Meyer's se droom toer.

Geert, hulle bly in Bryanston.

Naaste wat ek van weet is Country Park in Muldersdrift area.....maar is steeds omtrent 20km se ry na Bryanston. Miskien weet ander forum lid van iets nader

Caravan Park & Camping (countrypark.co.za) 

Daar moet sekerlik n pad wees wat die trokke gebruik. Hulle ry nie deur die middedorp nie.

Jan, ek stem saam met Herman se voorstel om eerder oor George Plett toe te ry en die pas tussen Uniondale en Plett te vermy. Heelwat van my skoonfamilie het op Wittedrift gebly en lê daar begrawe (dis so 'n klein dorpie net regs van die laaste stuk van die Prins Alfred pas langs die Bitou rivier as mens van Uniondale se kant kom, my suster lê weer op Uniondale begrawe. Ek het die pas tussen Plett en Uniondale jare gelede etlike kere met 'n 5 reeks BMW gery, was meestal geen probleem nie, maar dit verander oornag. As daar reën in die pas geval het word dit moeilk begaanbaar vir die volgende paar dae (dis meestal grondpad). Ons het maar altyd vooraf gebel na die familie om te hoor wat die toestande is. Wonderlike mooi pas, maar definitief nie aan te bevele met 'n pad karavaan nie. Maar doen julleself 'n guns en ry die pas sonder karavaan as julle eers in Plett opgeslaan is, dis regtig die moeite werd en met die Ranger is dit geen probleem nie (terloops word beskou as een van Thomas Bain, die pas bouer se kroonjuweel skeppings!). 'n Brokkie interessantheid, as mens in Wittedrift inry, reg langs die NG kerk is daar ook die pastorie en bibliotekie, die ingang van die biblioteek het by sy hek so 'n geboude boog van herinnering wat die naam "Johanna Blignault Boog" (vir ons was sy bloot Tannie Johanna) dra, haar man was jare lank die plaaslike skool se onder-hoof en sy het vir vry en gratis die biblioteek vir die gemeenskappie bedryf. Dink byna elke klein dorpie in die land het seker sulke herinneringe en geskiedenis ineengeweef met sy vorige inwoners? 

My ou vader is ook op Witterdrif begrawe. Hy het van die gemeenskap gehou. Binne 6 maande nadat hy daar gaan aftree het, is hy oorlede.

Was so rukkie gelede daar verby, en die begraafplasie is vreeslik mooi versorg.

Skuus Jan !!

Klein wereld Neef! 

Goeie môre Jan, baie dankbaar om te verneem die gesondheid is beter, sterkte vorentoe.

Wat oornag plek aan die Rand betref,weet ek net van Inkwe langs die N1 (Pretoria Oos), is nie seker hoe ver dit van Bryanston is nie, maar dit is 'n baie gawe en still oord, sommer naby die N1, maar ver genoeg om nie die pad geraas te hoor nie.

Ken nie Muldersdrif wat Geert noem nie.

Môre Jan, hoop jou dogter kan die vergunning kry. 

Behalwe vir die oord wat Geert aanbeveel het, twyfel ek of jy ordentlike ander verblyf opsies het. 

Ek het geen kennis van oorde tussen JHB en Kroonstad nie. Wat ek wel weet is dat die woonwapark by Kroonstad vermy moet word.

Ek glo dat dit nie 'n probleem sal wees as jy net oornag in die estate nie, mits daar spasie is, ons stop baie in Midrand by my skoonsuster (ook in 'n estate) 

"Gelukkig" is daar egter nie spasie vir 'n voertuig met karavaan vir oornag nie

Dit klink in alle geval na 'n beter opsie om by jou kind te oornag.

Môre Jan, hoe gaan dit nou na verwydering van gruisklippers uit die filters? Maak julle al reg vir die langpad huistoe? 

Dalk het jy al genoem, maar ek het vergeet, het julle reeds 'n huis gekoop in Knysna. Ek lei af dat julle reeds gekoop het en Kersfees daar gaan spandeer.

Môre, ek is bly dat julle veilig daar onder aangekom het.

Gariep is 'n pragtige oord, en baie gewild oor die Desember vakansies. Dan wemel dit daar, en geen oop plekke te siene nie.

Geniet die huis soekery. Sedgefield is oulik, en op die oog af, nie so vol en bedrywig soos George en Knysna nie. Ek het net deurgery verlede jaar, maar nie na die woonbuurte gaan kyk nie. 

Ek het wen aand in Desember’97 daar ervaar hoe die wind daar kan afkom. Ons het in ‘n nylon boogtent geslaap toe word ek wakker van die wind wat die tent platgedruk het tot teen my gesig. Hier waai juis ‘n woeste wind by ons in Worcester vandag, en dit reën. Die stelsel kan dalk julle uitkom oor ‘n dag of twee. 
 

Geniet dit daar, dis ‘n pragtige omgewing. 

Ek het nou gekyk en dit lyk darem nie asof die wind oppad is daarheen nie. 

Soos ek op ander draad gelees het, het jul nou getrek na volgende oord....waar is julle nou?