Addo toer

Jeanne, jy gaan baie raad kry hier.

Ek sal byvoorbeeld met die N2 toer tot by Port elizabeth, en dan N10 na Paterson. Daar vat jy die R342 na Addo se hek. Ek sien Sanparke beveel die roete aan. Moet nie van Despatch, of R335 gebruik maak nie. Dis blykbaar onveilig.

Met die N2 is daar baie veilige woonwaparke om te oorweeg. Dink aan Bontebokpark , Jongensfontein, Dwarswegstrand, Glentana, plekke om Plettenbergbaai, Stormsriviermond, om paar te noem.

Met die terugry, kan jy lekker groot draai ry. Van Addo gaan jy eers op na Cradock, na die MountainZebra NP. Dan ry jy Graaff Reinet oor en slaap 1 nag by CamdebooNP. Dan skuif jy aan na KarooNP vir ten minste 4 aande. 

Het julle toe al 'n boswa gekoop??? Wat het julle gekoop??

Jeanne, hierdie roete wat Wessel aanbeveel is perfek. Ek het dit al n paar keer so gery vanaf Sandbaai. Groete. Maurits

Jeanne, onthou dat daar "nuwe" park onder privaat bestuur in Kleinmond ook is.

Jeanne , Wessel sit daar bo in die ander land maar hy gee jou goeie raad. Die kamp waarvan hy praat in Kleinmond is net voor jy die dorp inkom op die regterkant. Was eers n munisipale kamp, maar  is nou onder die regte bestuur. Onrus kamp het baie melkhout bome wat taamlik laag is waaronder julle wa beslis nie sal pas nie maar daar is genoeg ander mooi staanplekke wat 100% reg is. Ek was vanoggend daar verby toe ons in die gety poel gaan swem het. Die kamp is taamlik leeg. Wat Addo in Junie betref moet jy onthou dit is winter. Lieflike dae met koel aande Maurits

Nee as jy van daardie rigting kom ry jy regdeur die dorp. Net soos jy deur die dorp is moet jy links draai om by die kamp te kom. Dit is ver van die plakkerskamp. My eerste aanwysing was van Hermanus se kant af. Sorry

...weet niks van 'n hotel af nie. Wat ek wel weet, is dat ons forum se Dakarjaer in Kleinmond bly.  

As Maurits korrek is met Junie se beskrywing as " lieflike dae met KOEL aande", dan is dit absoluut die regte tyd. 

Nou onder private bestuur. Kom ek verduidelik eerder van Hermanus se kant af om verwarring uit te skakel.

Soos wat jy eerste huise in Kleinmond kry, is eerste straat regs (na die berg se kant toe) Haemanthus (padwyser langs die pad wys Heuningkloof - waar ek woon). Hou jy egter aan met die pad, ry jy verby die woonwapark aan jou regterkant (net-net sigbaar van die pad/straat af). Draai dan eerste straat regs en ry tot T-aansluiting waar jy weer regs draai. Die park se ingang is knap daarna aan regterkant.

Die park is deur die nuwe "eienaars" pragtig opgeknap en is tans baie gewild.

As jy met Clarence Drive sou ry, ry jy regdeur die dorp. Nadat jy oor die derde 4-rigtingstop is, kry jy die tennis-, jukskei- en rolbalklubs links. Nadat jy by die rolbalklub verby is, draai jy met die tweede straat links.

Jeanne.  Hallo daar.  Onrus is nou weer terug geneem van die boewe.  Ons het n maand desember daar gestaan en alles was wel.

Ons gaan ook 2de naweek in Feb daar staan.

Die plek neem RV's.  Geen probleem.  Daar is baie staanplekke en hulle sal RV's akkommodeer.

Jeanne.  Kyk ook na Stormsrivier, Ebb en Flow.

Pragtige plekke.