Kgalagadi Oktober 2026

Dankie ChrisB vir die lekker gesels oor die toer en wat julle ondervind by die oornag blyplekke. 

Vir die afgelope maand het probeer saamgesels, maar die forum wou nie my toelaat om aa te teken nie, vandaar my afwesigheid.  En vanmôre, siedaar, ek is sommer outomaties aangeteken.

Ek kan vir jou redelike vars Kgalagadi-besoekers inligting gee van mense wat op 1 Oktober  vanuit Kgalagadi teruggegekeer het. My 81-jarige broer en sy seun (beide van Oostenryk) het pas teruggekeer na 'n baie aangename en suksesvolle besoek aan Nossob (in witlakens natuurlik). Dit was nogal 'n waagstuk want my broer het, behalwe sy gevorderde ouderdom, baie gesondheidsprobleme.  Gelukkig was hy saam met sy seun wat 'n oor-neus-en-keel chirurg in Oostenryk is,  en hulle het ook 'n satalietfoon gehuur vir noodgevalle.  My broer was 40 jaar gelede, voor hulle Oostenryk toe geëmigreer het, 'n ereveldwagter by die destydse Parkeraad. Hy het destyds saam met veldwagters verskeie spesiale pad-roetes en staproetes in Kgalagadi fisies ondersoek en beplan wat toe later ingestel is. Hy het hierdie besoek en ook die besoek saam met my en sy dogter 'n maand gelede in Kruger Wildtuin, beskou as sy afskeid van Suid-Afrika en ons wildtuine.

Terug na Kgalagadi :  Pa en seun het 'n fantastiese ervaring gehad, alles het vlot verloop. Hulle het Kaap toe gevlieg en by my tuisgegaan en van hier af Upington toe gevlieg, daar  'n 4x4 gehuurde Fortuner (met 'n vrieskassie agterin) in ontvangs geneem.  Die voertuig-huur is deur my kinders vir hulle gereël en die huur firma het hulle selfs met die Fortuner by Upington se lughswe gaan opolaai ! Vandaar  het hulle tot by Askam gery en daar hul vleisbehoeftes (wat ek met my kinders  se hulp, vooraf by Askam Deli bestel het) in ontvangs geneem. Uiters vriendelike en behulpsame personeel oral.  Vanaf Askam het hulle tot by Kalahari Lodge, 5km vanaf Tweerivieren-hek,  gery waar hulle oornag het.

Volgens die Oostenrykers was die paaie glad nie so sleg as waarop hulle voorbereid was nie en die afgeblaasde bande na 1.6  kon moontlik daartoe bygedra het.  In Nossob was alles puik met uiters vriendelike en behulpsame  personeel. WiFi was beskikbaar teen 'n koste en hulle kon selfs met hul gewone selfone met hul geliefdes in Oostenryk praat.  Hulle was gaande oor die wildlewe en verskeidenheid interessante voëls.  In die een week wat hulle daar was het hulle 16 keer leeus gesien, ook 'n luiperd, gemsbokke, talle jakkalse en talle volstruise (met kleintjies) en al die ander meer algemene wild.

Chris, geniet julle besoek daar.

...welkom terug op die forum, moet net nie weer "log of" nie. 

Ek wil net bevestig, daai 16 kere leeus sien, was nie elke keer dieselfde leeus nie???

.............. ek weet nie met sekerheid nie, maar ek twyfel sterk. Die betrokke besoekers is gereelde besoekers aan SA wildtuine met 'n deeglike kennis van Suid-Afrikaanse wildspesies en het nie nodig om by ander met fiktiewe getalle te  spog nie.

by wyse van spreke. Chris, varser nuus kon jy seker nie kry nie en ek glo Len se skrywe maak julle net meer opgewonde. Glo julle gaan dieselde ervaring hê as sy broer.

Chris het gevra dat ek sy boodskap hier plaas. Hulle is tans in TR, waar hy sukkel met data sein. Hy hoop om weer sein te hê as hulle in Nossob is.

Chris het met groot lekkerte wel die Leeudril 4x4 gery. Hy het dit so mak soos 'n lammetjie gevind, en is redelik oortuig mens sal dit ook in 2x4 kan ry., hoewel hy dit in 4x4 hoë strek gedoen het. 

Het die Hi Lux traction control ? En die kies van " modus" ?? Vir sand of klip of modder etc. Die oues, wat ek ken kon jy regtig met lekker vet Tekkies afgeblaas, die Namib se duine mee tem.

Herman, ek gaan eers namens Chris antwoord, hy moet later bevestig as hy sein het.

Wat ek kon vind, blyk dit dat sy trokkie Traction control het. Ek twyfel of sy trokkie al die ander ry-keuses het.    

Ons is dankbaar vir die bietjie sein wat jy het Chris. Tot dusver klink dit net na plesierigheid met interessante sightings in 'n anderste wĕreld. Kry julle baie warm?