Ek het 'n klompie jare terug 'n motorradio in ons Exclusive geïnstalleer met 'n lugdraadjie permanent gemonteer teen die regterkantste symuur, voor. Foto hieronder.
Die lugdraadjie het heel goed gewerk, maar het nou begin roes en moet vervang word. 'n Verdere probleem was die lugdraadjie is 'n bietjie lig in die broek vir afgeleë plekke (soos in die noorde van die Wildtuin) en dan moet ek eers 'n draad span na 'n boom of soiets om 'n beter opvangs te kry.
Ek het nou al oral gesoek vir 'n sy-gemonteerde lugdraad waarvan die "aerial"-gedeelte kan afskroef terwyl 'n mens ry. Midas en Game het dit nie en motorradio-plekke is so skaars soos hoendertande.
Enige aanbevelings ?
Len
Len, dagsê.
Ek het jare gelede 'n lugdraad gekoop by 'n plek wat motorradios installeer wat net so 'n plat affêre was, sê maar so 45cm, wat jy sommer BINNE daardie rakkie/kas plak, uit die oog uit. Hulle het te vertelle gehad dit het versterkers ens., in, en blykbaar soortgelyk aan die wat in sommige motors êrens naby agtervenster buite sig geplak word.
Weet net dat ons nooit enige ontvangsprobleme gehad het waar ons ookal gekamp het nie. Dalk is hier slimmer mense wat kan raad gee.
Ek sien op BidorBuy is daar…
Ek sien op BidorBuy is daar talle tipes te koop, shark fin en Bee-sting antennas.
Magtag, het lugdrade ook nou…
Magtag, het lugdrade ook nou al 'n BEE rating, vang dan seker net Zulu op, en daai Shark fin, nee man dan moet ons heeldag na die sharks se rugby luister??
Len, soos Frans sê, jy kry…
Len, soos Frans sê, jy kry wat hulle noem, "power amplified" of so iets, lugdrade, myne is sommer binne in die kop kas vas gesit. Buite sig en daar is so rooi LED wat wys dat dar krag (12volt) op is, maar ongelukkig werk myne nie so wonderlik nie?
Wessels, lekker lag ek nou,…
Wessels, lekker lag ek nou, baie skerp!
'n Mens...
'n Mens sorg mos dat jou hoekstutte stewig vas is, of jy nou iets beplan of nie ! En jy sorg dat jy 'n stywe lugdraad het - ek praat natuurlik van die radio s'n !
Len ek wou al voorgestel het…
Len ek wou al voorgestel het dat 'n lugdraad wat slap hang ook kan werk? Dis nou die radio se lugdraad.
Lyk nou vir my of julle af…
Lyk nou vir my of julle af is van die radio en dalk weer wil tent opslaan??
dalk weer wil tent opslaan??…
dalk weer wil tent opslaan??
Nee dit is vir Len se karavaan.
Ek het toe..
Ek het toe reggekom met 'n nuwe lugdraad by een van die grootste Midas winkels in die Kaap. Dis 'n teleskopiese lugdraad wat swart geverf is en nie behoort te roes nie. Dit kan lekker hoog uittrek en dit behoort dus goeie opvanga te verseker. Die beste nog is dit kan heeltemal uit die voetstuk uitskroef en hoef nie buite te bly wanneer nie ingebruik nie of tydens 'n rit.
Let ook op dat dit spesiaal voorsiening maak vir Wessel se probleem hierbo dat die swaai daarvan harmonieuse bewegings binne gaan verklap. Let daarop dat daar 'n addissionele stut is wat keer dat die lugdraad swaai !.
Jammer vie die swak foto, ek het dit in die aand geneem.
Len, nou kan julle weer…
Len, nou kan julle weer lekker luister na jul gunsteling stasie, bly jy het reg gekom met iets waarvan jy hou
En jy kan daai swaai…
En jy kan daai swaai beweging op die maat van musiek doen.
Die vorige eienaar het die…
Die vorige eienaar het die lugdraad binne in die hoek van die wa gemonteer. Ek is bly want dit maak die moontlikheid van lek plekke minder.
Leeu, .....
Leeu, ek het voorheen in my destydse Penta ook die lugdraad binne gemonteer, maar die opvangs was nie op afgeleë plekke goed nie. In my Exclusive het ek wel die kort lugdraadjie buite gemonteer wat meestal redelike goeie opvangs verseker het. Maar by afgeleë plekke soos in die noorde van die Kriger Wildtuin en in die Kgalagadi, moes ek altyd 'n addissionele draad as bykomende lugdraad span. Dit het my geïrriteer en vandaar 'n lugdraad wat lank kan uittrek om beter opvangs te verseker.
Omdat ek die montering self gedoen het, het ek baie seker gemaak dat geen druppel water daar sal kan insypel nie.
Len se lugdraad
Hello Len
Dit lyk of jy 'n baie praktiese lugdraad opgespoor en monteer het. Lekker luister oral.
Niks fout met Saterdagaand klassieke keuse op ou RSG stasie nie.
Groete
Wessel
Wessel...
Wessel, jy noem nou iets interessant : ek en my anner helfte luister graag Saterdagaande die oudste program op RSG, "U eie Keuse" en daarna, dansmusiek "Kap Dit Uit", dan "Country & Western" en na die 11 uur Nuus sommer net nog ligte musiek tot midderrnag.
Soos jy kan sien, ons het goeie, stereo radio-opvangs nodig oral in die land en ek is vol vertroue my nuwe lugdraad gaan die nodige doen.
Len gaan probeer
Probeer die ou Indier , Pakistan winkels glo jy mag dalk daar reg kom