E begin dié draad om te gesels oor ons weer in SA.
Dankie Willem !
Ons het darem al so 15mm reëntjie gehad vanaf 3nm vanmiddag, maar nog geen teken van vloede of storms nie. Dis nogal koud, maar beslis nie vriesend koud nie.
Miskien kom die groot reën en erge koue vannag en/of môre.
hier het nou 'n paar…
hier het nou 'n paar ongewone druppels geval hier by ons in Centurion.
Ek wag nog vir die sneeu... 
Verlede nag saggies begin…
Verlede nag saggies begin reen, en sonder enige noemenswaardige voortydige wind. Lyk my die was net spoke opjaag. Het gister n varkie OB's gekry vir net ingeval....
Storm Report SA ...
Van fb gekry.
From Matroosberg Reserve close to Ceres in the Western Cape.
It seems there is a good amount of low-level snow with more snow expected throughout the day.
Hier by ons...
Hier by ons in Brackenfell het ons die afgelope 24 uur 42mm reën gehad (gemeet 7vm vanoggend) en dis lekker yskoud - gelukkig het die wind darem 'n bietjie bedaar. My drie 2200 liter watertenks is propvol en die swembad is nou al tweekeer uitgepomp om onder die plaveisel te bly.
Ons is baie geseënd en dankbaar.
Matroosberg
Ek hoor vanoggend op RSG dat ‘n meter sneeu voorspel word op plekke in die Wes-Kaap. Dis heerlike lente (maar) die winter (is nog nie) verby. Toe ek van die berge om Worcester kon sien vanoggend was daar al ‘n mooi klompie sneeu, en ek is seker daar val tans nog. Dis koud en reën nog aan en af, maar die wind het gaan lê so dis nog nie so koud nie.
Môre behoort die son te skyn, so dan gaan Matroosberg seker ‘n malhuis wees met almal wat uit die Kaap uit ry om sneeu te gaan kyk. Ons ry gewoonlik na ‘n Sentech toring anderkant Brandvlei kelder, want daar is baie minder mense. Die kontak wat ons het wat iemand met ‘n sleutel vir die hek ken werk egter môre, so ek weet nie of ons sal kan gaan nie. Dalk moet ek na werk gou Koo toe ry met die kinders en kyk of daar nog sneeu is.
Verkeerd gehoor
Ek het nou op die 10:00 nuus gehoor hulle praat van 10cm op hoogliggende gebiede, nie ‘n meter nie. Ek het verniet opgewonde geraak.
Weird. Hier by ons 3mm reen…
Weird. Hier by ons 3mm reen laas nag. Berg toe onder mis, maat twyfel of daar sneeu is.
SNEEU OP DIE ROOIBERGE
Eintlik moet ek niks sê nie en maar net die skaarste gou wys. 2013 laas gebeur en toe net so effe.
Vorige keer wat ek hier gepraat het, het 'n paar gekultiveerdes en hoog ge-eerdes nie my ietwat moedswillige terg en humor oor die Vaaldam waardeer nie. (Dis maar hoe ons Namakwalanders is). En dan is daar ook soms so een of 2, soms selfs 5, wat erg geroepe voel om my te korrigeer en selfs 'n virtuele prekie vir my af te steek. Veral oor dankbaarheid en sulke goed. My taal- en tikfoute kom ook soms onder die vergrootglas.
Maar nouja. As mens jou nek waag uitsteek op so 'n groot groep, moet jy sekerlik nie skytjiefyn (liggeraak vir die suiweres van hart en gees) wees vir wat na jou kant toe kan kom nie. Ek het egter besluit om weg te bly. Vir altyd.
Maar hier kom staan en sneeu dit toe na blou jare vannag op my berge. So laat ek amper wou tjank toe ek dit sien. Maar ek het nooit geleer van tjank nie. So ek het seker darem nie.🤔
Wou dit maar net wys en sal nou weer verdwyn.
Rooiberg. Die hoogste spits in die Kamiesberge van Namakwaland met Garies die naaste dorp. Foto uit my veld. Koördinate het ek nie nou nie. Jammer daaroor vir die suiweres van rigting en plek.
Die wonderdrommel in verwondering vir my Rooiberg.
Witzenberg Vallei ...
Die Witzenberg Vallei is spierwit! Happy snow day!
Photo Credit: Matroosberg Reserve
Willem .....
... die Kaap is maar mooi - met of sonder sneeu. En nog lekker ook. Dit is baie lekkerder om hier te woon en net by geleentheid in die noorde te gaan kuier 😊😊
Stem saam
Môre Chris B
Ja, vryf dit maar in. Die gefoeter is, is as jou beterhelfte 'n gebore Transvaler is, en in my geval, bly ekself al veel langer hierbo as wat ek in die Kaap gebly het.
Dan natuurlik was die Wes Kaap veral veiliger as hierbo, maar dit wil voorkom of die plaasaanvalle daar ook ernstig kop uitsteek.
Chris ...
Ek weet dit alte goed.
Van ek in die Kaap was tydens my diensplig dae '73 in die Vloot het ek my hard verloor vir die plek. Was op 'n slag daar (dink Koo) vir 'n werks onderhoud maar 🤷♂️. Nampak Bevcan Epping en Divfood Paarl is darm 2 takke waar ek redelik tyd gespandeer het. Het selfs destyd die plot in L'Agulhas gekoop, maar dal is dit my nie beskore om in die Kaap te bly nie. ☹
Wessel.....
Wessel, vroulief is geen verskoning nie. Ek is self 'n gebore Pretorianer en my wederhelfte kom daar uit jou geweste, net nog 'n bietjie verder wes, doer anderkant Northam. Maar met my heen en weer verplasings het my drie kinders (gelukkig) wortel geskiet in die Kaap en dis 'n ou se troefkaart. Ma stel glad nie meer belang in die ou Wes-Transvaal of Pretoria nie en verkies waar die kinders is, eintlik die kleinkinders. Met jou dogter in Hermanus, is jou stryd mos eintlik halfpad gewen.
Table View ...
Kaapstad kry nooit sneeu nie, maar gisteraand kon ons 'n wit landskap bewonder na 'n massiewe fyn haelstorm/ysreën(?). Hierdie is hoe dit in Table View gelyk het gisteraand.
SA Weerdiens Media Verklaring ...
Dit op fb gesien.
https://www.facebook.com…