Strydoms oppad Namakwaland toe- 2023

Ek sal voorstel jy wysig jou plan verder.
Ek sou eerder in Britstown by Kambro oorslaap.
Vandaar draai jy dan by Hopetown af na Vanderkloof.
As jy by Ritchie wil oorslaap ry jy verby Hopetown en moet dan weer al die pad terugkom na Hopetown.
Van Vanderkloof sou ek ook eerder teruggaan na Hopetown en Kimberley om ry. Ons weet daardie pad is in goeie toestand met 'n sleepding agterna.
Ek het al gelees die paaie in die Suid Vrystaat is in slegte toestand.

Moenie vrees nie jy gaan geen blomme mis nie.
Ek sien jy gaan by Kamieskroon en Clanwilliam oorstaan. Gaan die eerste oggend wat jy in die dorpe is na die Kerkgebou. Beide het 'n Inligting Sentrum ingerig waar hulle daagliks die besigtigings bywerk en vir jou raad kan gee waarheen om te ry. Die blomme maak in elkgeval eers hier teen 10 uur oop. Oppad na Wuppertal sal ek ook voorstel jy gaan by die Biedouw Vallei aan vir blomme kyk. Stop by die Biesouw Padstal vir linigting.

Ek heg 'n foto aan van hoe dit tans in die Bidouw lyk.

Jammer Wessel ek het nie weer na jou oorspronklike reisplan gekyk dat jy van Upington kom nie.
Vir gemoedsrus sal ek eerder op die hoofpaaie bly as om met wit kneukels te sit en die heeltyd vrees ek gaan my kar of karevaan beskadig op slegte paaie.
Ek stel voor jy doen goeie navorsing oor Vrystaat se paaie. Daar is mense wat Koffiefontein oor sleep, jy moet net stadig ry. Nouja hoe stadig is stadig. Onthou ek en jy ken nie die paaie soos die Vrystaters nie.
Dis jou keuse watter roete jy wil ry.
Hou in gedagte julle is 2 pensionarisse wat nie onnodig moelikheid op die pad wil kry nie.
Ek praat uit 'n pensionaris se oogpunt.
 

Naand menere, ek stem saam met die hoof roetes, al waar ek as reel afwyk, is wanneer my wa staan, en ons ry net rond om die omgewing te verken. 

Nee, komaan Wessel! Daardie Kavango en Hilux moet nog ten minste Nossob toe. Begin sommer nou al beplan vir volgende jaar. Gepraat van ‘n rowwe pensionaris; toe ons einde 2020 in Mata-Mata was, was daar ‘n 80-jarige omie op sy eie met ‘n daktent op sy bakkie. Hy was baie hartseer, want hy sê toe dis sy laaste keer in Kgalagadi omdat hy te oud geword het vir die daktent. 

Hi Wessel, jy kan vir Liza van Sandgat vra hoe die pad oor Koffiefontein is vir sleep, hulle ry gereeld daai pad en haar kampeerders gebruik hom ook. Ons het soo 2.jaar terug daar gesleep, maar was toe al rof gewees. Maar ek verstaan dat aan die pad gewerk is en is nie seker hoe hy nou is nie. Hoop jy kom reg om daai rowwe draai uit te kan sny. 

Wessel, ek sien hierdie op 'n ander forum geplaas deur Danie Pienaar. Hy het ook verskeie pragtige fotos geplaas. Ek sit dit in aanhaling tekens.

"Ek sien nie baie foto's van die blomme vanjaar nie. Manne, as julle kan, vat die pad en gaan kyk. Selfs die locals sê dis die mooiste blomme in baie jare. Elke jaar sê ons "ons gaan nie hierdie jaar kyk nie" en elke jaar ....... gaan kyk ons weer na die blomme.

Ons het hierdie keer nie die Biedouw-vallei gaan kyk nie. Ons het net een aand in Van Rhynsdorp oorgestaan. Die blomme het BINNE-IN die kamp begin. Die volgende dag deur die blomme-tuin na Garies gery, en daarvandaan na die Groenrivier-monding waar ons langs die see tussen die blomme gekamp het. Mense, geen manier om dit te beskryf nie. Asem-wegslaan-pragtig!

Toe lekker ge-4x4 teen die kus af tot by Strandfontein. MOET NIE DAAR GAAN STAAN NIE! Dis n vieslike plek wat nie eens n karavaanpark genoem kan word nie. (Lang strorie, nie moeite werd nie. Patetiese bestuur.) Ons het deurgedruk en by Elandsbaai in die tipiese ou-tydse hotel gaan slaap. Heerlik!

Blomme-kyk is Hemels! "

Soos dinge tans in ons landjie gaan (en met ‘n verkiesing op die horison gaan dit nie verbeter nie), moet mens daagliks bepaal of die roete waarop jy is nog veilig is. Kyk nou maar na die onlangse taxi staking, en wat gister in Swellendam gebeur het.
 

So onsinnig soos wat dit vir my is, dat mense wat ontevrede is oor duur munisipale dienste die munisipale gebou afbrand, is dit wat gister gebeur het. Dit is soos om KFC af te brand omdat ‘n Streetwise Two duurder geraak het. Al wat dit beteken is dat jy daarna glad nie meer KFC hoender kan koop nie - duur of nie. 

Dan het hulle ook die N2 en paaie in Swellendam dorp toegemaak. Mens sou wel nog oor Tradouw pas kon ry as jy van die N2 af rigting Worcester (of omgekeerd) wou reis. Dan moet jy egter vooraf weet dat die N2 by Swellendam toe is. Jy wil ook nie in so ‘n betoging vasry nie. As jy weer sien gooi hulle jou wa met ‘n petrolbom. 

hoekom is my wa so swaar op die neuswiel, dis daai volgelaaide NL. 

Laai die ruimtes onder die bankies agter die wiele vol swaar vloeistof soos bier of wyn om bietjie gewig van die neus af te haal.

Geniet die pak, julle gaan heerlik toer!

Wessel ek stelvoor jy vind uit in Clanwilliam van die roetes wat jy wil ry.
Daar is 'n kruising oor die Doringrivier wat nie tans begaanbaar is nie.
Ek lees op 'n aander blad dit loop tans nog sterk en is 100 meter wyd by daardie brug.
Dit is skynbaar op 'n roete van Bidouw na Calvinia. Die 'locals' beveel aan dat mense glad daar moet probeer oorgaan nie. Al ongerief sal wees dat jy jou vasry teen die water en terug moet draai in jou spore.
Ek twyfel of jy so er Oos sal wil gaan. Jy mik eerder Noordwes na Wuppertal.
Vind maar vir veiligheid uit van die toestand van die paaie op die roetes wat julle wil ry.

... en daarom is die forum nou doodstil. 10 uit 10 vir hom wat die forum aan die gang hou.