Meyer's se droom toer.

Dr. het rekening direk vir mediesefonds gestuur en ondersoek en medikasie het my R486.00 gekom. Uitstekende diens gekry.

Ek is bly hulle kon jou mooi help. Ons het Julie maand weer heeltemaal die teenoorgestelde ervaar. Ek sou graag wou weet hoe werk hulle prys struktuur.....ons moes R800 net vir die besoek neersit waar hulle gesê het ons moet dit self terug eis van fonds. Dan het ek n voorskrif vanuit Pretoria daar gehad vir my bloedklonte.....hulle moes eers google om te sien watse pille dit was. Daai Dr het nog nooit van dit gehoor nie.....en met navraag of hulle enige iets anders vir bloedklonte het, was dit nee, hulle het absoluut niks gehad nie. Ons het toe Hazyview toe gegaan na Clicks waar die student apteker direk geweet het van watter pille voorskrif praat.....blykbaar baie algemeen....ook iets wat hulle altyd in voorraad hou. In Pretoria moes ek aangaan met die pille.....was oral baie bekend vir aptekers en is vrylik beskikbaar. 

Gedagtig aan ons ervaring by die stasie, asook Jan se besoek, en dan die onbeholpenheid wat Geert ondervind het, wonder ek nou;

Hoeveel personeel en dokters is daar verbonde aan die mediese eenheid. Kan dit wees dat Geert net per ongeluk 'n onervare dokter getref het, en ons nie.

Ongeag, dit is gerusstellend dat daar dokters beskikbaar is. Ten minste kan mens daar begin, voordat mens dalk onnodig uitwyk na buite dorpe.

ons is bespreek by Eiland Spa van Sondag af. Daarvandaan wil ons einde November begin om ons weg te vind na Knysna. Wil vir kort tydperk by  Karoo Nasionale park stop want ons sal volgende jaar daar langer kamp. 

Familie saamtrek in Knysna vir Kersfees en wil daar wees voordat die paaie besig word in Desember. 

Ek was nog nie by Eiland Spa nie, maar die foto’s lyk lieflik en dis nog in die bosveld (my hart se punt). Dit lyk ook na ‘n goeie plek om te ontspan en lekker te kuier saam met ander mense. Julle moet dit geniet nadat julle die laaste paar aande in die wildtuin geniet het. Ek het gister probeer uitwerk hoe lank dit nog is voor ons weer wildtuin toe gaan, maar dis nog heeltemal te lank om oor opgewonde te raak. 
 

Karoo NP is ‘n lekker plek. Wat is julle roete daarheen? Van daar af Knysna toe is darem nie ‘n te besige pad nie. Ek glo meeste Transvalers wat Tuinroete toe gaan ry seker eerder die N9? Julle moet maar net die naweek van 15 Desember van die pad af bly. En ook die dag voor dit wanneer die skole sluit. 

Middag Jan

Ek wil aansluit by Chris S met raad. 

Oorweeg dit om maar eerder julle oorslaapplekke te bespreek, veral as julle terugkeer saamval met skoolvakansie datums. Veral KarooNP en Aventura Gariep is baie gewilde oorslaapplekke. 

Ek het al gesien hoe vol Gariep kan wees. Die ouens beset die staanplekke so met die ekstra treilers vir bote, Jetski's dat mens kwalik jou bespreekte lee staanplek kry. Ek het gesien hoe ouens sommer net op die plaveisel voor die ablusieblok oornag. 

Onthou van die nuwe plek neffens Aventura Gariep, genaamd Waschbank. Volgens Lapskag is dit aan te bevole. 

Hallo Jan !  Ek is baie bly jou mediese probleem kon in Skukuza opgelos word.  Dis juis hoekom ons twee weke in Mei 2024 in Skukuza gaan kamp om naby mediese hulp te wees vir ons ou twee kranklikes.  Jou ervaring is darem 'n mate van gerusstelling.

Iets anders : as jy julle Porta-Potti gaan leegmaak by die ablusie, onthou vir wie jy moet bedank vir die fasiliteit.  Ek het in 2017 'n lawaai opgeskop omdat daar nie so 'n fasiliteit is by die grootste kamp in die Wildtuin nie.  Ek het 'n netjiese brief van SANParke se hoofkantoor gekry dat hulle dadelik aandag daaraan gee. Drie maande later kry ek 'n brief om te sê die fasiliteit is by alle ablusies in Skukuza aangebring.

...met die afbreek en wegpak van jou vakansie-chalet. Ongelukkig is dit die slegte deel van 'n woonwa vakansie, daai afbreek.

...staan jou vakansie woning by Die Eiland? Ek hoop julle kon weer 'n lekker staanplek met heeldag koelte kry. 

Julle is seker omtrent alleen daar, of nie. Laat kom maar 'n paar fotos en verslagdoening. Onthou, ons reis saam tot by Knysna.  

..................oor die laaste struikelblok wat julle by Skukuza getref het.  Ek is egter bly jy kon darem mediese hulp gekry het en dat jy nou deur 'n uroloog gesien sal word.

Dit laat my baie dink aan Mei-maand verlede jaar toe ek die laaste drie dae van ons maandlange Wildtuin-vakansie moes oppak en 2000km huis toe moes keer vir 'n operasie.  Gelukkig het my seun ons kom haak en Kaap toe gehelp met die karavaan.

Ek sien uit na jou verslag oor julle lang Skukuza kamp want dis ons plan ook volgende jaar Mei.

Ek wens jou sterkte en herstel toe sodat julle toer voortgesit kan word.

Baie sterkte Jan. Ons glo en vertrou dat dit nie te ernstig is en dat jy spoedig sal herstel.

Sterkte Jan. 

Ons hoop saam dat die loodgieter die probleem sal vind en spoedig oplos sodat julle toer verder kan gaan. 

Dankie vir die omvattende dog bondige verslag. Dit klink heel positief en is goed om te hoor. Weereens sterkte môre en ons hoop vir die beste. 

Môre Jan en ander 

Ons het al die kamparea regs nadat mens regs by die sirkel gedraai het, gebruik. Soos mens in die deel inry, het ons aan die linkerkant gestaan. Dit is redelik plat met bome en struike aan die kant wat lekker koelte gee. 

Die regterkant het moeilik begaanbaar gelyk. Van die staanplekke daar is teen die draad, en na my mening moeilik bereikbaar met 'n groot woonwa. 

Wat het jy met julle woonwa se stortwater gemaak, met pype weggelei of opgevang in 'n kan.

.... jou sinsnede " hy vind niks verder", verwys seker maar na kanker van die prostaat. Het jy 'n bloedtoets onlangs gehad, wat negatief uitgekom het? Indien wel, kan jy mos ontspan.

Nou wat is vêr stilsit [bestuur], so 400km per dag of dan 5ure agter die stokke. Kan die beterhelfte sleep??

Sterkte. 

Dankie dat jy ons op die hoogte hou van julle tydelike struikelblokkie.  Ek is baie bly dat niks ernstig fout is nie en teen die naweek is alles oor en uit en kan die toer lekker voortgaan.  Sterkte vir julle albei !