmont, Fairmont GT, Perana 1.6 tot 3l met V6 enjin. Dan die lekker ou 8 sitplek Ford Fairlanes, baie gewild gewees by die groot gesinne.
Met die Chev produkte sal julle moet help, ek onthou die Kommando, Constansia, Impala. Ook reguit 6 en V8's. As ek reg onthou het die Constansia net 2 ratte outomaties [power glide?] vorentoe gehad.
Daai dae het Mercedesse en BMW's so effe in die landelike boere mark begin inbeweeg. Ek onthou byvoorbeeld die BMW3.0S, 'n sedan/gesinskar, wat jy met handskoene [leer] moes hanteer. Kringe om die Ford en Chevs gehardloop. BMW en MB het toe reeds onafhanklike vering [spiraal] gehad, en die ander nog bladvere.
Daai dae het min mense met Audi's woonwa gesleep, seker omdat dit voorwielaandrywing gehad het.
Nou moet julle ouens deelneem en selfs foto insette van die karre
sal geniet word. Korrigeer asb as my geheue my in die steek gelaat het met sekere inligting.
Vergelyke
Nuuskierigheid het my laat gaan loer wat die " Sleep voertuie" van hier vroeg in die 1970's se engine specs was. Nogals interessant.
Chev 4.1 115kw 329 Nm
Ford straight 6 3.9l 96 Kw 319 Nm
Valiant V200 3.7l 108Kw 272 Nm
Mercedes 2.8 straight 6 115 Kw 245 Nm
Bmw 2800 CS 125 Kw 234 Nm
Toeka se perde....
...was in vandag se terme maar ondervoed. Die Chev en Ford het darem meer as 300Nm gelewer.
Daai MB280, veral in die klein bak, kon nogal hol, maar skielik lyk daai 245Nm maar min vir sleep.
Dan was daar ook nog die Cortina's , die Ford Granada's en die VW kombi's met die v6 ford masjiene. laasgenoemde kon net nie lekker koel loop nie..
Herman, ek dink weer daai…
Herman, ek dink weer daai spesifikasies is eintlik nie te sleg vir daai tyd. Enige iets oor 220Nm is tog sterk genoeg om te kan sleep, veral as jy in ag neem dit is petrol.
My 280 Dt Isuzu het ook maar net 74kw en 224Nm standaard gelewer. Ek het wel 'n Cirrus Intercooler laat insit en die ratverhouding verander, en toe was die krag baie meer aanvaarbaar en aangenaam vir sleep. (100km en 309Nm). Met die verandering het die rewolusies met 750 rpm verminder in 5de rat, wat ook die gewone rit baie meer gemaklik gemaak het. Voor die verandering was dit 3200 rpm teen 120kph teenoor amper 2500 rpm.
Hennie....
....ons moet nie toeka se karre se wringkrag met hedendaagse bakkies vergelyk nie. Ook nie eers met jou 280 Isuzu nie.
Bakkies het totaal ander tipe ratkaste en ewenaars in, ingestel op spoed, en bakkies s'n vir wek en vrag karwei/sleep.
Ek dink egter dat wat op 'n stadium beskikbaar is/was , was net aanvaarbaar. Vrede gemaak om stadig te sleep. Nou se dae wil ons beweeg, bult op en af teen verkieslik bo 100km/hr
Nie algemene kennis nie maar…
Nie algemene kennis nie maar die Valiant was op sy dag die top verkoper in Suid Afrika....wil nogal gedoen word met 'n 6 silinder. Die enjin was ook grootliks volledig plaaslik vervaardig, ek was in die 70's 'n beurshouer van die groot ingenieurs groep Dorbyl (kort vir Dorman Long Vanderbijl) en hulle het o.a. die enjins se krukaste asook die blok en 'n paar ander goed vervaardig. Wat hulle outo ratkaste aanbetref was daar niks beter daai tyd beskikbaar nie. Wat sleepspoed aanbetref was dit seker ook maar 'n funksie van die paaie destyds, bv. die pad tussen Jhb en Durban was uiters smal, Van Reenens Pas was 'n riller (smal met baie skerp draaie, nie die mooi pad van vandag nie). Wat wel die screamy meemies uit my pa ge-irriteer het was die klomp karavaan slepers wat die gewoonte gehad het om in sulke groepe van 5+ te sleep teen 'n slakkepas met geen gaping tussen hulle nie...het dit byna onmoontlik gemaak om met ons destydse Opel Rekord Olympia by die spul te kon verbykom. Seker ook hoekom baie mense vandag steeds niks van karavaan slepers hou nie!
Daar was daai tyd ook nie juis minibus taxi's nie...ouer Valiants het gewoonlik hulle pad gevind na die taxi bedryf toe, verbasend hoeveel mense in daai Valiants kon pas!
Wessel, ek vergelyk nie my…
Wessel, ek vergelyk nie my bakkie met daai voertuie nie. Ek het maar net 'n voorbeeld gegee. As jy daai voertuie se krag met vandag se petrol voertuie (sonder turbo's) vergelyk, dan is dit heel aanvaarbaar. Baie van daai voertuie het ook net 3 spoed outomatiese ratkaste of 4 spoed handratkaste gehad.
Ek het die voorreg gehad om by my Oupa-hulle groot te word. Hy het 'n Zodiac v8 gehad (Basil green) en daarna toe koop hy vir hom 'n splinternuwe Chev Constantia 1969. Lieflike voertuig en het geloop.
Hennie....
....my opmerking was niks persoonliks nie.
My Pa het 'n reguit 6 Chevelle [1968] gehad. Eenkeer ry ons rugbyspannetjie per "pa se karre" via R62 na Ladismith en daar was ook 'n MB 250se in die bondel. Op die plat dele en draaie het hy onder ons uit gery, maar teen die lang bulte het die Chevelle en Fairlanes weer opgevang.
Wat teen die BMW's en Benze getel het vir woonwa sleep, was die onafhanklike vering agter. Die swaar ou Jurgense, met gekromde ou stabiliseerdes en al, het daai gatkante grond toe gedruk, dat daai agterwiele so teen 'n hoek gestaan het. Die duurder MB, soos 280 en op, het oor die ewenaar agter 'n ekstra kompenserende skokbreker gehad. Die' het met die op/af beweging stywer gepomp en so die sak van stert tee gewerk.
Grootwind...
....ek stem saam met jou Valiant opmerkings.
Net 'n regstelling, die omies het nie aspris so 5+ saamgesleep nie. die 2de ou het net nie genoeg woema gehad om die ou voor hom verby te steek op die enkelbaan paadjies nie.
Dit was moeilik om die kontrepsie in die pad te hou met padkos frikadelletjie in 1 hand, en pyp in die ander hand. Dit nog sonder kragstuur ook.
....my opmerking was niks…
....my opmerking was niks persoonliks nie.
Gladnie so gesien nie. Wou maar net noem van my veranderings op my Isuzu.
Jy vergeet van die oompie se…
Jy vergeet van die oompie se lap hoedjie Wessel...jy is mos 'n boffin in die dra van lap hoedjies
Wessel op 'n heel ander noot, een van my oud kollegas wat ook steeds konsultasie doen is op soek na iemand wat weet van die toets en sertifisering van hoë druk stelsels (teen API standaarde dink ek). Dis mos een van die belangrike areas in kern stelsels...jy het nie dalk kontakte nie? (stuur sommer vir my 'n Whatsapp na nul agt drie 417 75vier een)
Hennie....
....dan is die saak mos reg.
Hoekom het jy daai veranderinge laat aanbring??
Ek het op 'n stadium daaraan gedink om my 260 Isuzu se krukas te laat verander om beter kraglewering teen laer rewolusies te kry, en toe maar gelos.
Die 260 petrol het maar 205Nm gelewer, maar het 'n bielie van 'n ewenaar gehad, met verhouding 4.777. Dit het gehelp met sleep, maar spoed was laag.
Wessel, my groot rede was om…
Wessel, my groot rede was om bietjie meer "sleepkrag" te kon kry. Die Intercooler was ook om die uitlaat temperature af te bring. Dit het altyd gevoel of ek die enjin moor teen 'n spoed van 120kph en rewolusies so hoog. Met die hoër wringkrag kon ek baie gemakliker teen laer rewolusies ry.
Dubbelkajuite ????
Die het veel later woonwa en boot-slepers geword. Hier en daar het mense met enkelkajuite woonwa gesleep, as ek terugdink aan my kinderdae op Hartenbos.
Dit was die Ford F150, Chev, CMC Dodge dae. Die Ranchero's en Holden bakkies, effe sag vir werk en gebaseer op Fairmont en Holden Monaro het ook hier en daar verskyn.