So kom ek die trappe af ...........

Nou ja woensdag oggend musina toe vir bietjie voorade. By die Mall is Petra by Checkers in en ek stap na die annerkant vannie mall, so bietjie 'Bird watching" 

Op 'n stadium moet ek toe by 'n stel trappe afstap, sien daar onder kom daar so lieflike nimf aangesweef op pad bontoe. Sulke lang raafswart hare wat so parmantig wip as sy stap, sulke pragtige groot blou oge so entjie onder haar keel, hulle het net so effense wip as sy loop net genoeg om dit absoluut aanloklik en tasbaar te maak. Pragtige greon oge, parmantige klein wipneusie met so paar sproeitjies op, en dan....... daai lippe, sulke vol sagte soenbare lippies.....

Nou ja g'n mens sal my dan nou kwalik neem dat ek die eerste trappie mis trap, en daar gaat ek....... kop eerste op my maag gly ek daai trappe so wip wip af. Onder gekom le ek op so bondeltjie opgekrul, en toe my oge oppmaak, kyk ek in die diep groen poele van haar oge in, amper verdrink ek. Maar nou moet 'n man sy pose hou voor die jong dametjie so ek spring toe maar op sonder steune of kreune en reken nee wat ek is okey, so ou valletjie is mos maar alledaags.

Sy help my toe na 'n apteek waar ek pleisters en wie weet wat nog koop, altwee kniee rou, linker maermerrie vel loos, arm se velle af hand stukkend. So hink ek toe maar Chekers toe om vir Petra te kry.

Later die middag is die een knie geswel en potblou so ook my pols, maar dit is mos "Barn Dancing" vanaand! Praat toe met almal en se ek sal die musiek opsit, lekker klomp Hill Billy square dancing musiek afgelaai, ek sal die musiek maak en hulle kan dans. Almal besluit toe om dit maar net 'n braai te maak en die dans uit te stel tot ek weer kan dans.

Vandag darem beter, die blou is nou so siek groen kleur en kan weer stap sonder om kreupel te lyk.

Terloops Tannie Frieps geluk met jou span se oorwinning!!! Knap gedaan.