Ons het besluit om weer na baie jare hier te kom kamp.
Die plek is regtig bitter mooi...
Mountain sanctuary
More Anton
Jou fotos laat altyd 'n plek besonder mooi lyk.
Ek was seker so 4 jaar terug ook daar. Dis mos anderkant die Buffelspoortdam en Omaramba, of is ek verkeerd?
Ek onthou die swembad by die dagbesoekers terrein, en mens moes alles dra tot daar. Ons het deur die kampeerplek gestap na die valle toe, maar dit het NIE so mooi gelyk nie.
Die ablusieblok, vanaf 'n afstand, het ook nie vertroue ingeboesem nie.
Julle het tot kameelperde te siene gekry. Ek wonder of die plek onder nuwe bestuur is, met 'n ontwikkelings ingesteldheid.
Groete
Wessel ek ervaar 'n beter…
Wessel ek ervaar 'n beter ondervinding hierdie keer. Ek het nou heerlik gestort in 'n skoon ablusie met lekerrr warm water.
Ons gaan binnekort die Grotto roete stap ... sal kom foto's plaas.
PS. As mens nie hou van stap nie, dan kan die verskillende poele en swembad ens. dalk vêr wees. Padwaens sal dalk sukkel om hier in te kom afhangende van jou tipe sleepvoertuig.
Ai dit was lekker. Ons het…
Ai dit was lekker. Ons het die stap en poele geniet. Ons was vanoggend vir so 3 ure in die koppies in.
Magaliesberg, o Magaliesberg
Ek het die eerste 22 jaar van my lewe teen die noordelike hange van die Magaliesberg deurgebring. Volgens my is dit waar die bosveld begin, en dit sal altyd ‘n spesiale plek in my hart hou. Mooi foto’s!
Awsome verby Anton
Daai is mooi verby so regte bos / berg atmosfeer ek is seker jy kan daai water so uit die poele drink dankie vir mooi deel
Nog foto's
...