Spog maar lekker
Die Prado kos darem net geld wanneer dit beweeg, nie elke maand al staan dit stil nie 
Len en Chris S
Middag julle paplepel kandidate
Ek weet rerig nie waarna Chris verwys nie. Ek is dankbaar dat ek Grompie sommer kontant kon betaal, dus kos hy my nie 'n paaiement al staan hy stil nie.
Moet egter nie bekommer nie, ek sal steeds julle saamgesels verdra en geniet.
Match box
Môre Chris
Ek het meestal match box se karretjies vir my klong gekoop, en net so lekker saamgespeel.
Ons het onder die afdak 'n deel van die dorp geteken, met sekere besoekpunte, strate en parkeerruimtes. Aldrie kinders het te lekker karretjies gespeel. Dan praat ek nie eers van al die paaie wat in die tuinbeddings gebou is nie, damme en brue.
Koester tog jou tyd saam met jou kleingoed, tyd vlieg vreeslik vinnig.
Dankie
Koester tog jou tyd saam met jou kleingoed, tyd vlieg vreeslik vinnig.
Dis waar, ek probeer die meeste daarvan maak.
Maar terug na die onderwerp. Alhoewel daar nou ‘n hele paar Rand aan jou Kavango bestee is, glo ek dis nou klopdisselboom en ek dink dis ‘n wyse besluit om maar die staalborstel in te span eerder as om te kyk na ander waens.
Verlore geleentheidskoste ?
"Grompie sommer kontant kon betaal, dus kos hy my nie 'n paaiement al staan hy stil nie."
Ek wonder of die begrip "verlore geleentheidskoste" in die kernfisika bedryf inag geneem word ?
Rem disselboom
Môre Chris S
Dit is nog nie die einde nie. Ek het nounet die Kavango in Schoemansville gaan aflewer. Echo het nooit nadat hulle alles teruggebou het, die wa se remme gestel nie. Ek hoop nou dat die ongeveer 100km met stoppe nie die inlooprem gebuig het nie, wat blykbaar kon gebeur het. Dit sal ek môre hoor as ek die wa gaan haal.
Echo het nie eers die moeite gedoen om net op hulle terrein die wa te toets nie.
Op die oomblik is dit baie moeilik vir my om die Kavango as woonwa, nie te verwar met die swak diens gelewer nie.
Lost opportunity cost
Het dit gaan oplees. Regtig iets wat ek nie eers weet bestaan het nie, maar tog bewus van was. Nou wonder ek of Wessel soos wat ek al gehoor het, eeder die bank se geld gebruik om voertuig te finansier, en sy cash eerder mee bitcoin te koop.
Dan moet Echo maar betaal
Ek hoop nou dat die ongeveer 100km met stoppe nie die inlooprem gebuig het nie, wat blykbaar kon gebeur het.
Dis swak diens van Echo so hulle moet maar opdok as daar skade is. Het die wa jou nie gestoot as jy rem nie?
Ek stel voor dat jy vir Willie Grobler van Echo ook laat weet van die oorsig. Ek stuur sy kontakbesonderhede vir jou.
LOC
Ook nou gaan oplees. Finansies en ekonomie het net my pad gekruis wanneer ons gefokus het op kommersiële projekte. Dan het ons eerder gefokus op "return on investment", draaipunt, gelykbreekpunt en tyd verloop voordat winsgewend was.
Optimale benutting van neutron posisies, gemeet in Randwaarde/ neutron-bestraaltyd was/is die deurslaggewende parameter. Net soms het 'n ander parameter, genaamd "landsbelang" ook ter sprake gekom.
Kontakbesonderhede
Middag Chris S
Dankie, ek het dit ontvang.
Ek het hoofsaaklik snelweg gery, met beheerde stoppe by tolhekke en aansluitings. Ek het dus ooreenkomstig stadig spoed verminder en nooit hard/skielik gerem nie.
Dit is net met 'n doodstop dat jy die doef voel en hoor. Omrede daar nie lang steil afdraendes tersprake was nie, het ek nie 'n stoot gevoel nie. Ek het wel vanoggend teen die steil Silkaatsnek af, om regs af te draai na Schoemansville, alreeds bo op die bult begin afrat tot in 2de, indien die wa sou begin stoot. Sodra die inlooprem se stang ten volle ingedruk is, sonder dat die wa help rem , is die volle remaksie en massa die bakkie se baba. Kortstondig behoort die trokkie dit te kan hanteer, maar nie vir 'n lang periode nie.
Geleentheidskoste :
Wessel, daar waar Grompie doodstil staan kos hy jou geld. Die kontantgeld wat jy gestort het in die stilstaande Grompie kon dalk in 'n ander geleentheid belê gewees het wat jou 'n beter, lekkerder inkomste gegee het. ("There is never a free lunch" storie)
Koste
Goeie voorbeeld, maar dit hang af wie die somme maak en watter opsies en oorwegings geld.
Ek kon seker die geld op belegging gehou het, MAAR dan het ek nie 'n nuwe Grompie gehad nie. Dan moes ek ook baie duurder km/l [R/km] oor die weg kom met 'n ou trokkie. Boonop het ek nou vir 9 jaar gratis dienste, wat ek nie gehad het nie.
Die geld op belegging kan ook tot gevolg hê dat ek meer vir SARS sou moes betaal. Ek geniet eerder my eie geld, as om dit vir SARS te gee.
Reg vir Sanparke toer
Vanoggend die Kavango gaan haal. Net betyds daar gekom om te sien hoe hulle remme effens af stel, nadat baas/eienaar van werkwinkel [nie Echo] die wa om die 10km blok gaan toets het.
Jis nou sleep ou Skillie sommer weer lekker, selfs Grompie kan dit aan die beweeg kry. Die remaksie is net so lekker, lekker egalig sonder lawaai en stampe. Gelukkig was die inloopskokbreker nog reg.
Môre namiddag laat, en donderdag oggend DV [bedoel hier dou voordag] die was, poleer en stofsuig. Daarna bêre tot volgende jaar, met so paar battery laaie tussenin.
Dalk sal ons darem Skillie gaan kampeertoets voor ons die Sanparke toer aandurf.
Mooi so, maar…
Dis goeie nuus dat die wa weer klopdisselboom is. Dit krap aan mens as ‘n voertuig lol, en mens raak mos sommer naar daarvoor en wil dit nie meer hê nie. Nou gaan julle weer lekker sleep en kampeer. Al wat my bekommer is dat julle nie wil gaan kampeer in die somer nie. Julle wa het dan lugversorging in!
dit werk nie buite nie
Middag Chris S
Ongelukkig maak dit net binne koel. As dit 38+C word, dan help diep skadu oor die wa en tent ook nie meer nie.
Daarmee saam is die waarskynlikheid vir hael, saam met donderstorms net te groot. Versekering sal seker skade betaal, maar ek probeer dit vermy. Wat noem Len dit;
verlore geleentheids onkostes
Wildehont, die Prado stap…
Wildehont, die Prado stap seker nou naby aan R5.00 per kilometer vir brandstof. As ek dink dat n dorp trip my hier, 100km heen en weer, R500.00 beloop, dan is vinnig brood en melk kry nie meer ń opsie nie.