JZ kry trek pas ?

Hoe meer dinge verander hoe meer bly dit die selfde…  Die eerste staatspresident van die republiek van Suid Afrika was CR SWART…..  ( 1961 tot 1967) 

Nou is ons by CR en hy is ook Swart.

CR en hy is ook Swart.

 Hehehehe

 CR en hy is ook Swart.

Kom ons erken, dit was positief en het belowend geklink vir die toekoms.   As woorde oorgaan in dade, kan dit net beter gaan.   Ek dink Cyril is slim genoeg om te besef dit mag nie net by leë beloftes bly nie.   Net die toekoms sal leer.   Dit gaan interessant wees om te hoor hoe die opposisie partye Maandag daarop reageer.  

Freda dit was darem 'n heel ander parliment ondervinding as al menige vorige sirkus gevalle.   Dit was so lekker om nie daai ander poepol se gesig te sien nie.

Hoop regtig dat dit wat gesê is nie net lee beloftes is nie. 

Voorwaar n baie beter vertoning as die vorige paar.  Glo as dit wat gesê is in werking gestel word die ekonomie sal kan groei. 

Nou wag ek om te sien wie se koppe gaan waai.........

Ek vind die jongste gebeure op die politieke terrein in Suid-Afrika uiters interessant en opwindend. My raaiskoot is dat Cyril Ramaphosa weet hy moet homself van die Zuma-era onderskei deur onmiddellik 'n paar drastiese stappe te doen om te bewys dat hy nie net praat en beloftes maak wat nooit nagekom word nie.  Ek raai sy eerste stap gaan wees om volgende week sy nuwe, aansienlik verkleinde kabinet aan te kondig en 'n klomp ministers en adjunk- ministers gaan hulle jobs kwyt wees. Sy volgende stap gaan wees om Shaun Abrahams te vervang en die NPA sover te kry om die nuwe lewe in die Valke se ondersoeke voor die howe te kry. Ek glo die NPA het reeds sy opdrag om aan die werk te spring om die korrupte Ace Magashule aan die pen te laat ry oor die Vrede plaas bedrog sodat hy sy pos as Sekretaris Generaal van die ANC kwyt kan wees.  Ek raai ook hy gaan nog voor die Begrotingsrede vir Malusi Gigaba pos - dis 'n regte blinkstefaans wat vinnig sy mantel gedraai het nadat CR aanbewind gekom het en hy het GEEN finansiële ervaring nie.

Die nuwe president kan nie die elemente van sy staatsrede ten uitvoering bring as sy gevegspeleton nie die regte kwaliteite en lojaliteite het nie  -  daarom die kabinetskommeling eerste !

Johann, ek het self nie gehou van die "grond sonder vergoeding" deel nie maar hy het darem daarna gesê dat dit op so manier gedoen moet word dat dit tot voordeel van landbou in die land sal wees en dat dit voedselvervaardiging en voorsiening sal verbeter.   Hopelik besef hy hulle kan nie grond, waarop 'n wit boer tans suksesvol boer, sommer net van hom wegneem en gee vir 'n swart boer wat dit ten gronde sal laat gaan nie.   Daar is baie grond in die land wat onbenut is en wat dalk ingespan kan word om ekstra voedsel vir die land te voorsien.   Altans, ek hoop ek is nie net hoopvol positief nie, maar dat dit wel so sal gebeur.

Wat die grond saak betref....  Dit is nie net landbou grond nie....

N ander bekommernis is die nasionale mediese fonds saak.......

Freda, ek is nie bekommerd oor grond hervorming nie, want soos jy uitwys, CR het verskeie voorwaardes genoem wat nagekom moet word.  Hy is nie 'n populis nie en met sy sake-agtergrond sal hy toesien dat suksesvolle, produserende boere nie onteien word nie  -  elke keer as hy oor grondhervorming praat waarsku hy dat voedselsekerheid ononderhandelbaar is.  Hy sal eers die proses moet begin om die grondwet dienooreenkomstig te verander en daarvolgens het hy 'n tweederde meerderheid in die parlement nodig. Ek dink hy sal begin by plase in boere se besit wat braak lê en nie vir ekonomies vir landbou aangewend word nie. (Zimbabwe se blanke boere se probleme het begin toe boere nie hulle surplus plase aan die regering beskikbaar wou stel vir herverdeling nie en ongelukkig toe begin die plaasbesettings van veral ekonomiese aktiewe boere).

Deon is reg, grondhervorming is nie beperk tot landbougrond nie.  Daar is talle onontwikkelde, ongebruikte eiendomme in woon- en sakegebiede waaraan eienaars al vir jare vasklou sonder om dit te gebruik.

Len, jy is reg oor die voedselsekuriteit, ek lees hy het ook genoem dat dit nie die ekonomie mag skaad nie. ek sien hy wil saam met die banke 'n taakspan aanstel om na die proses te kyk?

Hy wil ook 'n taakspan aanstel in samewerking mat Landbou unies en landbou spesialiste om na die grond wat reeds aan opkomende boere gegee is. Hy glo dat sowat 90% van daai grond onbewerk of onder benut word, hy reken dit kan ook liewer aan produktiewe boere [wat die nodige kennis het] gegee word.

Soos ek al heelwat vroeer genoem het, ek het volle vertroue in die man.

Die petrol prys wat so val bekomer my vreeslik, hou niks van die goedkoop petrol nie!

My pa het my van kleins af geleer dat goedkoop is duur koop, so die goedkoop petrol gaan ons kom byt.

Sal maar weer my tenk en jerry kanne vol maak voor die prys afkom.

Ja oom Arie, hulle kan nie dink jy is cheapskate nie