Middag vriende
Nou wag ek maar dat die besprekings oopmaak vir Junie 2024. Gister gebel en kan eers van 24 Julie af bespreek.
Ons finale datums vir Julie'24 in Kruger is as volg;
Tsendze 9 tot 15 Julie
Satara 15 tot 21
Onder Sabie 21 tot 27
Berg en Dal 27 tot 29 Julie
Een aand se kampeer is te veel werk
Dis nou die nadeel as mens nie twee mense in ‘n Eksklusief is nie. Vir ons om een aand oor te staan met die Kavango is te veel werk. En al is die skuiling duur, is dit ‘n wonderlike ervaring.
Wessel, hallo!
Hierdie draad het weggeraak/is gans te stil
. Julle vakansie is om die draai - 9 Julie as ek reg lees. Hoe vorder die voorbereidings?
N.s. Ek wip my nie maklik nie en sal nooit as moody geklassifiseer word nie, maar as dit sal help dat jy in Dullstroom kom oë wys kan ek altyd 'n rede uitdink.....
Rona...
...ek het skielik soveel probleme by die kompleks van 6 wooneenhede, dat ek wonder of ons volgende maand Kruger toe gaan.
Die rioolpyp wat die 6 huisies bedien wil nie vry vloei nie, en nou borrel dit by eenplek uit. Gelukkig het ons 'n baie professionele bouer met baie ervaring op die forum wat my met telefoniese raad bedien.
My paaie gaan vêr vanaf Dullstroom verby, en boonop is die Dullstroom --Lydenburg roete onrybaar met 'n woonwa. Ek sal dus nie die keer uit my pad gaan om by julle 'n vinnige koffie te kom drink nie
Sal nie gaan nie....
Ek gaan Maandag hoor of ek my betaalde gelde op krediet kan plaas tot later, dalk volgende jaar.
Ons gaan nie die vakansie geniet as rioolpyp in eie tuin oopgegrawe en herstel moet word nie. Toegang na die pyp area is noodgewonge deur my motorhuis, wat ook toegang na huis bied.
Hierdie is rerig 'n bolliespul.
Agge nee, Wessel...
Dit is nou 'n harde slag. Is daar geen manier dat dit binne 'n week herstel kan word nie? Dit laat julle dan nog met genoeg paktyd (jou bakkie en boswa klink in plek).
Ek hou styf duim vas dat daar lig in die tonnel sal kom voordat jy Maandag daardie oproep maak.
O genugtig Wessel !
Dis nou 'n werklike gatslag. Ek dog dis net siektes (soos my dikderm-probleme) wat spook om 'n Wildtuin-vakansie te kelder, maar nou lyk dit my dit kan ook die uiteindelike inhoud van verskeie mense se dikderms wees wat ook 'n struikel-bol kan wees !
Grappies op 'n stokkie, baie jammer om van die nuutste probleme te hoor.
Daar is nog twee weke voor julle vertrek en jy behoort sekerlik 'n private loodgieter te kry wat die probleem kan aanspreek, veral as die probleempyp op jou private erf herstel moet word. Dalk kan die blokkasie oopgespuit word sonder om die pyp oop te grawe. (Hier in ons kompleks het die munisipaliteit twee weke gelede 'n geblokkeerde hoof-rioolpyp op die sypaadjie oopgespuit - binne 'n uur was die probleem opgelos).
Jetvac
Ons riool afdeling by die munisipaliteit gebruik ‘n vragmotor met ‘n jetvac om verstopte riole oop te maak. En daar is baie in Worcester want van die mense gooi vreemde voorwerpe soos babadoeke, klippe en plastiekbottels in die stelsel. Selfs wet wipes kan ‘n verstopping veroorsaak. Ek hoop julle kry dit betyds opgelos!
Jetvac??
Ek het maar uit eie sak 'n trok gekry vanoggend. Die ding suig iets verskriklik.
Ek suig die pyp leeg in my erf, en sodra die suigaksie stop, loop die pyp propvol, met 'n klein lekstroom straat toe. Dit dui daarop dat die pyp 'n knak in het, soos 'n pie-trap. Dan stoot die pyp vir 70m vol en 2de laaste huis se bydrae stamp dan vas in die kolom water.
Die praktiese implikasie is erg. Ek sal my Wendy huisie, wat as waskamer dien heeltemal moet leegmaak en afbreek, as die trap onder dit is. Dit is die nadeel van klein erfies en ek het geweet dat die huisie wederegtelik daar staan
Ai tog Wessel, ek weet.................
..............nie wat om te sê of te dink oor hierdie drama van jou nie.
Planne....
... hang in lug. Dit wil voorkom of ons nie nou sal kan gaan nie.
Môre kom hulle 'n kamera insteek, om fout in lyn te soek. As die kamera sukkel môre, moet die water eers uit die pyp beblaas word, sodat kamera amper droog in pyp is.
As ons die foutiewe plek gekry het, moet oopgegrawe word, en herstelwerk gedoen word. Die tyd loop uit. Ek moet môre uitvind of my geld op krediet gehou kan word, en of ek dit gaan verloor.
Gedurende 2022 met my voet ongeluk, het hulle my krediet behou tot die volgende jaar se bespreking.
Boomwortel?
Kan dit nie dalk julle probleem wees nie? Mens kan (teen ‘n koste) ‘n kamera in die pyp af stuur.
Net dalk....
....gaan ons tog wegkom die 8ste Julie.
Vanoggend die deel wat die verstopping veroorsaak deur eliminasie opgespoor. Môre oggend gaan ons presies in middel daarvan 'n gat boor, om te kyk watter kant van gat moet opgegrawe word. Dit kan hoogstens 10m wees wat oorgelê moet word.
As dit suksesvol is, gaan dit voorbereiding en aankope tee n dolle gejaag wees.
Ek hou vir julle duim vas
Dan kan een forum lid ten minste op nr 28 staan by Tsendze.
Goeie nuus, Wessel!
Ja, ek weet die probleem is nog nie herstel nie, maar ten minste het jy nie dáárdie oproep na SANPARKE gemaak nie (vir 'n jaar lank sou ons met 'n ou brombeer moes huishou
)
Dit klink asof julle na aan die oplossing is en daar is nog baaaie paktyd
!!!!
Nee wat, .....
....probleme hou net aan.
Ek het klaar vir volgende jaar bespreek, dus is die honger gestil.
Herman...
...wat'n gesukkel om te koordineer. Kamera se beeld is te swak in rioolwater. Kan eers Vrydagoggend 'n trok met vakuumsuig kry om pyp[e] leeg te probeer suig, en dan dadelik die kamera in te stuur.
Intussen is ons besig om pyp oop te grawe waar ek dink die blokasie is.
Nog nie vir Sanparke laat weet nie. Ek dink om dit maar te doen, en sien die probleem deur. Daarna gaan ek bedank, en eienaars kan maar bestuuragent aanstel. die plek reel my lewe, en ek doen eie beplanning volgens die plek se skedules, mis soms die 40% afslag by Sanparke..
Wessel dit is maar altyd 'n…
Wessel dit is maar altyd 'n probleem. Almal wil kla maar niemand wil die werk doen nie.
Sien toe na die uitsorteer van hierdie takie en dan bedank jy.
Forever Phalaborwa
Ons het nog slegs een aand by Forever Phalaborwa oorgestaan. Ons was werklik beïndruk met dié plek en sal beslis weer daar wil kamp - dalk 'n nag of twee langer.
Chris WH gaan eerder vir die Sabledam-opsie (vir een nag se oorbly), maar dit is ongelukkig nie vir my beter helfte 'n opsie nie. Te bang vir spinnekoppe wat sy in die dag by daardie skuiling opgelet het.